這個星期真係好難受

junkfood

從來都無係度留言, 因為真係好怕打字, 但係連續四日被人reject, 真係好難受, 哭了多遍, 有好多問號係我腦裡面....

今個星期二, 朋友話收到dbspd既2nd in 既信, 我無, 自己同自己講唔緊要, 呢間係dream school, 根本好難入, 又可能遲一日收呢!

今個星期三, 終於收到wkf既reject letter, 等了又等, 終於等到.... 小朋友in 完出黎, 佢有2張貼紙, 又話老師讚佢, 好多朋友有2nd in, 但我又無....

今個星期四, 收到播道既reject letter, 唉, 個日老師同我地傾左好耐, 返課室接小朋友時, 得番佢一個, 點解又係reject? waiting都唔俾....

今日到pk, 又係無2nd in, 我真係想知, 我小朋友係咪真係咁令老師討厭, 面試時好頑皮, 好無禮貌呢??我認識既佢唔係咁架, 點解連waiting 都無, 還是我真係唔識教佢, 教得好差....

我雖然唔係有錢人, 但我已經將可以俾既都俾了小朋友, 係九龍塘所謂有名既幼稚園讀書, 由兩歲開始幫佢安排不同類型既課外活動, 假期安排親子活動, 雖然以上都係微不足道, 又或者係好普通, 但點解全部都係reject??waiting都無........

unluckily, 我識一個朋友同我一樣報了10間, 佢間間都有offer/2nd in...點解?????????

palmchristy

收咁多reject真係幾難受.
希望在人間. 往後可能會有好消息的.

仕澄母

我個囝都是全部7間Reject,連2nd In都無，真是什麽世界呀

Ving

其實我覺得lee個考學校面試遊戲主要是一命二運三風水，以前吾信，而家信晒。

gtgy

面試結果有好多主觀同客觀因素嘅，唔好太怪責自己同小朋友，比D正能量你，think positive。

sytw

雖然我有2nd in，但之後不停收到其他學校既reject信後，仲要最心儀既都reject左，心情down足兩星期！不過down完之後都係要繼續個game，可以做既就係用所有方法理由去令自己好過d，呢幾日開始諗通左唔少，始終而家係d學校揀我地，佢地用咩標準咩原因我地都唔知亦控制唔到，如果我地既小朋友係叻而佢地無揀到係佢地走寶，而如果小朋友資質一般俾佢入到去都未必係好事！眼見俾我仔叻既都一樣收到reject，我仲可以講咩。

無氣同你講

原帖由 junkfood 於 11-11-4 09:55 發表
從來都無係度留言, 因為真係好怕打字, 但係連續四日被人reject, 真係好難受, 哭了多遍, 有好多問號係我腦裡面....

今個星期二, 朋友話收到dbspd既2nd in 既信, 我無, 自己同自己講唔緊要, 呢間係dream school, 根本 ...

只可以嘆一句: 你好黑!

我雖冇喊, 但失眠左三天，個樣衰到無人有，我相信這個星期，好多父母都好難過。

快樂的只有少數，所以你並不孤獨。

[ 本帖最後由 無氣同你講 於 11-11-4 13:44 編輯 ]

twobirds

我都深有同感，亦因此開始係度留言...
讓自己情緒冇甘抑鬱。
冇錯，這是一個挫折，另人難受。但係，挫折另人學識謙卑，謙卑才懂得同情，同情另人善良，善良顯得高貴.除學識外，還有重要既東西，好既學校並非人生的一切，即使我們的仔女係起跑線跌左，咁又點喔 ，爬起身，再來過！

palmchristy

呢個遊戲可以增進大人同小朋友的抗逆力.

celinapang

正如老師話, 考唔到唯有等大抽獎, 考到什麼學校都無所謂, 到正式讀小一時, 靠實力再叩門插班入小二., 積極D正面D面對吧.... 我跟你一樣, 1個OFFER都無.....

Aerosol_Ma

我也很明白你的心情和感受到很大程度上是靠運氣。我小兒是資優生。英文是中上上，數學加減乘除都識。我apply了SFA。很多人說它很喜歡收資優生。所以我想機會不少。而且家長們說它interview啲問題很學術。First In 問小朋友他說７題識６條。我心想有Second In機會不少。點知最後REJECTED。這是一大打擊。而且也再多收了２封RL。看了明報說學校其實不喜歡收資優，怕他們難教喎！

無氣同你講

原帖由 Aerosol_Ma 於 11-11-4 15:28 發表
我也很明白你的心情和感受到很大程度上是靠運氣。我小兒是資優生。英文是中上上，數學加減乘除都識。我apply了SFA。很多人說它很喜歡收資優生。所以我想機會不少。而且家長們說它interview啲問題很學術。First In 問小 ...

