誠心請教：如小朋友受谷，是否應該揀傳統學校？

ahnew

受谷就要谷？諗極都唔明....
我小朋友有記性，好奇心重，算受教，老師覺得佢受谷，但慢熱，固執。
現時k2，想諗清楚應該一條心入傳統學校（老公想，仲要女校）定係直資+活動教學（如港同），因為目標唔同，呢年要做的事/舖的路都唔同....
有家長可以分享下點揀邊類型學校比小朋友嗎？我唔想考十間八間等有offer再根據名氣/所謂banding再揀。
謝謝！

talknwrite

與其說"谷", 不如說每天用多少時間去進行學習活動 (每天部她閱讀中英常識圖書, 與native speaker學聽說純正英語普通話, 學樂器, 學跳舞, 學繪畫, 學游水...) 做這些事算不算是"谷"

好多時唔係你想將來怎樣, 就怎樣去舖條路出來, 其實有成千上萬家長和你舖的路是差不多模樣, 目標也差不多, 你看傳統名女校是多少家長的目標, 你就會知道和你一起舖路的家長有多少, 加上環境變數太大, 除非你有必勝方程式, 最終你都係要報四五間學校等消息.

香港數以萬計的同齡兒童, 聰明受教的小朋友
數以千計, 怎樣在這數以千計能力差不多的小朋中擠進十多廿間名校中.

自然發展? 虎媽戰略? 中間偏左? 中間偏右?
你小朋友實際能力有多少, 外人無法知曉, 只有父母最清楚, 怕就怕在父母自己錯誤評估自己子女, 高估了或是低估了也不好.,

教育子女, 總不能有一個"一定", 谷不谷, 怎樣谷, 谷到那裡, 慢慢試探吧.

hialice

我覺得要睇下小朋友的性格, 太靜的小朋友去到活潑的學校可能是錯配, 活潑的小朋友去到傳統學校有機會被壓迫得不開心~ 不過個人覺得, (比較有名氣的)傳統學校在學業上/品行上真係有一定的保障。

pandabonita

谷傳統學校,應該5會咁易學壞,都係一個好處.

HaYi

我覺得其實是如此分

1. 偏向以學習量多, 相對傳統單向性為主,  學術要求高的學校  eg SFA, 油天..

2. 偏向以自我學習, 學術要求高的學校  eg  DBS, YW


3. 偏向以自我學習, 學術要求中高的學校  eg GT, Logos

4. 不首重成績, 以較多課外活動的.. hkuga, ec, 啟思,


如果受谷=聽教聽話,成績可以在重覆學習模式中提升的, , 考慮1 可能較合 .. 但有些小朋友做得多更心散, 比之前更不好, 要考慮另類方式.

莎莎莉莉

香港人, 成日只會往果十幾間的名校貼金, 覺得佢地一定係有乜乜物物做保障, 搞到D家長神經衰弱咁滯.

等下面試結果又話失眠.
揀學校明明遠, 都話因為某間多人爭D, 而寧願遠都要揀果間, 又製造另一個煩擾的機會, 仲要連累埋個小朋友一齊

在這裡, 見盡一眾panic的父母....
真係, 大家有無諗過, 你的壓力, 係自己攞來?

albb

非常同意

一D收到REJECT信又唔開心, 收到OFFER信既家長又話唔知點揀.... 小朋友根本唔知呢個遊戲係咩黎... 只係家長們令小朋友都有呢份無形壓力. 家長幫小朋友揀既心儀學校(大部份只係家長心儀)真係啱讀嗎? 呢個真係無人知囉. 小朋友條路咁長, 我覺得教好本質都幾重要, 雖然呢個我都係學習中.

Carelesswhisper

樓主, 恭喜你, 你小朋友"有記性，好奇心重，算受教", 即係學習能力強, 上天已經比左一個好好既禮物你!
好多熱門學校都競爭激烈, 你都係考多幾間, 收左再慢慢簡...
我既小朋友係讀"谷"既學校,過程係要付出, 但係慢慢我係見到成果, 小朋友亦會有自信同proud of 自己學校!
多做資料搜集, 找一間你認同既學校吧!  
Good luck!

