九龍塘金巴倫道迦南N班收生準則

JMK

囝囝跟足99%指令，又係大囝，又有笑容又有禮貌都係waiting list,X思只做到50%,又鬧情緒都收,如果係睇父母職業或睇住址都心甘命抵,鬼叫你唔係有錢人,如果係睇運睇彩數,咁Interview做咩,不如大抽獎咪仲公平,尋晚收到信之後唔開心左成晚,但聽其他媽媽講係靠運氣,唯有諗囝囝同佢無緣.

golfmama

原帖由 ideeideeidee 於 11-11-24 14:27 發表
X思只做到50%,又鬧情緒都收?
我 d playgroup同學父母都會同你一樣開post問X思N班收生準則!
因為佢地d囝囝囡囡個個都全部做足99%指令

My girl did more than 50 in creative, also no offer, shall I cried and ask why too?

sarubuta

ideeideeidee, 咁會唔會讀窩打老道迦南? AM or 全日?

JMK

真係唔知咩準則,真係要好似生仔咁諗"緣份0黎架".所以今時今日個個家長點解要補幾間幼稚園,唔係緊張,係因為大有可能報五六間得一間收.

yslgirl

有時準則既野您同我把尺都唔同, 我小朋友in york, 我覺得佢表現一般, 有d問題唔係第一次就答對.  但爸爸話佢表現好好, 又有反應, 好多都答岩, 又肯推返埋張椅, 收禮物又肯講謝謝.  

你睇下, 我地係佢父母, 無存在偏私問題, 但我地要求都有唔同, 你又點可以要求所有同學校的老師準則一樣?  而且媽媽甲同媽媽乙既準則更加唔一樣, 我眼中小朋友既100分, 您眼中可能佢一文不值, 所以您即使聽到其他媽媽話佢小朋友表現不佳都收左, 都唔洗氣憤.  大家標準未必一樣.

我地做父母, 幫佢地安排最好, 但一切隨緣啦.

mycjc

我囝囝又係在金巴倫迦南做晒老師嘅指令, 只係唔識答自己個名.
之前啟思都收咗佢, 咁諗著迦南PN收生收200+個一定sure win啦. 點知都係waiting list.

hoota

原帖由 ideeideeidee 於 11-11-24 23:00 發表
囡囡在金巴倫迦南表現好~waiting list,
另外在窩打老道迦南表現一般反而收左.

下次去in, 我會等個小朋友好眼瞓, 呆呆滯滯先in, 因為呢兩間學校都喜歡「文靜」既學生

hoota

原帖由 JMK 於 11-11-24 19:51 發表
囝囝跟足99%指令，又係大囝，又有笑容又有禮貌都係waiting list,X思只做到50%,又鬧情緒都收,如果係睇父母職業或睇住址都心甘命抵,鬼叫你唔係有錢人,如果係睇運睇彩數,咁Interview做咩,不如大抽獎咪仲公平,尋晚收到信之後 ...

我都有同感, 我個小朋友答到晒佢問既顏色, 生果既名稱, 有講hello, 有講Goodbye, 但最終都係waiting list. 我原本都諗可能有其他小朋友更叻, 所以唔收我個囡, 但後來知道朋友們的囝囡面試當日大喊, 無反應仲掟玩具都收既時候, 道火就谷上來, 我都唔開心左成晚, 覺得好唔公平

golfmama

原帖由 hoota 於 11-11-25 01:49 發表

下次去in, 我會等個小朋友好眼瞓, 呆呆滯滯先in, 因為呢兩間學校都喜歡「文靜」既學生

I always think that all the kids are smart and great. I think the school didn't pick u is becos too many kids apply or they choosing kids that they think most likely fit into their kg. Also, parents need to go interview with baby as well for a reason.  it's really hard to tell what a baby will be like as they were so little and the interview time is so short. Though observing and asking parents questions would help predicting what type of kids they would be.

virginbaby

我好奇想問下...其實有OFFER既家長...IN果時有無好活躍咁參與INTERVIEW呢....無OFFER既家長..又會唔會好少出聲..由小朋友自己做呢 ?

唔係剩只IN +南......

hoota

原帖由 Karlie 於 11-11-25 10:05 發表


咁又唔好咁講... 一間半間學校唔收唔緊要, 最重要係唔好輸左品格, 咁講對其他收左o既家長都好唔公平~

p.s. 我無報呢間架, 純粹路過jar...

我只係綜合呢間學校既收生標準啫, 而且成件收生過程都無公平過, 所以無話對其他收左既家長公唔公平

mhcbaby

我已經托朋友問左其中一個現任老師, 佢自己既評分準則係偏向於家長表現, 大部份老師都係, 因為始終小朋友太細, 唔能夠於咁短時間評核到d咩.

各位媽媽, 繼續努力啦! 加油!

ta__ta

我都覺得係睇家長多。
所以收唔到 offer 的家長不如自己 review 下自己的表現。

我都係只收到 waiting, 可能當時太緊張bb 的表現，想比提示和控制b 。

Lovely_Babybaby

我都覺得唔好咁介懷,
亦無需懷疑自己同BB 既能力.
東家唔打西家啫.
我Ist choice唔係名校都大把人爭,
我個囝要Wait 到3X,佢收15人.
都一樣果句啦,平常心,
或者同呢間學校無緣呢.
如果真係好鍾意既,咪等下WAITING等唔等到,
再唔係出年報K1囉.

3000人揀400個,我諗果日都係IN 到頭都暈架.

virginbaby

咁即係家長應唔應該多啲參與INTERVIEW既過程呢...因為有啲INTERVIEW係唔問家長野...跟住又話唔好插手...由小朋友自己做?

好想知大家INTERVIEW既角色...係坐係到陪笑..定會講下野架?

原帖由 mhcbaby 於 11-11-25 10:52 發表
我已經托朋友問左其中一個現任老師, 佢自己既評分準則係偏向於家長表現, 大部份老師都係, 因為始終小朋友太細, 唔能夠於咁短時間評核到d咩.

各位媽媽, 繼續努力啦! 加油! ...

chanwendy

應該係要放手比小朋友自己完成指令, 家長幫得愈少愈好.  我都相信家長面試嗰 part 會重要啲, 例如平時同小朋友做啲咩, 邊個照顧小朋友等, 都睇得出家長對小朋友付出幾多時間的.

咁當然, 當家長大家都答差不多嘢時, 小朋友表現咪係取決囉.  比如話兩個家長都答相同的嘢, 咁小朋友完成得多指令的咪高分啲囉. 同樣地, 如果一個小朋友只做到 50%, 但家長部份好高分, 但另一個小朋友做到 90%, 但家長部份又好低分, 咁咪會出現做到 90% 的小朋友 waiting, 而做得 50% 就收咗的情況.

[ 本帖最後由 chanwendy 於 11-11-25 12:05 編輯 ]

ta__ta

我覺得老師仲會睇埋當小朋友唔識答的時候, 家長和小朋友的反應.

有D家長會幫, 有D家長會提, 有D會罵個小朋友, 有D會同老師講"佢識家" or "佢係屋企好乖家" or "而家撞正小朋友瞓覺時間" or "佢肚餓呀".

所以真係會收左唔識答個D, 因為咁先表現到家長和小朋友的 interaction 和關係.