分享~理盧幼慈教授如何指導注意力不意中過度活躍的孩子

kapopooh

一隻教導我地如何訓練ADHD小朋友的DVD, 呢隻DVD係我個社工聽完理盧幼慈既講座之後買既,然後就借比我睇,我睇完覺得佢講得好好,好了解ADHD既小朋友特質同心理,我而家開始緊DVD內既獎勵計劃. 好想同大家分享下:

做功課篇  : 放學前要預備好做功課既枱無其他雜物, 放兩個碗仔, (係獎勵既其中一種,可以係食物, 例如: 提子乾, 三文治仔, 主要係細件又乾淨唔會整到隻手污糟.

有個做功課專心口訣:
頭要正 ,
眼望功課 ,
嘴仔合埋 ,
頸成45度角,
左手噤紙,
右手揸筆.
屁股捻櫈 ,
(雙)腳板掂地,
繼續咁寫 .

以上做得好就讚佢,然後就獎野比佢食. 例如  : 我見到你左手有噤紙喎, 做得好,呢粒提子乾獎比你既左手噤紙. 又或者 : 我見到你半個pat pat凸咗出黎喎, 原本呢粒係獎比你,但凸咗又比唔到你啦, 當佢坐番半個pat pat入去,就同佢講 : 見到你兩個pat pat就坐得好,呢個提子乾獎比你坐得好. 最後如果獎到食晒或者飽,就改用籌碼或鈕. 可能你會諗成日要坐响佢隔離係咁獎野比佢.  其實可以同佢講,我而家行開2分鐘轉頭番黎睇你,當行開2分鐘後番去見到佢重係做緊口訣但一個字都無寫過野仍然要獎勵,同佢講,見到你左手有噤紙坐得又好,如果有寫字就更加好, ,如果佢真係有寫字就可以獎佢兩粒或兩個籌碼.  

籌碼 或 鈕既作用   : 當佢儲夠一定數量,就可以換野食或者 錢 ( 一定要商量好,有個表寫清楚.同埋換錢既金額唔可以太大.以後佢要買玩具就用呢d錢去買, 可能係1-2蚊,即係可能10個籌碼換到1蚊, 每個星期結算一次換錢.唔好日日換.)


暫時講住咁多先,因為我都係試緊呢個方法,到時再同大家分享過.  


佢出咗好多書,DVD,VCD,親子EQ遊戲....... etc.


簡介: 理盧幼慈-社會工作碩士,國際教授級註冊遊戲治療師
website :www.playtherapygames.com.  

baubaulee

Hi,

Thanks a lot for your sharing.

Where can I buy her DVD or VCD?

Best Regards,
Rebecca Lee

faye525

我睇何醫生佢都係咁教我.

不過唔食藥既話, 根本冇可能叫到小朋友做到囉~~ 淨係叫佢合埋把口, 同雙腳掂地已經係高難度動作.
食左藥就OK啦~ 不過要係藥力未散前....所以日日趕住做功課....散左藥做功課會好痛苦的.....

kapopooh

已經同阿仔試咗兩個星期,而家做功課快咗無咁勞氣,如果4樣功課半個鐘就做完,8樣就1個鐘至個半鐘就搞掂, 重有如果佢响學校有做功課既我就會另外獎勵佢,  之前放學食完野就要食半粒利他林,但而家唔需要食, 另外佢而家都肯同我溫習,雖然只係肯同我串下字,或者只係口答問題,到最後佢都願意寫1次答案比我, 我覺得有改善,希望可以繼續keep住.