做錯了決定

dickychui

小女入了九真已二個月了, 當初自行都係(一)培道 (二)九真, 因為住油塘區, 結果入了九真, 小女要求叩門培道, 後來因為感覺上九真交通方便及英中, 培道曾校長在叩門時說過小女入讀了派入的中學後, 認識了新同學, 佢唔會再想轉校, 所佞我就瞞了小女培道叩門成功了. 可能佢在九真感到壓力大及班中同學負面情緒較多(因為好多學生是不喜歡九真,是家長喜歡), 後來我比佢知道左培道叩門收左佢, 佢有好唔開心, 因為我沒同佢講, 我都有d後悔, 所以我想等佢下星期考完uniform test 後再同佢商量一下再找培道曾校長, 因為我想佢讀一間佢開心的中學, 因為佢真係好鍾意培道校舍, 我唔想再因為大人的自私想法令佢六年中學生活唔開心. 我呢個爸爸真係失敗.

redkoni

原帖由 dickychui 於 11-10-31 00:47 發表
小女入了九真已二個月了, 當初自行都係(一)培道 (二)九真, 因為住油塘區, 結果入了九真, 小女要求叩門培道, 後來因為感覺上九真交通方便及英中, 培道曾校長在叩門時說過小女入讀了派入的中學後, 認識了新同學, 佢唔會再想轉校, 所佞我就瞞了小女培道叩門成功了. 可能佢在九真感到壓力大及班中同學負面情緒較多(因為好多學生是不喜歡九真,是家長喜歡), 後來我比佢知道左培道叩門收左佢, 佢有好唔開心, 因為我沒同佢講, 我都有d後悔, 所以我想等佢下星期考完uniform test 後再同佢商量一下再找培道曾校長, 因為我想佢讀一間佢開心的中學, 因為佢真係好鍾意培道校舍, 我唔想再因為大人的自私想法令佢六年中學生活唔開心. 我呢個爸爸真係失敗.

我並非睇完黎耀祥法證上身, 請勿介意!  只是不太明白你七月時, 都無話過培道叩門收咗, 仲話囡囡喜歡九真...???

原帖由 dickychui 於 11-7-8 01:04 發表

小女在自行選了(一) 培道 (二) 九真中,
九真中收了她, 她立刻要求到培道叩門,
我本人都認為佢比較適合培道, 培道比較
高透明度, 校長開明及有見地之人, 新校舍.
九真太保守,感覺上有完全不知道此校如何 ?
我個女比較活潑,數學超強,成績199人考
小六(一)56 (二)42 (三)52 (四)36名, 佢是
精英班的中間,今年佢全班派得十分好.
你認為培道及九真中較好 ?

原帖由 dickychui 於 11-7-9 00:40 發表

我一直以來只是 BUY 校長的SELL 學校一圈, 學校新及大, 學生乖, 今天到學校筆試, 我見到一個以前培道的上過台學生, 上台了很乖好會說話, 但在街上的她, 真是一般, 大不如前 ! 我只看真光校舍舊, 其實我女一D都唔介意, 只是私的問題, 我有小二女在民生幼稚園, 希望佢地一齊在延文禮士道上學, 想一想, 真光成績好, 校風好, 今日去培道筆試, 校長都話真光好過培道, 培道是比較自由, 真光比較嚴, 所以小女最後選真光. 今天致電給真光校長, 她認得我把聲, 叫我放心小女, 真光在自行一早已收左, 佢成績是 OK.

真係有啲一頭霧水, anyway, 祝你轉校成功吧!

dickychui

第一, 當時唔知道培道叩門收左佢.
第二, 我以為佢會因為培道沒收佢, 佢會忘記.
第三, 讀書私不是我, 而是我個女.
第四, 原來佢一直沒放下入培道一事
第五, 這是我的錯, 我唔可以比我自已再錯落去. 否則, 我個女會HATE 我一世.

lauerica

原帖由 redkoni 於 11-10-31 01:18 發表


我並非睇完黎耀祥法證上身, 請勿介意!  只是不太明白你七月時, 都無話過培道叩門收咗, 仲話囡囡喜歡九真...???





真係有啲一頭霧水,
anyway, 祝你轉校成功吧! ...

咁都比你搵到，勁！其實二間邊間學術水平好的？

[ 本帖最後由 lauerica 於 11-10-31 19:41 編輯 ]

redkoni

原帖由 lauerica 於 11-10-31 19:38 發表

咁都比你搵到，勁！其實二間邊間學術水平好的？

聽聞培道、九真近年都收了一些Maryknoll等名小學的遲起步學生, 底子是不錯的, 相信幾年後整體成績會更進一步.  目前則大家都差不多, 培道的新校舍確是很吸引, 如果一定要比較, 我反而覺得九真成績稍高多少, 至於負面情緒就不予置評, 起碼你同我而家講嘢都無負面情緒嘛, 我覺得都係睇自己的修為, 到底係邊個影響邊個, 有誰知?

BillyM

原帖由 dickychui 於 11-10-31 00:47 發表
小女入了九真已二個月了, 當初自行都係(一)培道 (二)九真, 因為住油塘區, 結果入了九真, 小女要求叩門培道, 後來因為感覺上九真交通方便及英中, 培道曾校長在叩門時說過小女入讀了派入的中學後, 認識了新同學, 佢唔 ...

錯誤已成, 樓主無謂太過自責, 初上中學未能適應是平常事, 未必一定是因為學校的原因, 樓主更應該幫女兒投入學校, 不要令她覺得自己的學校是次貨.

