本身是自閉現在又懷疑仔仔有讀寫障礙,點算好我好唔開心!!

媽咪保保

仔仔今年是小學1年班, 最近考試或小測發現他中文填充或閱讀理解完全唔識做, 而且聖經及常識都不合格不懂得將答案填寫, 另外每天寫手冊都不完整, 字體有些是寫錯, 他會將字體加上了一些筆劃好怪, 但中英默書及英文科就沒有問題, 我都不知道他是讀寫障外還是語言理解有問題, 但言語治療師就覺得佢理解唔係太差只是弱少少, 我跟一些專業人士傾過佢話懷疑佢有讀寫障外, 我聽到又好覺得有啲似, 但我聽完後細心想了成晚都訓得唔好, 因為我仔仔本身有自閉傾向, 經過不段訓練情況改善了好多, 而且他是讀主流學校, 只是專注力較差語言表達都沒有問題, 我覺得我已經好努力幫仔仔去改善仔仔情況但現在又發現有另一個問題, 我真係覺得好唔心有時又覺得點解個天會感對我, 我不段努力但都要不段去考驗我, 我真係覺得好辛苦, 我本身又要工作而且又要照顧第2個小朋友, 當然我都明白我比有啲人好幸運起碼佢身體健康, 但有時又會覺得點解我仔仔唔可以好似其他人一樣, 偏偏又要選擇我仔仔, 照顧一個自閉小朋友其實比其他小朋友要花好多時間, 如果佢再有問題我要花更多更多時間, 所以我真係覺得冇氣力又要工作, 我真係好唔開心, 但我都會積極去面對, 我知道如果我唔幫佢冇人可以幫到佢, 希望各位家長可以比比意見我應該要點做好. 謝謝

樂心

我很明白你的感受,  相信由你知道仔仔有自傾, 接受了, 安排訓練, 倍他走每一步, 不是容易的事, 其實你已做得很好.

心理醫生話, 有自傾的小朋友對閱讀理解方面是難以掌握的.
因為他們不明白說話內的含意.  你仔仔未必是讀寫障礙,  可能是理解方面出問題.  如他默書沒有問題, 即是一般認字和寫字沒有問題的, 是嗎 ?

媽咪保保

係, 佢認字沒有問題, 本身佢記性比較好, 但寫字都有少少問題, 有時都唔係太識字有些字, 而且又會加筆劃又會穿, 還有會將字寫到大細邊

樂心

我不太認識讀寫障礙, 但聽說他們是會左右邊混淆的. 聽你的描述, 好像不是.

既然你與專業人士了解過, 懷疑是的話, 做一次評估啦. 雖然不平宜, 好過自己估吓估吓.
積極去面對, 才可以幫到他和你自己.

淇淇0223

加油喔...好明白照顧自閉寶寶的辛苦而且仲有另一個小朋友要照顧就更加辛苦....因為我也是一樣我們一起努力吧!!