GT 同福附

benalg

請問各位,

GT同福附應該點選好?
(地點不在考慮列)

因GT講明少功課,又有好多才華班參加, 唔駛再出去學, 好啱我呢啲要返工既媽咪. 而且老公有朋友既仔女係入面讀緊, 都好開心.  小學成績應該唔錯, 尤其是英文, 但中學既成績就唔係好清楚... 而且知道去到小五時成績會突然收緊, 都有啲擔心未必可以跟上.

至於福附有福中呢間Band one 中學做backup, 有好多家長都話家校合作好好, 不過課程都幾谷, 但由於福附只係運作唔係好耐, 同埋聽到好多老師走左, 又係有啲擔心...

請大家可否比啲意見.  謝謝.

gegemok

GT 志在拔尖, 福附係會幫助補底...你要視乎自己小朋友能力去選~

yiptszman10

GT  = 優才

oldjac

Gt 我有offer無確認要了福小，考慮小三前潔志校社環境及硬件,真係 而且我感覺gt好似合男仔多d

GBM

建議盡量搵多d中學資料，再作取捨，不過至於GT有拔尖無補底方面，家長要慎重考慮！

benalg

你講得好啱, 不過我個仔而家咁細, 我仲未好肯定佢係拔尖定係補底個批.

benalg

我都好認同你對旺角校舍既意見,原來你已經決定左要福附, 我個係仔, 點解你覺得GT合男仔多d ?

gegemok

我覺得教育係應該有教無類，如果連學校也不能雪中送炭，小朋友太可憐了。雖然一個也不能少未必做到，福附一定係抱住多一個得一個，學校開了不少補底班給前校的學生，而且只要合乎一般升班要求，就全數入福中。剩係呢個commitment都唔簡單，畢竟兩校方針係好唔同!

cmvfamily

好同意你的內容~
我都覺得教育是應該有教無類，叻就留，唔得就 out，我不認同，雖然有人話學生不適合間學校就應該轉校，我不敢應同。

原帖由 gegemok 於 11-10-31 18:38 發表
我覺得教育係應該有教無類，如果連學校也不能雪中送炭，小朋友太可憐了。雖然一個也不能少未必做到，福附一定係抱住多一個得一個，學校開了不少補底班給前校的學生，而且只要合乎一般升班要求，就全數入福中。剩係呢個commitment ...

muichujamie

係有補底的。絕對唔係你地所講成績唔好就即刻要離校。請唔好再亂散播消息，thanks!

原帖由 GBM 於 11-10-31 18:04 發表
建議盡量搵多d中學資料，再作取捨，不過至於GT有拔尖無補底方面，家長要慎重考慮！

Pkceddie

2間都應該各有各好學校要視乎自己小朋友的,如果外向D小朋應該GT多D,而我喜歡福小的。還有要看學校背景理解學校方針及家長自已本身喜歡邊間,問吓自已小朋友如果自已决定不到,去吓學校看吓D學生同D家長傾吓再决定

RSZ

Gt 拔尖不補底已經係口頭禪了，講得多就變成事實了

[ 本帖最後由 RSZ 於 11-11-1 00:26 編輯 ]

kc_01k

原帖由 muichujamie 於 11-10-31 23:46 發表
係有補底的。絕對唔係你地所講成績唔好就即刻要離校。請唔好再亂散播消息，thanks!

其實可能太多post講有關GT拔尖不補底事宜, 大家都知講得多真係可能變成真, 好多人會選擇相信, 事出必有因或七分假時三分真. 畢竟仲有好多家長只聽不上網, 作為GT家長, 我支持你地出黎講多啲, 其實上列家長都不是散播消息的一群, 不過我地小朋友都係小一生, 身邊都難免會有人道聽途說的, 而且大家都係近來會多聽小學之事, 之前我都上黎教育網睇過, 的確係有幾個POST 十幾頁的講GT不好, 可能GT家長或學校方面無出黎澄清, 一個POST逗留於第一版太久了, 家長都會當真, 但我一向大多數都睇, 唔會故意唔知就入去加把咀的.  大家都係將聽倒嘅消息講出黎實在係好難免的.  每一間學校, 都係要聽家長親身講自身經歷, 之前講GT嘅家長都係以第一身感受去寫出黎分享, 屬真屬假, 其實唯有你地先知, 但每年每屆家長都會上網搜集資料, 信不信係由家長自行決定.  

努力

[ 本帖最後由 kc_01k 於 11-11-1 10:16 編輯 ]

melodyyy

GT 並不是只拔尖 唔補底, 佢都無精英班, 中學亦都無分, 又點會只注重拔尖, 好奇怪其他好多學校都有精英班, 又唔見d人講

我女個級有個聽障既學生, 如果學校真係咁功利既話, 根本唔需要收呢類學生

其實同大部份學校差不多, 好叻同好差既只佔小部份, 其他學生既程度都相差唔遠

還想補充幾句就係, d老師係非常好既, 而校長都只係cool左d, 其實個人都幾好既, 凡事唔好只看表面, 只聽片面之詞 !

[ 本帖最後由 melodyyy 於 11-11-1 09:55 編輯 ]

gegemok

其實我相信間間學校都各有長處,家長要做既係搵間最match你小朋友的學校...找學校係matching process. 個人覺得,除左學校理念外,最好係近屋企...小學生活實在不是輕鬆,忙功課又有課外活動....近D,小朋友可以多D時間休息~

另外,如我以上說話有得失之處,請GT家長見諒~

Naurto

GT 教得快, 小二上學期巳學完除數, 家長的 support 相對要多一點.

roccolamar

如果佢真係有聽障，你不如等佢小六無消失左先講。

原帖由 melodyyy 於 11-11-1 09:38 發表
GT 並不是只拔尖 唔補底, 佢都無精英班, 中學亦都無分, 又點會只注重拔尖, 好奇怪其他好多學校都有精英班, 又唔見d人講

我女個級有個聽障既學生, 如果學校真係咁功利既話, 根本唔需要收呢類學生

其實同大部份學 ...

dabbycheung

其實近呢一,兩年響BK, 實在有好多對GT好唔公平既留言。 但作為GT家長, 如果同學校講公道說話, 又會被某D會員形容為「保皇黨」！

所以近年我都好似其他GT家長咁，對所有有關GT既留言，都只睇唔回！