就算能轉培道, 又能保證比九真優勝百倍嗎? 要做好期望管理, 不然到頭來失望更大.

中學生涯剛剛開始, 前路漫漫, 繼續努力!

lauerica

原帖由 redkoni 於 11-10-31 21:02 發表


聽聞培道、九真近年都收了一些Maryknoll等名小學的遲起步學生, 底子是不錯的, 相信幾年後整體成績會更進一步.  目前則大家都差不多, 培道的新校舍確是很吸引, 如果一定要比較, 我反而覺得九真成績稍高多少, 至於負 ...

明日了，不過我識真光唔識培道，感覺上真光好的。

leeleelumlum

原帖由 dickychui 於 11-10-31 00:47 發表
後來因為感覺上九真交通方便及英中, 培道曾校長在叩門時說過小女入讀了派入的中學後, 認識了新同學, 佢唔 ...

九真是指九龍塘沙福道果間定係窩打老道果間呢?

Yanamami

窩打老道: 真光女書院屬油尖旺區英中
九龍塘真光里: 九真屬九龍城區中中

lauerica

邊間英中讀邊間。

霖霖B媽咪

原帖由 dickychui 於 11-10-31 01:46 發表
第一, 當時唔知道培道叩門收左佢.
第二, 我以為佢會因為培道沒收佢, 佢會忘記.
第三, 讀書私不是我, 而是我個女.
第四, 原來佢一直沒放下入培道一事
第五, 這是我的錯, 我唔可以比我自已再錯落去. 否則, 我個女會HA ...

好爸爸, 大人轉新工都要三個月試用期去適應新工吧, 初上中一, 無論老師, 同學, 環境, 課程, 都要從新適應, 與其懷念過去, 何不積極引導囡囡去接受現在所擁有的一切 ? 花, 不一定是人家的香, 要珍惜現在擁有的一切. 失去了才珍惜, 如果比你又左培道, 又發現一些與你期望有距的情形, 難道又再轉校 ?

你有否記得培道校長講過, 世上沒有一間完美既學校, 只有適合自己小朋友的學校呢 ? 而且你之前對培道都不太認同, 依家又再轉入去, 我怕到時會有另一個問題出現呵.

你已是一個好爸爸, 不要太怪責自己, 我老公對仔女學業上既野一概不理.....  你所講既負面思想, 間間學校都有, 問題不是學校, 而是社會風氣, 做家長, 不如努力去調教他們, 灌輸正面思想給他們, 可能來得更長遠及實際.

[ 本帖最後由 霖霖B媽咪 於 11-11-1 18:00 編輯 ]

fallenleaf

樓主心中好像有條刺，務必要除去。
但唔好將負面的東西全立晒上身就速速幫囡囡攪轉校，唔好讓小朋友覺得轉校就可以解決問題。邊個知道去到培道會無負面野呢！真係咁神奇。

sukkiu

個問係個囡一直想讀培道,既然兩間差別不大,應由個囡去選擇,重要俾佢知道培道收佢,佢心理自更不開心,不如俾佢試下考番培道,亦同佢分析,可能去到都有問題,到時,就不淮再講轉校,俾個機會,始終佢未試過,心中實有條刺,遇到不快事,又會攞出來講.

KK07

九真正逐步轉英中, 你女兒在此校讀下去, 考入大學的機會應較高.  其實你應教女兒看看現在手握有甚麼好,而不是老是掛念'失去'的, 那你的女兒會有更快樂的中學生活.

dickychui

其實小女未到小五在聖安當小學只考到70-90名 (200人), 但到了小五, 小六才大有進步 20-40名, 小四開始已經去培道開放日, 所以小女對曾校長印象甚深, 可能佢個心已經當自已是培道生, 曾校長真係非常親切, 小女喜歡是可以理解, 呢個校長真係好愛學生. 因為今日同佢通過電話, 佢都怕小女只是唔習慣九真才話轉校, 所以叫佢讀完中一先, 佢會優先給機會小女(如果佢到時仍然喜歡培道), 坦白講以我個女性格, 佢係唔會死心.

fallenleaf

原帖由 dickychui 於 11-11-3 00:10 發表
其實小女未到小五在聖安當小學只考到70-90名 (200人), 但到了小五, 小六才大有進步 20-40名, 小四開始已經去培道開放日, 所以小女對曾校長印象甚深, 可能佢個心已經當自已是培道生, 曾校長真係非常親切, 小女喜歡是 ...

希望囡囡化唔死心為動力，成績好就到時見校長都容易些。講開又講，未來呢一年，若小朋友發奮讀書，到時成績好，唔止培道，可能一些band 1中學都可以一試。
你可以參考下蔡盈盈當年點樣插班的方法。http://programme.rthk.org.hk/channel/radio/player_popup.php?pid=3173&eid=142800&d=2011-06-14&player=media&type=archive&channel=radio1

[ 本帖最後由 fallenleaf 於 11-11-3 00:52 編輯 ]

dickychui

最衰佢對培道情有獨鍾.
人在曹營心在漢
都叫我自已衰唔問過佢, 都要幫佢, 佢會怪我, 雖然佢沒出聲, 我個心都唔好過.

fallenleaf

原帖由 dickychui 於 11-11-3 01:23 發表
最衰佢對培道情有獨鍾.
人在曹營心在漢
都叫我自已衰唔問過佢, 都要幫佢, 佢會怪我, 雖然佢沒出聲, 我個心都唔好過.

唯有點番首歌比你聽，就係張國榮嘅有誰共鳴加沉默是金，双重意義！希望可以開解下你。
http://youtu.be/qR0cyp1zkmU