Christi

我又覺得,受谷唔一定要去谷的學校.慢熱的人如果在傳統學校的教學裡,會不會變得越來越被動? 因為傳統學校本來就注重單向傳送.

kls12

原帖由 Charlotte_mom 於 11-10-28 10:24 發表
成日都話, 揀學校, 睇2樣野: 1.小朋友本質 2.父母期望

揀傳統, 如果佢係岩傳統, 當然係好事, 有D小朋友係鐘意人地幫佢安排學習流程, 樣樣有規有矩咁去FOLLOW, 有晒確實本標咁衝呀!!!!!!!!!但同時, 父母都要預左一齊 ...

這段話很有意思，非一般家長能寫得岀。
除了小朋友外，家長的看法及支援也要考慮。

七點半

Hello ahnew,

你有沒有請教老師, 到你幫小朋友選校或第二次見家長時你可再問一問老師, 看看老師觀察到什麼....

我讚成charlotte_mom講, 不論傳統及活動, 家長配合都是好重要, 活動學校, 有project, 傳統學校, 有功課...

正如有家長講, 不是你想向哪個方向行就可以, 港同似乎都唔易入....hehe...我覺得佢地要求不是一般要求, 不是你正正常常答就會有機會, 我覺得佢地好睇小朋友有沒有創意...charlotte_mom是不是呢?? hehe.....

如你有心儀學校, 你繼續向它前進吧...

我現在都在煩惱囝囝的選校問題, 因為他肯做功課, 但不能摧促...每天都不願起床, 所以我打算只選屋企附近的學校...有一些因素, 只有做家長才能觀察到...所以你現在搜集多些學校資料, 因應自己的能力及小朋友能力再選擇吧!!

原帖由 ahnew 於 11-10-27 19:22 發表
受谷就要谷？諗極都唔明....
我小朋友有記性，好奇心重，算受教，老師覺得佢受谷，但慢熱，固執。
現時k2，想諗清楚應該一條心入傳統學校（老公想，仲要女校）定係直資+活動教學（如港同），因為目標唔同，呢年要做的事/舖的路都唔同....
有家長 ...

七點半

所以我身邊的朋友fail的多過入到...hehe....我記得有朋友講interview時會叫小朋友畫畫, 然後問小朋友一些問題...我相信學校不是睇小朋友的畫畫工力, 而是看看小朋友想像到什麼...畫畫個個小朋友都會畫....到底學校要求是去到哪裡, 真的不知...hehe.....

原帖由 Charlotte_mom 於 11-10-28 11:33 發表
呢樣我有d讚成, 港同收生, 有時真係估佢唔到....

七點半

  

原帖由 Charlotte_mom 於 11-10-28 11:36 發表
另外提一提家長, 傳統學校又好, 活動教學又好, 每一間學校都係獨特的, 有自己既教學理念, 文化, 升中安排等
所謂"道不同不相為謀", 了解多d, 去晒簡介會inteview open day自己感受下, 自己唸過度過ok至好揀, 唔好為 ...

ahnew

衷心多謝各位的回應！一看再看，真的要好好消化再諗諗。

莎莎莉莉

原帖由 Charlotte_mom 於 11-10-28 11:36 發表
另外提一提家長, 傳統學校又好, 活動教學又好, 每一間學校都係獨特的, 有自己既教學理念, 文化, 升中安排等
所謂"道不同不相為謀", 了解多d, 去晒簡介會inteview open day自己感受下, 自己唸過度過ok至好揀, 唔好為 ...

對!

見到呢度, 太多只係一窩蜂式的報某些學校
人地話好, 自己又話好
但, 似乎對間學校根本唔多理解咁
到收到offer信都仲要問, 邊間好...
乜唔係一開始自己就心中有數既咩?
同埋, 人人都報果d, 係咪真係啱你的小朋友呢?