真係佢講曬架，點講都得，調返轉黎講都仲得，做家長既我地係無所適從，所以都係相信返分數啦，智能測驗好，升中試好，會考好。

ＢＴＷ，我都係資優架，年幼時成績好，但教到父母氣咳，因為唔係咁多人明我地諗咩，成日比人誤解，漸漸脾氣會變得古怪，如果冇遇到真正有愛心，有智慧既賢師，仲好可能會變得自暴自棄添呀。

[ 本帖最後由 無氣同你講 於 11-11-4 15:52 編輯 ]

Pkceddie

你哋唔好灰心同唔開心只怨教育制度不好,我同我小朋友每天都析檮畀上天安排，為咗小朋友心机不比你們小,興趣班畀身邊家人話學咁多嘢,5歲搬咗4次屋太出名學校直資私校都怕自巳應付不來,中上先報7間中咗1間離家遠之前只想試吓,連留位都冇去,一星期內不斷掙扎去番學校問番畀回之前位我就補回點知越來越喜歡的。另一間2nd但冇想下星期in因巳有一間夠啦,情願機會留畀冇着落小朋友。
                                                            祝大家好運

laiyuen

坦白講，呢個遊戲真係完全靠連，因為面試只有最多一個鐘，但佢地要從千幾二千人裏面選一百個學生，當中如有唔符合既有500個，都仲有千幾人要screen，咁唔靠運靠咩呢？今個星期我都收到一間學校既reject信，其實in完我都幾有信心可以入到，因為我個仔話佢全部識答，而其實我係識入面一個老師，interview之後我都有同個老師傾過計，佢都話照我個仔講咁應該都好大機會入到，但結果都係唔得。所以我相信可能另外嗰一千個小朋友都係答得咁好，所以入唔到都無計。
希望樓主知道就算唔得都未必關你或你個仔事，只係太多人去箏太少位。就算入唔到DSS咪大抽獎囉，我相信只要你繼續同你個仔同行，努力裝備，他日佢都一定可以有好好既前途。加油呀！

gowgowgow

Feeling shortness of breadth, dizziness, hard to sleep, eyes dried for the whole week so i saw the doctor this morning. He said that I am having severe anxiety!!! I am not sure if I can contine to be like this till June or even September

090606

我都覺收阿仔的reject letter, 傷過收自己的. 第一次收reject letter, 真是好down! 我都想問呢個遊戲點玩? d學校只想收d好教的學生! 咁活躍的男生呢 ?!

swedmond

大家唔好甘唔開心啦， 有無學校收好多原因， 到目前為止我個仔有offfer, waiting, reject.........

有啲認為唔得嘅又竟然得咗........

所以順其自然啦， 唔一定要讀名校先可以成功.........

Ewongmum

我十分明你的心情, 因為我囡囡都接連收到reject letters, 先前繪畫, 朗誦, 數學等等比賽都拿冠軍, 國際賽事都有, profile 寫得靚靚都reject.  過往節衣縮食, 全數給小朋友, 現在換來""reject"...

識得一個朋友, 什麼都"求其",她小朋就有2nd in (仲係我心儀個間),而我個小朋友就reject, 跟住這朋友問我"點解好個間就有2nd in, 無敢好個間就無2nd in ?" 結果我哭了一場....

最後我想通了, 這是一場長跑, 未到終點未知誰是贏家, 你已經做得好好, 堅持努力, 亦在此向各位收到reject letter的父母打氣, 加油, you never know what happen  next......

原帖由 junkfood 於 11-11-4 17:55 發表
從來都無係度留言, 因為真係好怕打字, 但係連續四日被人reject, 真係好
難受, 哭了多遍, 有好多問號係我腦裡面....

今個星期二, 朋友話收到dbspd既2nd in 既信, 我無, 自己同自己講唔緊要, 呢間係dream school, 根本 ...

junkfood

非常多謝大家既鼓勵及分享!! 你地真係好好!!


說真的, 我開始死心了, 我諗我唔會明年6月再叩門/小二插班/中一再黎過, 因為我真係無能力去幫我小朋友, 我唔識寫叩門信, 唔知參加那些課外活動去幫助佢突出重圍, 過去幾年, 用了很多心血, 但都徒勞無功...


我唔係放棄自己既小朋友, 我好愛佢, 但我只懂做最基本的, 讓他均衡發展...其他的順其自然吧!