煩惱的升中問題

janny_yau

請問各位:
1. 贊唔贊成子女去多幾間直資中學面試去汲取多d面試經
    驗呢?
2. 雖然亞女參加了面試班, 但我認為自行收生階段較大抽
     獎而入到心儀的中學更難,因為好睇當時面試的情形及  
     學校的要求, 我想法是否正確?
3. 亞女新一期面試班就快要交錢了, 一次要比大約
    $2800  (13堂), 每堂又沒有練習回家做, 只是上堂教
    及寫d備忘,是否仍值得再繼續?

     我好亂,請大家比d意見

TUNGLOKMOM

我贊成子女多去幾間直資中學面試去汲取經驗, 但是都要睇佢會唔會感到壓力同選擇去邊間.

我唔會比佢參加面試班, 因為學校有得學同出面辦的太貴.而且都不是實戰.

navigator

1. 我就唔會鼓勵咁樣做。第一，小朋友為應付多次價值成疑嘅面試將會十分疲勞。第二，既然都唔喺諗住讀人哋間校而又去參加其面試，好似唔喺幾好囉。
2. 咁要睇你小明友嘅實力喺咪屬於band 1 架，如果喺屬於呢啲級數，強化面試嘅本領則較為有大啲作用。學校喺先睇小朋友成績、操行、獎牌、技能、名銜、服務、學校......架。學校先目標咗「達標」嘅一批人，然後再靠面試嘅方式，再從中揀出講嘢叻嘅嗰啲。
3. 呢個問題將取決於你第2條問題嘅情況。
上述純粹喺我個人嘅睇法俾你參考研究。

nc2000

1. 我會比個仔去面試三幾間直資, 想比佢知道面試大約情況, 同埋比個實戰經驗佢!

2. 我個仔都係最弱面試, 因佢表達能力唔係太強, 問一句答一句既人, 但如果成績係達到該中學既程度, 我都會比佢去試, 不竟中學都好重視成績

3. 我都會比佢去參加面試班, 但就唔會十幾堂又十幾堂咁返, 因為又貴又無必要成日讀住面試既課程, 我只會在面試前上個雞精班, 當作比d 信心佢去面試就算了!

janny_yau

好多謝大家的意見.

咁又係, 如果成績不太好, 自行兩間學校都無得見, 咁參加咗面試班都無用武之地, 仲浪費了不少錢.

navigator

學校對外為顯示對所有學生「公平」，通常都會「面試」晒所有來者嘅...... 只不過內裏可能有啲係真「面試」，有啲係做樣嘅「面試」囉，佢哋有晒分數架。