一個爸爸對報考幼稚園的感想

alfredw88

近期忙於為兒子報考幼稚園，有感而發，欲在此抒發一下。各位閱後如能給點意見，將十分感謝。

我的兒子今年2歲。由於是細仔(09年9月出生) ，去年為他報幼兒園時，結果不是不收就是收只下午班。後來選了一間普通又稍遠，但肯收上午班的幼兒園。

直至今年9月中，突然收到屋企附近一間由香港保護兒童會辦理的全日制幼兒學校電話說有位。由於兒子返開該會的日託中心，我們對該機構辦學很有信心，於是立即轉校。現在兒子返學很開心，又不用舟車勞頓，我們亦很放心。唯一問題是該校不是「名校」。

正如大部份家長一樣，我們自9月已努力填寫幼稚園報名表；由於是細仔，當初我們大包圍報名，看彩數。後來兒子轉校，我們心裏較定，才集中於5-6間「名校」半日班(主要九龍塘果堆)。

10-11月馬不停蹄面試；由於太太說兒子跟我較定性，加上太太有孕，現在我已包辦playgroup+面試。自問體能不錯，但也覺得很倦。

至於面試成績方面，暫時見了四間，一間reject，SN收下午班，其他兩間等消息，但似乎機會不大。之後還有兩間要見。

說了那麼多，不是說自己特別辛苦，因為相信很多同期父母也是類似情況。想說的，是有時自己心想，什麼才是對兒子最好/合適。

我認為，現在的孩子要學知識不難，只要肯安排，總有渠道，怕的是太多他受不了。反而我認為現在很多孩子欠缺的是紀律、自理能力和自發性。

在這些方面，我認為全日班是最好的，而且兒子現在的學校很近，很方便。兒子全日有學校照顧，將來家傭也較好容易照顧細B。

唯一問題是該校不是「名校」。儘管我認為兒子現在返的某名校playgroup，除了教英文很好(因為外籍老師)之外，其他只是普通﹔但太太心儀「名校」，認為「名校」收冇理由唔讀。

各位家長，要是你，你會怎樣選擇呢?

TIGERBAMA

我覺得上得黎呢度講野既家長, 大部份都係追求"名校"既人, 包括我自己!!!

miranda0311

原帖由 alfredw88 於 11-11-10 14:05 發表
近期忙於為兒子報考幼稚園，有感而發，欲在此抒發一下。各位閱後如能給點意見，將十分感謝。

我的兒子今年2歲。由於是細仔(09年9月出生) ，去年為他報幼兒園時，結果不是不收就是收只下午班。後來選了一間普通又稍遠，但肯收上 ...

有名校收,就當然好。但同時都要考慮其他因素, 例如, 小學你要是直資還是資肋, 你想小朋友如何, 半日班還是全日會方便照顧, 小朋友是否中意間學校...考慮好所有因素, 比自己心目中有個目標先, 否則好難決定, 有時唔係一定要名校先好既...

hangyodon

係呀......名校冇理由唔讀

唔係個仔女大個咗問你點解唔俾佢讀, 攪到而家點樣衰我都真係唔識答....難道同佢講話因為學費貴, 而自己又想買iphone 4s / 去旅行 / fine dining......所以最後都冇俾佢讀

我就乜都俾佢試, 佢有能力入到邊間幼稚園咩俾間最好既佢讀. 如果佢入唔到....我大過同佢講"我地報咗十幾間KG,你自己入唔到都冇法....We already gave our best, and We have no regrets at all!"...anyway, 做家長覺得自己真係盡咗力就算

你個case.....
俾我就考咗先, 咁佢係細B都入到SC/KV/PC等, 而屋企又真係俾得起$$......
我諗我會俾佢入, 唔讀屋企附近嗰間全日制
SN唔知算唔算名校, 我自己就覺得唔係

gwlam

我也有同感，雖然在現今社會下，很難獨善其身，但小朋友開心快樂成長很重要，「名校」也不一定適合自己小孩呢.

梅媽媽

其實我都有和你一樣的矛盾,什麼是兒子的最好?

   小兒也是細仔十月尾,說話少個子小.現在有一間出名有愛心但教學內容淺的學校,收了小兒讀全日.另一間貴但教學豐富有趣的學校,也收了小兒讀下午班 .
  
  另有兩間最心儀的未面試. 我是ftm ,每天和老公商討倒底讀愛心學校,還是程度深的那間.
  
  我想小兒入讀直資小學,但教學內容淺是否一定沒有機會呢?  暫時我也未有決定.
   在我來說,我要的不是"名氣"是兒子能否讀得開心.

pandabonita

我估都係睇小學有乜期望la. 如luck draw,咁冇乜所謂,就算考dss/私小,讀名kg都5代表一定有好多offer,讀村kg又5代表一定冇人收,名kg程度通常高d,上小一時會輕鬆d,但最重要都係自己點教.有時間去小一個邊望望.

mumchow

其實有時好無奈, 睇你夠唔夠膽搏. 事實上好多幼稚園都唔差, 而名校亦唔一定保證你仔仔平步青雲, 有時一d"名校"老師甚至唔及一d冇咁出名嘅學校嘅老師.

但係而家小學競爭咁激烈, 萬一你仔仔2年後報唔到好嘅小學, 你會唔會後悔當初冇佢入讀"名校"? 我唔係話一定有關係, 只係有d家長(例如我自己) 會諗我做晒我可以做嘅, 學校收唔收就睇佢, 但如果我冇足, 我驚將來後悔.

