請問迦南的playgroup好嗎?

cat8141210

請問一下各位媽媽,
迦南的playgroup好嗎?
因為我之前報左佢地既playgroup冇位,
到家下已經等左3個月以上,
剛剛佢地打電話黎話有位了,
仲叫我兩日內入數比佢地.

我之前搵迦南playgroup係因為我個friend話佢個女讀佢地playgroup半年以上,報PN班果陣係免面試的.

現在面試都已經完了,正在等結果,
但係我都唔知囡囡係咪真係會入到迦南,
當然我係真心好想囡囡入到迦南啦,
因為我地一家人都好鐘意迦南既學校環境同埋教學理念,
但係家下先至"從天而降"一個入到迦南星期六playgroup既機會,
本身我囡囡已經有返另一間playgroup,
不過果間playgroup唔係出名果d,
係我媽媽屋企樓下既,都算幾方便,
老師都好錫我囡囡,
家下進退兩難...
有冇媽媽可以話比我知迦南playgroup好唔好?
值唔值得入?同埋佢地playgroup教d乜野?
同埋老師如何?可以比d意見我嗎?

小琥ma

入playgroup =/= 可以入KG
因為join 佢地playgroup 6 個月以上先可以免interview, 好似你咁講, interview都過晒啦.
all depends on 你小朋友返playgroup想要d 咩!

cat8141210

原帖由 小琥ma 於 11-11-15 12:26 發表
入playgroup =/= 可以入KG
因為join 佢地playgroup 6 個月以上先可以免interview, 好似你咁講, interview都過晒啦.
all depends on 你小朋友返playgroup想要d 咩!

我都好似你咁諗呀....
所以家下心大心細囉...
都唔知轉唔轉好...
所以我好想知究竟迦南playgroup教d乜野,
同埋大家有d乜野comment,
有冇人可以幫下我呀...

mycjc

我初時都好似你地咁諗, 所以俾我囝囝去讀. 但讀咗兩個月, 未到報名前就quit咗, 因我覺得d老師無愛心. 你知d歲幾兩歲嘅無可能會坐得定架啦, 但佢地會好大聲咁叫個小朋友坐番低.
最重要係我囝囝一d都唔enjoy. 我有跟同班嘅家長分享過, 佢都有同感.
不過我又有朋友覺得ok喎, 話佢小朋友學咗好多嘢.

cclemon2009

我囝囝返咗幾個月，其實都係博有優先，但實際上冇，上年有人返夠6個月都只得pm(吾interview ），反而他隔鄰大陸人冇playgroup 有interview 取得am位。
So far. 普通，只有中文，冇英文，老師只有一個好好，其他就...........

Babyanimal

我囝囝返了幾個月，課程算充實和廣泛，如果BB能坐定定是可以學到東西。可惜老師無heart亦不見有愛心和耐性，在各自活動時只會老師自己或和部份家長聊天。所以整體感覺普通。

cclemon2009

完全同意babyanimal，有部份老師只會和部份家長聊天(本身識),對部分老師感覺麻麻，有young 的playgroup老師化濃狀有點怪怪

mycjc

agree, 我都見聽到老師响snack time同家長聊天, 老師會借意問家長做邊行? 住邊? 感覺好勢利

golfmama

Interview 時老師會問小朋友有無返PLAYGROUP同埋我問過學校D 人返佢學校PLAYGROUP 係有優先都通常都會收.

每個月佢會有一個主題. 如果你問我, 我返緊同返過幾個PG (都係比較多人去O個D),. 開頭返迦南我會有少少唔慣, 因為阿囡返開O個D 唔會有咁多規矩( 例如跳舞, 佢要個小朋友係佢家長面前跳, 跳出少少佢會叫家長捉返佢, 或者佢地會推個小朋友走番埋位) 同埋1個鐘頭15 分鐘會有15分鐘茶點(會覺得好浪費時間)

但係返返下都覺得佢有D 野係好O既, 例如一個月一個主題, 咁一個月後阿女的而且確對O個個主題熟悉左; 同埋有樣好就係返學我相信都係要守規矩, 咁早D 教佢都係好O既. 茶點時間則訓練佢同小朋友一齊坐定定食野同自己食, 都係好O既學前訓練來O既.

