到底幾時交portfolio?

tracyma4

交申請表時交，還是面試時帶去？
另如果兩間心儀中學定在同一天面試怎辦？:igiveup

smallfoothk

帶portfolio去交表和面試,收就交,同一日如分上下最好,但或同是上午/下午包taxis一試

MCC2011

履歷表跟申請表一齊交, 真的撞期, 打去2校試試, 不試即放棄機會, 試完不行亦已盡力

smallfoothk

回復 MCC2011 的帖子

agree,但冇誠意分,估你in 其它學校

hinhei

交表帶埋去睇佢收唔收, 多數都會收埋!!

時間撞先打一間問吓有無得改時間, 不過一改真係會失誠意分, 因明知你去IN另一間較心儀!!

唉!! 仲要通常 IN 都係一個月中的某兩個星期六............所以好易撞!!

alice44

交表時交影印本, 多數都收, 中學都想多d資料嚟揀學生, 面試時帶正本.
如果撞期, 可以打電話去中學試試改時間, 日期就應該無得改, 因為多數都會一日面晒試, 唔會因為你唔得而攪多一日. 我覺得唔會欠誠意分, 因為d中學都明知個個學生都有兩個機會, 大大部份的人都會用盡兩個機會, 所以唔好太擔心誠意問題.

ohnono

上年我in兩間，一間上午11：30，一間下午2點，但要1:30報到，我打過兩間，其中一間要我寫信解釋，以為得，點知都係唔得。一間話叫我自己搵人或同學對掉，然後通知佢地就得，但搵唔到同學對掉，最後兩間都唔比改時間，好彩第一間學校係列明各分組同學的面試時間，每組只得四個人，所花時間唔係太耐15分鐘搞掂，去到第二間中學重有時間剩，食埋午餐先去報到。佢地解釋因為一日要in2百多個學生，會攪到亂晒大龍。
照道理就點都爭取改時間，作一個好d故仔，睇下有無機，盡左力先算囉。

P.S.我上年因為交表時間是1月12和13日。 係今日交一份，明日交一份，所以好大機會會走埋一齊，亦因為我是月中交，所以都是集中中午時份。如果你信的話，試下一間早d交表，另一間遲d交表，分隔時間愈耐，可能愈好。