我都覺得好辛苦, 啱啱生完2個月, 仲放緊產假, 又要幫大仔報K1 (因為佢舊年亦係細仔, 有D學校, eg 培正, 連表都冇得攞), 又要幫細B報 playgroups. 但身在現今社會, 我唔敢搏, 唔敢偷懶, 大家努力吧!

wishwong

小朋友能力行先.. 如果資質一般..再加埋細仔.. 就算而家夾硬入到"名校"..到小一都係死...
反而入讀開心既學校我覺得比較緊要.. 至少小朋友喜歡番學... 當然家長經濟上化能唔能SUPPORT到都好重要...

4001cc

咸魚青菜各有喜好, 但我怕樓主轉去間唔係名校後, 會畀老婆埋怨一世.

係我, 只要有名校收, 都係聽老婆話好D.

bopui0607

你其餘兩間是否SC, KV, 如果收, 真係好難唔接受offer woo.

至於已收的SN, 同你而家謮的相差又幾遠呢 ? 如果差唔多, 不如留番原校啦.

原帖由 alfredw88 於 11-11-10 14:05 發表
近期忙於為兒子報考幼稚園，有感而發，欲在此抒發一下。各位閱後如能給點意見，將十分感謝。

我的兒子今年2歲。由於是細仔(09年9月出生) ，去年為他報幼兒園時，結果不是不收就是收只下午班。後來選了一間普通又稍遠，但肯收上 ...

jessica777

好個人架, 每人情況不同, 可考慮下:

將來讀官津小學?
  父母是否該心怡小學業生? 有無宗教分? 校網內?
將來讀直資/私校?
  生兩個去讀要俾錢既學校財政有無問題?
父母注重學術定語言?
  返學得大約3個鐘, 通常學術好但語言無咁好, 或者語言好但學術無咁好.
父母注重德育定學術?
  同理, 注重德育咁學術又可能無咁好.
活動教學定傳統教學?
  兩方面都有好處同唔好處, 睇下邊樣適合小朋友既性格.
讀有學卷定私幼?
  如果讀有學卷, 一般程度比較淺, 但可減輕財政壓力, 尤其有兩名小朋友的家長.
家庭支援?
  如果讀有學卷既幼稚園, 程度可能比較淺, 有無屋企人帶小朋友去補下習或上興趣班?

如果兩夫婦傾完以上問題並有共識, 咁揀咩學校就會清晰好多.

MeganDad

原帖由 4001cc 於 11-11-10 14:57 發表
咸魚青菜各有喜好, 但我怕樓主轉去間唔係名校後, 會畀老婆埋怨一世.

係我, 只要有名校收, 都係聽老婆話好D.

好可怕喔!

sheffield

名校都有好多種…有得上(小學)同冇得上的，有關係(如cckg同dgjs)同冇關係的…如是冇得上又冇關係果d，我唔會side小朋友時間再讀一年…
另外，都要睇睇你住邊個校網，如抽到好學校機會大的，讀邊間幼稚園就更加冇所謂…
如你所說，小朋友的紀律，自理等等都好重要，如理在的學校這方面做得好，小朋友又返得開心，咁咪唔好轉囉！如要去考直資同私校，自己同小朋友補補啦！

梅媽媽

原帖由 sheffield 於 11-11-10 15:21 發表
名校都有好多種…有得上(小學)同冇得上的，有關係(如cckg同dgjs)同冇關係的…如是冇得上又冇關係果d，我唔會side小朋友時間再讀一年…
另外，都要睇睇你住邊個校網，如抽到好學校機會大的，讀邊間幼稚園就更加冇所謂…
如你所 ...

睇完你既意見,我好似諗通左d野.thx

coeychung0406

你真是一個好爸爸 其實唔好話係細仔啦,就算我小朋友是適齡的也很難入到心儀的學校;因為係好睇小朋友性格,表現,天時地理及彩數等... 細仔未必無機會的只要他很表現發揮到就一定有offer!我朋友個仔都係08年9月仔,佢當年考N時都係無咩學校收,但後來好彩Think(KLN)收咗佢讀咗一年後佢去考K1已經有根德園&學之園的offer 千期唔好覺得細仔女就一定唔收!我同阿女In過好幾間見有些細仔細女都好出色有D比阿女更smart添,再講如果你今年考唔到心儀的起碼出年可再考過嗎!但係我地今年哀咗就無得出年再嚟過啦咪重大壓力 其實大多數父母都想仔女可以入到名校!但係你講得對,有些名校可能在學術方面很好,但在某方面可能卻比不上一些村校!亦有朋友當年為入港島區名幼稚園鋪路,入教洗禮+找神父幫忙但結果都唔收要讀村校,三年後考入大坑名女中小學!當然這些例子唔多,但亦有可能會出現 要記住小朋友最重要的是品行,至於學術出面亦有很多選擇!重之盡咗力就夠,好多嘢係無得強求!

4001cc

原帖由 MeganDad 於 11-11-10 15:09 發表




好可怕喔!

睇樓主文章, 明顯睇出兩位家長有分析.

polly8888

請問PC同DGJS的中文名是?

heidys

我都有就照顧同埋"名校"的顧慮.
其實我地都返工, 讀全日班有延展的係最方便我地父母. 而家間PN老師都好有愛心, 不過好託兒FEEL. 希望比到阿仔讀一間, 讀出黎, 叩小學門時有返少許競爭力. 所以如果讀得到"名校",或較出名的(師資課程方面), 我地都PREFER 讀. 當然期望係阿仔都會讀得開心架啦. 事實睇口碑, 我地揀果D亦無乜邊間係話個小朋友讀得唔開心喎. 不過都係收先再諗. 到時反而要作出相應安排 (請工人/etc),都幾煩架. 但無理由仔讀到唔比佢讀啫.