唐乃勤是否BAND 1

家之達人

請教各位唐乃勤今年是否會收 BAND 2尾生？
大雄、
張明添、
滙基...
現 BAND 2男生如何決擇最好？

viewer

唐乃勤應該算Band 2A.

yan98

前年開始自行已收band 2頭／band 1尾學生，今年情況更甚。另外唐中除了中文／ 中史／通識用中文外，其他科均用英文 ，英文底差都會讀唔上

hongkeikei

原帖由 yan98 於 11-12-12 11:24 發表
前年開始自行已收band 2頭／band 1尾學生，今年情況更甚。另外唐中除了中文／ 中史／通識用中文外，其他科均用英文 ，英文底差都會讀唔上

看過唐的學校網頁,在開設科目一欄:除了英文、數學和綜合科學用英語教授,其他科目只是分班以英語或有延展英語.
這是一般未能全開/未能開英文班的中中學校,教育局准許的教學語言政策!
當然中文中學都有BAND 1 中學,不過我記得有家長曾問唐中是否英中,我相信她暫時不算是吧.

[ 本帖最後由 hongkeikei 於 11-12-12 14:09 編輯 ]

elbar

原帖由 家之達人 於 11-12-11 18:54 發表
請教各位唐乃勤今年是否會收 BAND 2尾生？
大雄、
張明添、
滙基...
現 BAND 2男生如何決擇最好？

末代會考成績

學校 (2010)	6科14分百份比	各科平均優良率
唐乃勤 à 莊啟程	31.90	20.50

yan98

唐中只是初中書院F1-3，不是一般中學F1-6,所以不受微調政策影響。上課主要用英文教+中文解釋生字。此外唐中與莊預結龍在2006,當時唐中只不過是一間band 3學校。所以在2010年會考成績不是太好。但唐中在短短幾年間已進步了不少。尤其在今年收生質素進步不少！

chanpa

如果不達標，要留級，莊啟程，在F.4 收插班。

yan98

PS. 當然與傳統英中向有一段距離，但絕不會一般band 2頭/band 1尾學校差

hongkeikei

原帖由 yan98 於 11-12-12 17:58 發表
唐中只是初中書院F1-3，不是一般中學F1-6,所以不受微調政策影響。上課主要用英文教+中文解釋生字。此外唐中與莊預結龍在2006,當時唐中只不過是一間band 3學校。所以在2010年會考成績不是太好。但唐中在短短幾年間已進 ...

啊,是嗎?我不知唐中是否不受微適政策影響;只知微適政策計算批准開設英文班的數據:每間中學在過往數年收取F.1學生,達到每班85%屬全港前列成績40%,按比例計算可開全英文班,每六年作一檢討;學校有沒有高中及會考成績應和微調無關.

若無記錯,香港中學的語言政策,包括以往分英中和中中,及現在的微調都是講初中(中一至中三)的教學語言；中四或以上班級的教學語言,一向由中學自決的.

[ 本帖最後由 hongkeikei 於 11-12-12 20:14 編輯 ]

hongkeikei

原帖由 yan98 於 11-12-12 18:10 發表
PS. 當然與傳統英中向有一段距離，但絕不會一般band 2頭/band 1尾學校差

綜合各家長所知,唐中近年收生的確大有進步,說不定數年後她會是一間'新英中'.:lover:

家之達人

原帖由 yan98 於 11-12-12 17:58 發表
唐中只是初中書院F1-3，不是一般中學F1-6,所以不受微調政策影響。上課主要用英文教+中文解釋生字。此外唐中與莊預結龍在2006,當時唐中只不過是一間band 3學校。所以在2010年會考成績不是太好。但唐中在短短幾年間已進 ...

band 2尾生今年入唐中似乎很渺茫，請問閣下有何高見？

[ 本帖最後由 家之達人 於 11-12-12 22:39 編輯 ]

霖霖B媽咪

如果換個角度, 唐中未代成績不是出眾, 當時未結龍.  但結龍後, 學校無論收生及支源都大幅度提升, 所以可想像未來既成績, 理當比之前理想.

今年開放日既參觀人數, 更比上年增加3成有多.:surprised:   所以, 我估計來年收生既質素會更加提升.

