校際音樂節老師話應該拎唔到獎

Rainy

老師好坦白講 , 優唔難, 但無乜信心可以教到學生拎到獎... 我問點解... 佢話佢教親d 學生都是只拎優... 你地有乜感想... 我可以點做....
佢話拎唔拎到係好視乎個評判既喜好... 係咪咁架?

helenli

我自己都係老師, 一個學生有無機會得獎, 拿多少分, 大約心裡有數, 同一賽事有幾十個小朋友彈同一首樂曲, 得奬的只得五, 六個, 贏的小朋友要表現鎮定, 發揮到平日水準, 又符合評判口味, 好多因素要配合.  我作為老師一定唔會在賽前向家長說小朋友無機會拿獎, 在準備參賽前一定要讓家長和小朋友明白比賽是學習之一, 練習過程, 臨場表現, 心理調整, 先係最重要的學習.  得獎固然錦上添花, 無奬亦唔需要難過.  我曾經有學生第一次參賽輸了, 大喊, 她媽媽覺得女兒受傷害, 自此不再參賽, 這孩子日後在音樂學習上亦沒多大長進, 所以參加比賽是贏是輸, 是得是失, 視乎個人看法和態度.

JOJA

回復 Rainy 的帖子

很多參賽者係downgrade 來報名

我個女k2 考piano, grade 1
可以有小六都一齊考

所以, 我也抱住參加吓取經驗的想法
始終, 不是分齡賽

我有朋友明明係grade 4
去考grade 1校際

話想小朋友取自信
最終攞第一

cindyau

就算降級也未必保証取到獎!
都要符合評判口味至得!

Sherryko9

回復 Rainy 的帖子

事實,絕對無錯.
比賽呢家野,除左參賽者本身實力外,評判口味亦佔主要因素,老師係講實話.你好恨攞奬咩?放鬆D,越想越難得,又比壓力小朋友,又比壓力自己,何苦?

rogerlam123

每場學際評判得一個人, 好主觀. 計判係男係女, 係中係外, 係老係年青,都有影響. 所以有獎當然開心, 無獎則勉之. 不用太介意.

Rainy

咁我又唔係好恨攞, 有就梗係好啦... 哈哈...
不過對於出賽無經驗, 想問下大家意見.... 咁等我諗定輸左點同小朋友講嘛...
咁想請問, 我可以去看他比賽嗎? 比賽期間可否拍攝?

babybear

原帖由 Rainy 於 12-01-31 發表
咁我又唔係好恨攞, 有就梗係好啦... 哈哈...
不過對於出賽無經驗, 想問下大家意見.... 咁等我諗定輸左點同 ...

同佢講只要有努力過（練），盡力去彈就ok。贏輸唔重要！好多小朋友只享受比賽完觀眾拍手果剎那。

比場其間係唔可以錄音同拍照。直至宣佈名次後，在場職員會比指示大家可以拍照才可拍照。

lojo11

50幾人.. 想攞獎好難... 我個仔老師話想攞獎, GRADE 1, 不過最後我揀左GRADE 2, 因為我知係過程中, GRADE 2對佢有較大空間去進步.. 而且GRADE1 都唔一定有獎... 佢能夠完成, 我已經好開心.. 今次係佢第一次參加比賽.. 可能會驚到彈唔到... 至在參與啦...

like_travel

tyuio 發表於 12-2-8 09:00
身為家長嘅我, 會教導我的小朋友享受過程同吸收經驗, 得失不重要, 最重要是否巳盡力. ...

totally agreed ! i always tell my daughter that ! Enjoy the duration, be passionate for the participation !

abinayams

請問校際音樂節報GRADE 1是否要背, 不可帶譜?

ohmygosh

回復 abinayams 的帖子

一定要背譜﹗不能把琴譜帶上台﹗

abinayams

回復 Rainy 的帖子

已經好過我個女, 老師話合格無問題, 不過睇下去唔去到優良咋

babybear

原帖由 abinayams 於 12-02-09 發表
本帖最後由 abinayams 於 12-2-9 20:04 編輯

請問校際音樂節報GRADE 1是否要背, 不可帶譜? ...

就算要背譜都要謹記要帶果本琴書去比賽場地，以備不時之需（之前聽聞有d比場地既職員會要求參賽者出示正版琴譜架！）

Rainy

回復 babybear 的帖子

請問,  比賽時間係咪會準時? 若小朋友比賽完要立即離開不等result可以嗎?

babybear

都準時架。
以往做法係：
但如果小朋友(參賽者)比賽完即走，唔即場取回分紙，可以由親屬於當日比賽下半場完畢後代領。

比賽日之後好似不設補領架！

Rainy

ok thanks

minniemouse

身為家長應該教導小朋友面對得失，獎得一個，要獲獎的話，要多方面配合，也要符合評判口味。經驗告訴我，有時，冠軍的並不等於表現最好，只是你是評判那杯茶而己。參加比賽的目的是吸取經驗，豐富自己的人生，獲獎固然開心，但失敗也不必氣餒，令小朋友知道生活上會有挫折，使他們在成長過程中學習

Rainy

分數名次不提了 於是次比賽獲益良多
比賽前, 在學校, 佢得到老師和同學的鼓勵, 佢已經好開心...
小朋友比賽完第一句同我講既係, 媽媽, 我真係好鍾意彈琴, 跟住返屋企第一時間開琴彈, 見到佢咁雀躍同積極已經夠了...
看人表演時, 佢好專心, 同場見到有小朋友彈錯歌仔, 看見他的反應, 佢會登小朋友不值, 彈得很好, 但錯歌仔, 好可惜... 佢又學會了一樣野...
在比賽期間, 佢好似一個小評判咁, 聽到d 彈得好好既佢會大力拍掌, 有d 麻麻地既, 佢表情會好同情... 但都會拍掌鼓勵, 睇到自己個小朋友咁既反應, 好殷惠....
佢好享受整個比賽過程..
在比賽完結前, 評判說得好對, 難得各位小朋友夠膽在咁多人面前表演, 好叻...
多謝大家回覆..