自閉症 - 三歲前確診及治療而最後可醫好的請進

pinkdoll

陳爸爸 發表於 12-2-8 00:00
近這星期覺得阿仔好似醒左, 反應快左, 好似打左支強心針,
但是今日唔知點解佢玩眼的自我刺激行為(如向上向 ...

我認為是感覺統合的問題, 感覺統合分7 種: 前庭, 本體, 觸角,  聽覺, 嗅覺, 味覺, 視覺. 其實大部份a仔都有不同程度的感覺統合問題, 例如: 跑來跑去是前庭感覺失調的表現. 請留意 "感覺統合有問題, 是會引起行為及情緒問題".

無聊時a仔是會做一些冇意義的自我刺激行為, 你可以用有意義的事代替冇意義的自我刺激行為, 例如跳彈床.

其實, 處理小朋友的感覺統合是最首要的, 因為你不會知道孩子什麼時候會"感到無聊", 在家無所事事的確可以是無聊, 所以做很多自我刺激行為, 但在學校上課,  他都可以覺得是無聊事, 然後, 自己在課堂上做很多自我刺激行為架. 所以, 幫小朋友搞好感統, 令他們懂得在適當的時候做適當的事才是上策.

我個仔, 讀緊n1, 上堂覺得無聊(e.g. 唔明老師講乜), 自己就會跑來跑去又或者坐係到自己開合手, 老師叫得佢坐係到幾多次呀? 治標唔治本. 後來, 去做了感統, 就少了很多這個情況. 況且, 感統不良是會影響小朋友認知發展的.

講多少少, 有啲小朋友感統有事, 係會聽唔到老師講嘢, 只會聽到冷氣機聲,  咁佢會成日覺得好嘈, 引致情緒唔好, 可能會打人, 咬人, 我上面有提到"感覺統合有問題, 是會引起行為及情緒問題".  咁你想下, 你應該日日教小朋友唔好咬人, 打人? 定係應該處理小朋友的感覺統合問題先呢?

陳爸爸

Totally agreed, 其實現在阿仔都每星期有幾日感統訓練同帶去公園玩, 不過唔知邊種在家居可同佢玩而又能針對性咁改善佢玩眼的習慣的感統遊戲呢?

各位有冇好介紹?

pinkdoll

陳爸爸 發表於 12-2-11 00:50
Totally agreed, 其實現在阿仔都每星期有幾日感統訓練同帶去公園玩, 不過唔知邊種在家居可同佢玩而又能針對 ...

每星期有幾日感統訓練 <------- 既然已經有幾日的感統訓練, 感統活動內容應該是針對你兒子的問題而設. 你不如問下感統治療師有什麼活動可以在家中進行.

如果你經濟許可, 可以買彈床, fitball, 隊道等等這些東西放在家中給兒子玩.

你可以買一本叫活出彩虹{努力試]遊戲寶典來參考一下, 另外, 去上一個叫努力試課程, 會對你有幫助.

http://www.lp.org.hk/

Keibabi

myson727 發表於 11-12-27 23:30
好同意要update下自己,特別留意多D外國網站,舊有觀念可能過時了.

好似我仔接受左"生物療法" Bio-medical ...

Hi myson727,

可唔可以講吓有關你小朋友接受"生物療法"嘅過程, 同埋喺邊度做緊, 因為我小朋友都岩岩睇咗醫生, 仲考慮緊接唔接受生物療法, 好想吸取多d資料, 謝謝!

陳爸爸

請問有冇邊位試過RDI (人際関係介入)呢? 可否分享下啲成效呀?

Thanks!

apple~y

陳爸爸

之前見你留言去灣仔針灸,你小朋友針到第幾次
有進步嗎??
我小朋友都剛剛開始試針灸,針0左第3次
不過我小朋友巳經4age幾,效果可能無你小朋友0甘好
針0左3次聽老師講(我仔仔番s位,無同老師提過去針灸),
話呢排仔仔醒0左,理解,講0野好0左
唔知有無關係,當然平時都有keep住做訓練

kaka1128

FatCatCat 發表於 12-1-27 16:47
我個仔，約一歲半左右 (2007)，發覺他行為同其他小朋友有大不同，開始特別留意！
例如：喜歡數目字、英文字 ...

您好, FatCatCat,
我個囝同你個小朋友一樣, <<喜歡數目字、英文字、排車、玩開門關門、反轉玩具車車輪玩>>
不過, 我個囝情緒起伏好勁, eg. 宜家可以好開心, 下一秒唔知咩原因會大發脾氣, 有時會用頭撞wall/或者撞落我度.
宜家肯定既係佢言語發展遲緩, 做緊言語治療, 情緒亦改善左.
我地下星期要去CAC見醫生啦, 希望問題不大啦

陳爸爸

回復 apple~y 的帖子

Hi apply~y,
針左十一次了, 進步係有的接收指示的能力明顯好左, 但眼神接觸仍然係弱, 同玩眼的行為如一路跑一路斜視枱邊或櫃的直紋, 開関門等仍好多.....仍然覺得佢仲未番來.....

陳爸爸

陳爸爸 發表於 12-2-20 00:16
回復 apple~y 的帖子

Hi apply~y,

仲有最重要個樣.....單字如開口講爸爸媽媽都仲未.......only.....BB話

myson727

回復 Keibabi 的帖子

Hi Keibabi,

因之前驗的報告未返齊，睇完報告再長細分享。

近期觀察一個大的突破: 之前數學科測驗及考試卷中的"文字題"，通常大部份都錯，但最近數學科測驗卷的"文字題"，全部答對。

如果生物療法對你小朋友有效的話，他/她會"慢慢地漸漸改變"。

xixi1218

關於生物療法，我想問下，如果在過敏測試裏面對食物無任何敏感，戒口是否就沒太大作用？

myson727

回復 xixi1218 的帖子

我估計:

如驗左無食物敏感(90種食物)，那90種食物不用戎。

只需戎牛奶及小麥(即GFCF)，因牛奶及小麥引起是腸道的問題，有別於食物敏感，我仔開始時戎牛奶及小麥，發夢發呆都會漸漸減少。

陳爸爸

Yanbuma 發表於 12-3-25 12:48
喺PAGE 1見到大家ARGUE有關自閉症能否"痊癒", 我希望以我所認識的幫到大家 (因為其實大家都冇錯, 亦冇人唔U ...

Thanks for your info, 其實argue 都無意義, 作為父母都只係希望找到方法去幫助自己子女, 令子女長大後能如一般正常人般獨立並開心地生活, 做父母尤其是自閉兒的父母就已心滿意足了, 對嗎?

請問你是用邊種治療方法治療自閉的小孩呢? 可否說說你的意見?

陳爸爸

Yanbuma 發表於 12-3-26 15:15
我是做aba的。
當然我會覺得aba是最有效的方法，但我知道要說服為人父母的不要試aba以外的療法是不可能，因 ...

係呀! 我兒都做緊ABA, 真的費用十分高, 不過如果有效都一定要繼續, 請問你係私人Therapist (or supervisor)定在某ABA center做的呢?

minna-no

I want to known which centre provide ABA training, tks!