至於band 2尾有冇機會? 反正大抽獎時, band 2頭同band 2尾機會均等.  反之, 要考慮既係小朋友起初適應可能會吃力少少.  如果唐中係你目標之一, 就叫小朋友, 努力點, 裝備自己, 迎接中學生活吧 !:ayawn:

Kittymummy

只係短短3兩年間轉型, 6科14分能到達31.90%, 已經好過唔少band 1尾 / band 2 頭學校. :handsome:

我自己比較過其他同區band 2頭既學校, 大部份6科14分大約只有20%多d. 而band 1尾都係30頭 % 左右.

果日唐中open day 都有去聽, 比我感覺唔錯. 不過小朋友抽中, 要有心理準備呢間學校亦唔係易讀, 教科書係全英. 同埋呢間學校收唔少英文小學既學生.

[ 本帖最後由 Kittymummy 於 11-12-13 10:24 編輯 ]

hongkeikei

原帖由 Kittymummy 於 11-12-13 10:13 發表
只係短短3兩年間轉型, 6科14分能到達31.90%, 已經好過唔少band 1尾 / band 2 頭學校.

我自己比較過其他同區band 2頭既學校, 大部份6科14分大約只有20%多d. 而band 1尾都係30頭 % 左右.

果日唐中open da ...

若根據khmama提供的2010全港中學會考成績計算:一般band 1尾中學6科14分是40%-60%左右,而band 2頭是30-40%,唐中暫時未去到band 1尾,最多只能算band 2頭.

但2012 DSE之後,公開試成績有不同的指標,各校的排名可能有變,但短期內成績的進退應該不會太大!

csy_ma

原帖由 elbar 於 11-12-12 14:37 發表


末代會考成績

學校 (2010)  6科14分百份比 各科平均優良率 唐乃勤 à 莊啟程
31.90 20.50

唐乃勤創校於1997年，當時為職業先修學校，學校並設有宿舍，予特殊需要人士。換言之，於一般家長而言，此校是band3中學。

去google一下，你會發現，直至2009年，仍有家長認為唐中是band3中學。2010年F5的畢業生，應是2005年入學的band3生。短短五年，學校能將band3生既水準增值為band2頭，確實 。2006年該校才宣布將與莊啟程結龍，2012年才有第一批唐中>莊預學生出土。學校的聲譽，是需要慢慢建立的，由07-11年，才只5年，學校的學生質素已被普遍認為是band2A，並不容易。

該校的2010年往績是把band3生的14分率提高至band2A水平，那自07年與莊接龍後，開始收band2，甚至部分band1生。收生質素改善了，教育工作則與莊預分工，老師專注於初中奠基，並著重通識思維訓練。預期該批質素漸次提高的學生，在新高中取得超逾一般中學的band2A水平成績，大概是合理預期？

（所有學校對於334新學制都是拉雜成軍，邊試邊教。唐中的好處，是它可以集中投放資源，只對付初中三年，戰線較一般中學窄。而莊預的老師則擅長教學生應付公開試，但也令人有點擔心，其高中生活是不是會側重於應試？也不知行高中制度時，會不會繼續維持其每科分大課和導修課的形式？）

[ 本帖最後由 csy_ma 於 11-12-14 13:04 編輯 ]

hongkeikei

我只是根據所知的教育政策和數據,與各家長分享,並無針對唐中之意,希望家長不要介意.

相反,正如有家長說:此校能在短短數年有大進步,由寂寂無名到得到大家欣賞,學校應做了不少功夫.

至於唐中現時處於什麼位置,相信人言人殊;屬BAND 1 或BAND 2都只是一名稱而已,最重要家長選校,要配合子女的學習能力和性向,相信不難找到一間適合的學校.

但這幾個月作為小六家長,真是十分難捱!自己上年也經歷過,未來一,兩年仍需再經歷..

Kittymummy

唉, 真係煩. 今日小學已經比壓力我個女, 問佢點解會選擇唐中 (面口都唔係幾好 ). 佢地話學校只有band 3 學生先入, 仲話呢間野係band 3. 仲要係堂上講band 3學生選擇呢間啦, 容易派到架.... 攪到我亞女返黎唔多開心.

原帖由 hongkeikei 於 11-12-14 15:42 發表
我只是根據所知的教育政策和數據,與各家長分享,並無針對唐中之意,希望家長不要介意.

相反,正如有家長說:此校能在短短數年有大進步,由寂寂無名到得到大家欣賞,學校應做了不少功夫.

至於唐中現時處於什麼位置,相信人 ...

霖霖B媽咪

你不用介懷, 其實你既分析都好客觀. 唐中從沒有標榜自己學校既BANDING, 不竟它是進步中既學校, 作為家長的, 都是希望想找間合適既學校比小朋友吧.