老師似要小朋友守規矩多過有愛心, 一班太多人又係好難對每個人有愛心。

我相信每個人的標準都會有唔同, 所以乜野都係自己試過先知.

golfmama

仲有INTERVIEW 前比佢返, 咁起碼去到學校佢熟間學校無咁驚先啦.

cat8141210

原帖由 mycjc 於 11-11-15 15:39 發表
agree, 我都見聽到老師响snack time同家長聊天, 老師會借意問家長做邊行? 住邊? 感覺好勢利

哇,乜唔係playgroup黎架咩...
老師會係咁問家長做邊行同住邊架??
咁即係個playgroup大約教d乜野架?
用d乜野教學方式呢?
例如我家下囡囡係依家果間playgroup上堂,
老師用既係奧福教學法,
上堂果陣有音樂,跳舞,講故事,
有用廣東話,英文,國語上堂,
可能係小班教學,
計埋我囡囡只有三個小朋友一齊玩,
聽講老師以前係九龍城校區某間出名的幼稚園教的,
所以佢好識同小朋友玩玩,
我老公就個個星期陪我囡囡去上playgroup,
我地見囡囡都算玩得開心,
所以家下就算迦南打電話黎話有位,
我都仲係心大心細諗緊轉唔轉...
你地話齋,interview都in左等緊消息,
咁同我讀唔讀playgroup都冇關係架啦,
如果我了解到個教學模式唔係我/我囡囡需要既野,
咁又何必轉來轉去?
定話如果第時想考第二間幼稚園果陣人地會問我小朋友有冇讀過playgroup,
如果我講讀過迦南會有幫助?
可以比d意見我嗎?

Babyanimal

我也以為自己過敏，我也曾聼到有一兩個老師會借故問下媽咪自己有冇開車嚟，住邊（人地答了地區後仲要再試探近邊）。見係爸爸帶就問人係咪返shift. 好在mycjc 都有同感！

此外我不大贊同她們對小孩子的方法，例如有小朋友沒有參與唱遊或出去跟其他小朋友握手，那位濃粧老師就當眾說「你甘大個都唔做！」，我認為這並不是鼓勵小朋友的正確做法。

cclemon2009

老師都有問我先生我做邊行，我先生答咗行業範疇後，再反問係咪做xx，要返shift？

Tigerpooh

千期唔諗住返佢地的playgroup可以有優先, 小兒3月b, 一足15個月就返迦南了，一返就8個月，以為stay係度實有著數la, 點知原來佢地係計9月報名前返夠半年先有優先, 而佢地要夠15個月先可以讀playgroup的, 即係1月出世而又夠15個月即讀的, 先可以讀夠半年。  
後來interview完左後, 小兒waiting list only，之後playgroup派左張通告話我地有第二輪優先，咁我咪一直讀諗住會wait到la, 點知我1月再問老師, 佢居然話無喎，唔知派過lee d野喎。真係激死我﹗

後來我工人走左，我自己帶佢上堂，發現老師成日同某d靚太傾計，將我地置之不理，又成日要求小朋友坐定定，攪到我上一堂playgroup無左半條人命(小兒坐唔定的, 要經常捉佢返埋位)，:;pppp: 之後我就退學了，去第二間讀。

blackberry

Hello, 看見你的分享，好想知你囡囡返邊間playgroup，因為我囡囡好鍾意音樂，都想幫佢搵奧福，謝謝！

cat8141210

原帖由 blackberry 於 11-11-16 11:12 發表
Hello, 看見你的分享，好想知你囡囡返邊間playgroup，因為我囡囡好鍾意音樂，都想幫佢搵奧福，謝謝！

我囡囡返果間PLAYGROUP係沙田架喎,
你會唔會覺得唔方便呢?
因為我媽媽住沙田,
我地個個星期六都返去食飯,
所以先順便比囡囡係果度讀埋PLAYGROUP~

cat8141210

我今早已經打電話去迦南同STAFF講我唔JOIN佢地個PLAYGROUP啦...

因為諗諗下,我係想囡囡學野啫...
又唔係話家下讀到個PLAYGROUP就一定入到N1,
咁冇必要要個小朋友辛苦轉來轉去,
又要重新適應新環境,
算啦咁細個小朋友,
開開心心就OK了

blackberry

IC.九龍有冇分校架?謝謝!

Cmon

我都覺得迦南 playgroup 唔好, 好似上面咁講, 只得一個老師好.

我上平日班有兩班同時上, 頭兩個月係好的老師教都okay, 第三個月轉左去另一班, 個老師就真係無乜耐性, 唔會點引導小朋友玩, 走出D都惡死叫家長帶返個仔女, 而且snack time 就只係逗某幾個 (特別可愛, 有笑容, 乖巧)小朋友玩, or 同某幾個家長傾邊度生仔(有2個導師大肚)

唉, 自問自己個細路唔係可愛乖巧形, 上佢地堂真係好無引

cat8141210

原帖由 blackberry 於 11-11-17 12:46 發表
IC.九龍有冇分校架?謝謝!

冇分校架,,,一間細細既,,,得沙田有