幾多歲參加畫班?

Parisienne

其實咁細需唔需要學畫晝呢？
比機會小朋友自己觀察吓，發揮下，有時驚喜更大。

我一直都怕太早學晝晝會侷限小朋友原創力。
例如我囡(K2)想畫魚，問我點晝，我就叫佢自已諗下魚係點。結果佢用自己方法畫咗條魚，有齊佢眼中覺得魚應該有嘅特徵，條魚超攪笑，我相信再好嘅名師都教唔到佢畫。我真係好開心!
一條靚魚，只要有技巧，幾時都可以學識畫。但一條小朋友眼中嘅魚，當佢長大後，就唔再畫得出。
如果你話繪畫技巧，我覺得幼稚園太早，上小學先打算都未遲。

有時未必樣樣都要咁細就報名學，尤其關乎創意嘅嘢。畫畫正正應該不受限制，天馬行空，自由發揮，無對與錯。
坦白講，香港地好似已經無乜嘢係唔駛專登上堂〝學〞架喇

Parisienne

其實太細學畫畫，不如比錢參加美勞班，即係小手工，用剪手漿糊貼來貼去，不但可以段練手眼同小肌肉，又可以認識不同物料。
如綿花可以做雲，皺紙可以係草，雪條棒可以變屋棚.....

小朋友學會聯想，不同物件其實可以變成另一樣嘢。
發揮想像空間，又有創意。
如果真真決定學畫畫，我會揀規範盡量少，自由發揮較大的為妙。

有個小朋友，畫咗個黑色太陽，阿媽問點解，佢話其實夜晚黑色，都係因為太陽發出黑色嘅光。阿媽笑，無話佢唔啱。
不過，又有幾多家長接受阿囝畫嘅太陽係黑色??
我哋大人，通常都鍾意立刻糾正，即使係一個繪畫世界裡。