想問下鍾意圓形/轉既野係咪一定係自閉?

fishcowcow

BB由幾個月開始巳經好鍾意轉動既野(抽氣扇, 風扇等), 到而家17個月大, 好鍾意去轉車輪, 睇SALON門口條轉轉, 凡係可以轉既都轉一餐(例如電筒, 水樽), 不過佢EYE CONTACT就無問題, 叫佢有反應, 有眼神接觸, 咁樣情況會唔會係自閉傾向?

Torres

18個月應該有16個單字, 他語言如何? 有冇自殘, 固執行為? 有冇手指指?

fishcowcow

語言方面, 佢識講DADDY, MUMMY, 爺爺, 婆婆, 波, 靚靚, 嘟, 早晨, BYEBYE, 姨, 包包, 鞋鞋等等;, 但未必係自發講, 有時係佢聽到我講, 佢就跟住講囉, 啲音唔係好正, 但係聽得明

佢自殘同固執又無, 有時佢扭計要玩某樣野, 我用另一樣野引佢都得, 唔會一定要攞到為止

手指指就一時時啦, 佢發現啲野, 例如有隻狗, 佢就會指叫我睇話"wow wow"咁囉

但係佢真係可以咩都轉一餐, 但又唔會轉好耐既, 5mins內, 但我見其他同年紀小朋友又唔會鍾意啲轉既野, 所以我就有啲懷疑囉

Torres

又唔係好似wor, 你去e個website (自閉症症狀快速檢查表) 再check下啦! 如果再擔心的話, 可以打返去健康院說明仔仔情況, 睇下可否早些返去見下姑娘!

Torres

http://www.prta.org.hk/chi/info/checklist.php

owl_2046

回復 fishcowcow 的帖子

同我懷疑亞仔時好相似.
亞仔轉野好叻, 好似玩雜技.
你最好帶個仔去CHECK 下.

fishcowcow

owl_2046,
即係你個囝都係鍾意轉野, 但其他野例如EYE CONTACT, 語言又OK??
咁最後你個囝CHECK到係咪?

owl_2046

回復 fishcowcow 的帖子

1.5歲前我一直認為亞仔冇問題, 佢喜歡望人, 影相幅幅望鏡頭, 講野係遲, 但未足月已"依依呀呀" 個個人都話我個仔好快會講野.
但大大下就出事啦....唔望人,唔理人,唔講野,而家一直在進步中, 但係做人做得好"hea"比佢激C.
而家係自傾+delay.

fishcowcow

反而大大下唔鍾意望人? 我一直諗住呢個問題係天生

stockmike

我個仔一歲到日轉夜轉嘢,  而家三歲幾, 一定唔係自閉, 鬼死嗊多嘢講, 唔使太擔心!

ANNAFRIEND

鐘意轉東西唔等於係自閉, 小朋友唔知點解又真係好鐘意轉東西. 好鐘意圓型既野. 自閉係好容易睇得出, 大多數係對外界冇反應, 我舊同事個仔就係, 睇住佢大, 越黎越唔彩人, 佢地真係活o係自己世界中, 所以好容易發現.

owl_2046

最緊要留意佢會否越來越差, 係就快D搵相關治療.
GOOD LUCK!

BKVIP

我大仔bb時都會望人，影相一定望鏡頭，亦唔覺佢特別鐘意轉嘢，只係會好留意其他抱佢嘅人身上的閃令令珠片，個時完全唔覺佢同其他小朋友有咩分別，至15個月起，發覺叫佢唔認，未有單詞，鐘意用腳尖行，自轉，到18個月去cac評估只話佢delay，到19個月我認定佢係自傾，因為書講嘅特徵佢中晒。

依家我好担心細b 都係咁，佢依家快11個月，會望人同人亦有交流，基本上同我大仔bb時無分別。但佢同大仔唔同係佢咁細個已經成日轉車輪反而大仔無，無輪係學行車/車仔玩具都轉一餐，又係好留意人地衫上的樓扣，所以我好驚

fishcowcow

我前幾日去睇兒科, 醫生話佢唔似喎, 因為一坐低BB就望住醫生, 同佢玩或者叫佢執野佢又會去做, 醫生話自閉最大特徵係無眼神交流喎, 但我話BB好鍾意轉野, 真係咩都可以轉一餐架, 不過只會轉幾分鐘, 又唔會轉成個鐘咁耐既, 我再約左健康院1月去見姑娘, 希望唔係啦~

ng_tg

我個仔一嵗多D又係好喜歡轉野，到而家差唔多三嵗啦，學校話有D發展遲緩，於是到CAC見左姑娘（排期見醫生），同見左私家兒童精神科醫生做左評估，初步話有自閉傾向。再看左協康的書：http://www.heephong.org/webprod/ ... amp;%20P.10-17_.pdf
發現“很喜歡轉野”是自閉的一個明顯特徵。

kc1016

我個細仔又係好鍾意轉嘢, 嘜都轉一餐, 但佢講嘢就好叻, 應對同我溝通都好好, 仲好有音樂感. 有時D情緒會差距D. 甘會唔會有問題?