in得叻都無用, 有時真係講吓運氣

hokk

我阿b係08年大b, 諗住比做大b機會好高d, 點知.....

阿b interview in得好好架，要答ｏ既答晒，要做ｏ既做哂，ｄ老師又話佢叻，又話佢國語講得好，又話佢very attentive....諗住點都有一間收掛，點知呢輪收到ｏ既係一封又一封ｏ既waiting,真係心都灰埋呀！

所以我有時覺得ｉｎ得好當然重要，但係運氣重緊要呀，我就好明顯犯太歲啦，ｈａｈａ！

見倒有ｄ人有offer就幾間都有offer,真係開心呀！咁當然佢地ｄ小朋友要ｉｎ得叻啦！其實我都係想要一封有offer既信啫，我唔想做集郵人士．．但要集集埋埋都係waiting 呀！

我都知waiting 都仲叫做有個希望，但係個心個種無間學校可以confirm , 個種唔踏實ｏ既感覺真係好難過呀．．

porporchi

我明白呀!! 樓主, 咁講好似好老土, 但係waiting 真係有chance, 到5月時都已經好多人放個offers出來!

超大b 其實表現應該好過其他b, 其實係唔係好多學校都鐘意超大b, 定係有d 會唔揀超大b呢? 好似係其他版見到有學校有呢個情況!

我反而咁諗, 如果老師知道o個個係超大b, 佢會期望小朋友既表現會比其他既好好多, 所以定有一定難度呀!

marinang

大又話大, 細又話細,10月至12月出世既B媽投晒降!無offer個種unsafe既感覺...

car_car

唔係講運氣......係要講實力,不過未必係小朋友既實力,係父母既實力(父母係專業人士)又或者爸爸係專業人士,媽咪係家庭主婦, 呢d 會勝算高!

crystalpui

係呀
我女都in得好好
3間有一間收下午
可能我個月係7月b
所以少d人收啦

MB媽咪

絕對同意你的說法 我個囝0209 都INTERVIEW得好好, 考KV的時候阿囝FOLLOW所有的問題但結果係REJECTED
我比你更傷心萬次, 我和先生都是專業人士有良好背景.  
最可憐我朋友個囝無唱歌又無答問題都有waiting.
but why we got the rejected offer???

我都只能講黑仔唔夠運
(我今年都係犯太歲)  :thinking:


:thinking:

[ 本帖最後由 MB媽咪 於 11-12-9 12:39 編輯 ]

hokk

mk 媽咪, 聽到你咁講,我又好似好你少少, 起碼我仲有一絲o既希望,如果我好似你咁收到o既係reject...我都唔知我會點呀......咁你而家有offer未呀...?

MB媽咪

未有, 全部都係WAITING

derkin

我都係咁諗, 如果老師知道o個個係超大b, 佢會期望小朋友既表現會比其他既好好多!

原帖由 porporchi 於 11-12-9 11:49 發表
我明白呀!! 樓主, 咁講好似好老土, 但係waiting 真係有chance, 到5月時都已經好多人放個offers出來!

超大b 其實表現應該好過其他b, 其實係唔係好多學校都鐘意超大b, 定係有d 會唔揀超大b呢? 好似係其他版見到有學校 ...

TY33819

好有同感...

eebabyma

可能超大b在面試時表現好一點，但老師對超大b的要求又會相對較高。
朋友女女0711，上年好彩地被某famous kg收左，但老師一直話佢追唔到進度，我朋友要求學校俾佢女repeat一年k1，學校答應，佢女女今年再在該校讀k1，朋友話開學第二日已收到老師電話，話佢女女今年repeat，比其他小朋友大，希望佢女今年會有出色表現，我朋友勁有壓力。

ningningb

我好相信作為父母的一定希望孩子能夠考入一間好學校, 這包括大家所追隨的出名學校. 但發覺家長們為這遊戲勞心勞力, 到頭來事與願違.  令到家長們困擾的問題, 明明孩子在interview時表現非常好, 結果唔係waiting就係reject, interview不過不失的, 就得到offer. 變相家長們又會想是否自己回答老師問題的答案不夠好? 家庭背景作比較, 是否housewife 或working mom 會對孩子教有利? 開始將問題伸延.......

(1)
回答老師問題的答案不夠好
– 而家係小朋友讀書, 應該係睇小朋友表現. 大人答問題會有準備, 而定係隨著學的理念和教學方針回答啦, 點會倒米o家?
(2)
家庭背景作比較
– 背景好又唔代表一切, 小康之家又唔代表唔support小朋友
(3)
Housewife又話可以俾多啲時間孩子, Working Mom又可以賺多些供孩子參加課外活動

真係毫無意義, 其實主導在於校方, 而收生準則是學校 <不能說的秘密>

chloe1010

can't agree more

BBG1

我女兩年前係waiting王，只得我最心儀的一間收了(好彩)。結果到6月所有都收到Call話有位。

雪豆

Don't give up~可能遲d放番d位出o黎俾小朋友呢~
整多幾封求位信俾最心儀果間學校啦~

wh0709

有時父母認為 'IN得好' 或 '痳痳地' 同老師要求/睇法唔同. 我囡係11月BB 而仔係2月B. IN K1 時兩個表現都合作, 囡細細聲, 仔快而準, 2 個都答啱問題, 但囡做咗WAITING皇. 好彩最心儀K收咗, 心儀的, 1 個OFFER就夠.

[ 本帖最後由 wh0709 於 11-12-9 14:27 編輯 ]

藤媽

又唔駛咁灰既，諗深一層，好多時多人報既學校都係十份一機會。小朋友做得好，但我相信一山還有一山高，我只會覺得技不如人，可能其他既小朋友真係更叻呢？我反而想學下人地優勝既地方係邊度。

又有可能係自己(家長)/小朋友一個眼神一個動作出賣左自己，有d野可能我地做家長既都唔知道原來係唔好/會影響小朋友，但係老師(專業架嘛!)一眼就睇得出呢d行為背後可能顯示左呢個家庭同學校唔配合。同背景家底我相信關係唔大 (聽過"咕喱+sales親戚個仔有SC offer，自己本身專業人士就reject")。

利益申報：我只有一個offer，其他熱門既都係waiting。

對心儀既學校盡量寫多d 求位信，用真誠去寫(唔好抄啦，囉個心出黎仲可以感動人)，唔係人做我做，信自己感覺啦！

祝大家到最後都可以囉到好既offer啊！

雪豆

藤媽，agree
Sales真係不是一個簡單o既職業ar(好多都係最搵錢果批)
有時d sales佢地presentation skills咁勁，又或者佢地本身EQ高，所以小朋友都從中學到o野。

YanYanWai

個d勁多人爭的，會唔會太多applications, 搞到admin 好忙，入錯信封?! :happy: