囝囝唔想再學violin

kkhon

囝囝對小提琴有興趣已學咗2年幾，但因就嚟考3級，小提琴老師好著緊佢近來變得好嚴厲，呀仔好懶諗d音每次老師叫佢拉，佢就話唔記得唔識想老師示範，但老師知佢籠嘢就鬧佢話唔再教佢又話要叫其他惡老師嚟教佢，跟著佢全部都拉倒出嚟其實做得倒，每次上完堂都好唔開心好驚會叫d惡老師教佢。最近呀仔成日同我講唔想再學，但我問佢又話鍾意violin,我都唔知點同老師傾好，都想佢繼續學。有冇人可以教我？

lojo11

其實做老師真係有時會好忟, 老師咁出力話佢, 其實知佢得, 不過懶(或者其他原因啦)... 都係為佢好...

如果老師話完佢有改善, 我會好多謝個老師... 少少挫折係好的... 如果個老師話得合理, 唔係過份, 不如同個仔傾下... 當然, 同老師多溝通幾時都係好...

我都有差不多的問題, 不過我個仔唔驚老師.. 真係衰懶同興趣不大, 佢彈到, 但唔想練, 情願去睇電視... 當首個彈到熟晒, 佢又好enjoy 喎... 真係唔知佢想點...

HING2HING

我阿仔本身手腳有不協調情況, 個腦根本就控制不到隻腳去打拍子, 所以成日比阿SIR鬧  拍子打得不準. 我聽到佢係咁鬧 , 我自己都覺得好唔開心 ( 可想言之當時人的感受 ) . 但是他又沒有直接跟我說他不想學, 所以我都沒有停到佢. 其實阿仔都是由升 P.5 才開始學. 我沒有要求什麼了. 都是只是等他學一樣學器罷了

SEI

bbJP

原帖由 yinyin0609 於 11-11-29 12:30 發表
小女在小四時放棄了, 因為有一天, 她寫了一首詩給我 :-
輕輕的我走了，
正如我輕輕的來；
我輕輕的拉手，
拉出很難聽的音符。
那低死的星期六，
是惡夢的開始；
課室裡的琴聲，
在我的耳邊蕩漾。
音樂事務處的訓練，
慢慢 ...

P.4 girl?! Wow! Her chinese is so bright!!!

Gabrielma

學樂器係咪一定要考幾級幾級?  當係興趣會好d !

kkhon

原帖由 Gabrielma 於 11-11-29 13:16 發表
學樂器係咪一定要考幾級幾級?  當係興趣會好d !

其實當初都係搵興趣而學，但因考小學時老師建議考級所以考左，而今次我都同老師我唔急考，只希望繼續培養佢對小提琴的興趣，所以我都冇比壓力呀仔。

lojo11

小朋友好多時都係對某一種樂器有興趣, 家長先比佢地學... 佢地唔知學... 原來並唔係想像中咁好玩... 慢慢就唔想再學...

我個仔都係... 佢話想學琴, 好啦.. 學... 不過學左一排, 練新歌時, 總會有發脾氣的時候.. 當熟左.. 又好enjoy佢彈比我地聽..

我想放棄.. 但又唔捨得, 當中有好多呀仔付出的努力...

TwoBabies

好文采!

原帖由 yinyin0609 於 29/11/2011 12:30 發表
小女在小四時放棄了, 因為有一天, 她寫了一首詩給我 :-
輕輕的我走了，
正如我輕輕的來；
我輕輕的拉手，
拉出很難聽的音符。
那低死的星期六，
是惡夢的開始；
課室裡的琴聲，
在我的耳邊蕩漾。
音樂事務處的訓練，
慢慢 ...

黃巴士

我唸在於小朋友唔想學原因, 不外是想玩又唔想練.   
依份練習&上堂堅持, 在乎小朋友是否可持久&抗拒到會影響平時心情嗎??
有時鼓勵吓, 慢慢又會捱過.  如是為了CERT.  我唸對小朋友推動力已不大了, 所以個人覺得要衡量抗拒程度有多大??
如是YINYIN0609囡囡咁, 當然QUIT予它吧, 因已很明顯不喜歡了!!

Fayme

mama667

首先, 你要阿仔考級, 是為了什麼? 是想他成為拉琴老師嗎? 其實當初學小提琴都是他的興趣, 沒想過會受到咁大壓力! 試問阿仔又點會拉得開心呢?

好似我個仔咁, 佢彈琴, 我唔想佢考級, 因為我唔想佢認為彈琴係一件 “苦事”, 日練夜練, 都係彈住幾首歌。  其實, 我只係想培養下佢對音樂興趣, 等佢專注下, 坐定下。 如果佢喊住考級, 有八級又如何? 平時讀書考試已經夠辛苦, 比d空間阿仔啦! 如果阿仔係有興趣, 佢一定會好enjoy佢拉琴的時間!

joemyt

既然小朋友唔想學，點解要逼佢呢？

好多時家長要小朋友學呢樣學嗰樣，都係因為家長個人情意結：一係家長自己細個的時候無得學，所以而家要小朋友做返自己做唔到的事情；二係見"人學我又學"，跟本唔係小朋友的興趣。

無錯，作為家長，緊係想小朋友周身刀張張利，但又有無從小朋友心中角度諗下呢？唔學 violin 係唔係大個搵唔到食呢？學咗係唔係會醒D呢？

我係老師，都會逼倉。因為收得你錢，要同你交代。你睇下那些音樂神童，一日練咁多個鐘，無晒童真，無朋友，無童年開心回憶，邊度會開心？最開心就係父母啦!

坐低同小朋友傾下，一來可以知道小朋友心中所想，二來亦可拉近同個女的距離，等個女知道媽媽係關心佢，唔會強迫佢。

記住，音樂係陶冶性情，咁細個仲未可以靠個琴搵食 !

我都係兩個小朋友的家長，純粹分享個人意見，大家研究研究，如果有冒犯，請諒!

tongtracy

如果學校必須學一種樂器, 而又學左4年, 開始想放棄?

CrabPincers

原帖由 tongtracy 於 11-12-6 00:43 發表
如果學校必須學一種樂器, 而又學左4年, 開始想放棄?

呵, 我女學校, 都話要一人一種槳器 (中學), 琴吾計
我又無理佢WOR
佢話要識之麻, 無話要精
我女以前學過FLUTE
真係考MUSIC 時, 要考一種樂器, 未叫佢拿返支FLUTE 出黎吹LAW
真係甘多時間學甘多野咩(尤其上左中學)
佢自己鍾意學琴, 甘吾通, 為左學校的'標準', 而去QUIT 左琴, 走去學FLUTE? (佢自己都話吾夠時間用, 要佢揀一樣黎QUIT, 佢揀左FLUTE)

BTW, 我女FLUTE 都考左3級, 拿埋丁TIM........

Whitesnow

好明顯小朋友已經不喜歡小提琴老師了, 想他繼續學就換第個老師, 不要給他壓力吧!

hiragana

yinyin0609 發表於 11-11-29 12:30
小女在小四時放棄了, 因為有一天, 她寫了一首詩給我 :-
輕輕的我走了，
正如我輕輕的來；

勁  ,  好文彩     

小偉b

我之前都叫過我個仔學violin, 他一開始就好有心機，但慢慢就無興趣，想叫他繼續學，但都無逼他，他每星期練習半個鐘都無。。如果你囝囝有興趣就唔同講法，為考試狂練同一樣野，實唔開心啦，你應該找機會同個老師講唔駛心急考試，培養他對violin興趣至真！