統計: 男仔比女仔講o野遲???

cherrylee

我仔仔18個月, 還講bb話, 你們是否認為男仔比女仔講o野遲???

halloween128

cherrylee,

我個囝囝20個月, 大部份時間講bb話, 除了"爸爸, 車, 哥哥, 媽媽"講得最清楚!

loklok0104

我就覺得唔一定, 我BB1歲6個月已識講疊字, 1歲8個月已識講短局, 而且完全無BB話, 講野好清晰添!

cherrylee

halloween128,

我個囝囝現在連"爸爸, 車, 哥哥, 媽媽"都吾係好肯講, 現在返Playgroup Miss 叫佢過來攞物件, 埋到去叫佢講please, 佢都吾肯講, 即刻要走人, 我再同bb講, 你要有禮貌喎, 甘佢至肯伸隻手板出黎做please動作, 唉...我真有d擔心.

cherrylee

loklok0104 ,

係呢, 妳bb o甘快識講o野, 係咪有咩特別方法引導佢講o野架??

Candice1128

我個仔都你同loklok0104 一樣，好早識講清晰說話。大約1歲5個月講疊字, 1歲8個月識講短句。2歲可以和大人清楚對話，2歲3個月唱浪子心聲、月光光照地堂....

kachunma

我個仔今年2歲半,仲唔肯講話,只有簡單詞和太空話,不過我問過醫生和老師,佢地話不怕的,有小朋友是比較遲些,不用擔心的。老師話佢不知幾醒,識點人做野添。

loklok0104

其實我都無咩特別方法引導佢架, 而且BB係由工人照顧, 佢都可以講野咁快同咁清晰, 我都估唔到, 其實會唔會因為我同佢爸爸都係好重意說話既人, 成日都係屋企講唔停有關呢, BB好細個時我地已經成日同佢講野!

佢而家已經對答如流, 識得用所以....因為, ......但係....., 可以表達自己意見及感受!

我姑嫂既小朋友2歲10個月先識講野, 但而家講野都唔係太清晰, 佢都係由工人照顧架!

kitkit218

我個仔18個月都未識得叫我~!
唔使

milk2004

我覺得男仔不一定比女仔講o野遲
我個仔12個月就講幾句的句子
從小就不講疊字
但他的婊姐還大我個仔幾個月
都係18個月仲講bb話
e+婊姐讀k1啦講野不知幾流利
所以不大擔心,小朋友發展各有所長
各位媽咪放鬆一點開心點
小朋友都感覺到的    :wink:  

SandyKL

我有二個仔及一個女，我覺得女孩子比男孩子開始講到野係快d，我講嘅係一般，但快同慢又有咩所謂吖，我二仔成3歲先開始講到一句完整短句，之前仲係講爸爸、媽媽理d叠字，我果時好擔心，仲帶佢去健康院檢查，睇吓佢條脷係唔係有事。

但今時今日，佢6歲勒，今晚佢係架的士上，不停講野，攪到個的士司機忍唔住同佢講，不如一陣將我地其他人放落車先，跟住車我二仔一個去商台見工，咁佢可以係商台度發揮佢滔滔不絕之說話本色，嚇到我個二仔一到目的地，即刻要由坐最邊果位，飛捐落車。

andrewmama

我仔仔而家2歲9個月，都好早講嘢。叫媽媽，爸爸是約9個月大的時候。1歲己說短句如:媽媽揸cream cream，姐姐(我要)飲奶奶。
最記得，剛1歲半去睇醫生，坐底醫生循例問我:「小朋友叫咩名?」點知我仔以為問佢，自己答「:XXX(佢個中文名)，ANDREW XXX(佢英文名)」醫生見佢咁BB竟然識答，就直接問佢幾歲，我仔話:「歲半。」
醫生話佢成日都會問:「小朋友你幾歲？」呢個問題。但係未試過有咁細個識自己答:歲半。醫生重話：媽咪你可以好放心啦，仔仔將來要考幼稚園，面試實無問題。

仔仔而家講好多好多嘢，簡直係舉一反三!
佢今日同我講:「壁虎因為樣樣嘢都好驚，又驚行雷，又驚落雨，連蜜蜂都驚，所以比壁虎小朋友叫佢膽小鬼囉。」(是一個故事，他覆述)
咁我隨口問:「咁你呢，你會唔會樣樣都驚?」
仔答:「梗係唔會啦!有爸爸媽咪喺度全部唔洗驚。」停一停:「而且我係一個勇敢嘅小朋友添!」

所以我估早定遲講係因人而異。
我媽話我仔似足我細時：「歲幾大，周街同人傾計！」喎! :wink:

Sindy

我個仔都係咁呀,佢特別細粒,d人以為佢仲細d,佢地直情突左隻眼出黎添呀

andrewmama 寫道:
醫生話佢成日都會問:「小朋友你幾歲？」呢個問題。但係未試過有咁細個識自己答:歲半。