小朋友中一,中學如何温習?

hurtma

小朋友中一,中學如何温習?例;最近中文測驗(測其中一個單元),熟讀課本了,但有好多都係課外野,係咪多數考d課外野呢?所以今次成績麻麻,只得28/50分.有冇人教我温習方式等我教小朋友.thanks a lot!

CrabPincers

原帖由 hurtma 於 11-11-11 13:36 發表
小朋友中一,中學如何温習?例;最近中文測驗(測其中一個單元),熟讀課本了,但有好多都係課外野,係咪多數考d課外野呢?所以今次成績麻麻,只得28/50分.有冇人教我温習方式等我教小朋友.thanks a lot! ...

印象中, 我見過呀女的TEST PAPER (中文), 關於課本既都係佔10/50

其餘全部都係課外野

hurtma

咁即係要熟讀課文外和課外閱讀就可以?妳囡囡都是這樣温習?

CrabPincers

原帖由 hurtma 於 11-11-11 13:59 發表
咁即係要熟讀課文外和課外閱讀就可以?妳囡囡都是這樣温習?

我女學校還有出成語, 我就叫佢讀左有得'讀'的範圍
其他, 真係靠平時

BTW, 我吾知佢點溫書, 佢全部自己黎, 我只係提供資源

中一, 通常死係文言文手上..............

alice44

中文係多數出課外嘢, 不只是中學, 小學時都係咁, 所以已經習慣.

meyonw

好多中小學都係中文主要考(課本內)詞語運用, 修辭方法, 閱讀理解要靠平時做課外練習, 通常出得比較深, 如果只是溫課文是不足夠的, 試吓買練習比佢做, 等佢習慣考試模式和學多啲課外野.  其實英文都一樣, 我見書局好多學生好似買菜咁買練習, 不過唔知做唔做得哂!

熙媽媽

小朋友有無帶試題返屋企呢？如果有，你可以逐一問下佢有無得讀，睇下佢邊部分最弱，抑或係錯別字或詞不達意令佢失分。

就正如其他家長講，所謂可讀內容唔單止係課文內容(課文問題，有d學校會要求詞語解釋)，部分內容如修辭、成語(有學校更有詩詞名言默寫)，呢d都係可以讀嘅。
如果可以讀嘅地方失分，只不過意味小朋友唔太掌握中學題目要求，知道遊戲規則，下次應該會有進步。

如果係閱讀理解出事，可以叫佢睇多d書。學校如果無要求買補充，都可以買本比佢做下，重點在於比佢提升自信。除非小朋友願意，否則操得太多會適得其反，令佢更討厭中文。除左單元重點外，其他所謂「課外」嘢應該係平日慢慢累積ge字詞同理解力，都係個句，要睇多d書同報紙啦。

如果係因為唔小心失分，包括審題不清、錯別字或詞不達意
，小朋友如果聽教，提下佢小心d啦，改正後唔明一定要問。

中文呢d嘢真係無得一蹴即就，比多d時間啦！

原帖由 hurtma 於 11-11-11 13:36 發表
小朋友中一,中學如何温習?例;最近中文測驗(測其中一個單元),熟讀課本了,但有好多都係課外野,係咪多數考d課外野呢?所以今次成績麻麻,只得28/50分.有冇人教我温習方式等我教小朋友.thanks a lot! ...

[ 本帖最後由 熙媽媽 於 11-11-12 12:08 編輯 ]

熙媽媽

學校有無派測驗範圍同試卷各部分內容呢？如果有，家長會大概知道考咩同點考。如果無，近排有無家長會可以問下老師呢？

原帖由 hurtma 於 11-11-11 13:36 發表
小朋友中一,中學如何温習?例;最近中文測驗(測其中一個單元),熟讀課本了,但有好多都係課外野,係咪多數考d課外野呢?所以今次成績麻麻,只得28/50分.有冇人教我温習方式等我教小朋友.thanks a lot! ...

vincher

文言文的閱讀理解對中學生較難，所以由暑假至今，小兒都在操。他的私補老師好有心機找一些有趣而短小的文章，教他如何理解，兼要默寫。結果小測成績比小學有進步。你可試試！