我們作過來人, 都係想比多D資料小六家長吧.

KITTYMUMMY,
你既情形我唔係第一次聽, 你們咪以為老師既資料好準確. 我當年問老師可唔可以揀他區學校, 佢話唔得, 只可以揀自己區. 我心想, 只揀自己區, 都唔夠30間填, 唔通叫我一早填BAND 3學校咩 ?:;pppp:

老師既資料, 未必是最UPDATE, 佢唔係升中家長, 佢地唔會咁神心去上綱CHECK每間學校既動向.  再講勢利D, 老師都想自己學生個個派去D人所皆知既名校, 自己都有得向校長, 家長交待吧!

又咁講吧, 你自己去過唐中, 見過D學生, 又去過其他BAND 2, BAND 1既學校.  如果唐中收既係BAND 3生, 有你當日OPEN DAY見既質素, 咁依間學校咪仲叻    短時間TRAIN UP 到BAND 3學生有咁既質素!   可能相信自己所見, 比聽人地既所聞會來得真確.

無論你最後決定係點, 自己都要勤力點, 搵多D各方面既資料, 有可能就去心儀既學校四圍行下, 睇下學生的行為.  依幾個月係辛苦D, 不過冇計, 既然玩得依個遊戲, 就要依住遊戲規則來玩 (被玩)吧!

csy_ma

原帖由 Kittymummy 於 11-12-14 18:15 發表
唉, 真係煩. 今日小學已經比壓力我個女, 問佢點解會選擇唐中 (面口都唔係幾好 ). 佢地話學校只有band 3 學生先入, 仲話呢間野係band 3. 仲要係堂上講band 3學生選擇呢間啦, 容易派到架.... 攪到我亞女返黎唔多開心. ...

我囡都係 我囡話俾班主任老師聽，佢阿媽幾like唐乃勤，老師初則話唐校風唔好，又係直資……到我解釋俾阿囡聽，唐中係全港唯一既初中書院，僅三年，唔駛錢；老師又響升中講座話，唐中唔會直升莊預，到F4先黎搵學校，盞煩。自從阿囡向老師透露呢個消息後，老師不斷響私下同公開對佢同全班講：唐中不是好中學……

好彩，我囡自去年開始，已不斷被老師游說佢揀區內以功課多、校風嚴見稱既女校，佢雖然有次試前都受唔住壓力向我哭訴過 ，但歷成年既風浪，造成鐵甲已硬……加上佢有位自小一齊跳舞既好朋友入咗唐中，個朋友不斷同佢分享校內經歷，令佢未致抗拒。

不如換個角度睇：目前，認識唐中的只係少數家長，因此，競爭相對較弱。唐中既轉營，多半係靠口碑。例如，據聞有港島區名女校既未能直升學生，去咗讀唐中，回母校探老師時，老師發現佢地頗有長進，便邀其回校做一個畢業生分享講座，介紹唐中，以致唐中後來受該校學生留意。
又如，很多在EK瀏覽的家長，會稍為認識唐中。而多在EK瀏覽的家長，多半較其他家長更有閒暇、更有興趣尋找選校資訊、更關心子女，和更有獨立思考、不是一窩蜂趁校名的。因此，愈多人云亦云的家長放棄抽唐中的機會，對這些家長搜集和分析過資料的家長就愈有利。最少，這會出現更多的叩門位……

您咁安慰吓囡囡，會唔會好d？
仲有，可以多帶佢去參觀一些band2既地區中學，參觀時多跟同學仔聊天，令佢親身感受到兩校同學有咩分別，仲可以增加佢既分析能力添，唔係一個好既教育機會咩？

[ 本帖最後由 csy_ma 於 11-12-14 21:59 編輯 ]

csy_ma

原帖由 霖霖B媽咪 於 11-12-14 18:50 發表
又咁講吧, 你自己去過唐中, 見過D學生, 又去過其他BAND 2, BAND 1既學校. 如果唐中收既係BAND 3生, 有你當日OPEN DAY見既質素, 咁依間學校咪仲叻 短時間TRAIN UP 到BAND 3學生有咁既質素! 可能相信自己所見, 比聽人地既所聞會來得真確.

無論你最後決定係點, 自己都要勤力點, 搵多D各方面既資料, 有可能就去心儀既學校四圍行下, 睇下學生的行為. 依幾個月係辛苦D, 不過冇計, 既然玩得依個遊戲, 就要依住遊戲規則來玩 (被玩)吧! ...

嘩！乜原來妳仲快過我