點解要咁?? 好矛盾.....

kklmml

每日上嚟都會見到啲POST問: 呢間學校IN時問咩, 嗰間問咩...啲媽媽要幫小朋友操定..
我就會唸~如果我自己教識哂仲駛咩比幾千蚊搵學校教, 但另一邊又唸~我唔預早教,到IN時你唔識又冇得返學.
仲要留意幾時報名, 幾時交FORM, 幾時INTERVIEW. 真係好大壓力, 點解唔可以好似外國咁分地區派學校咪幾好, 又公平, 又簡單.

shevachevy

明白樓主所言, 現時制度就係你唔緊張都會迫到你緊張, 點解拎將表格都要限時限刻?! 點解交表又係都要親身去?!點解要INTERVIEW(唔係有教無類?)  點解INTERVIEW又一定要一個時間, 唔黎當棄權?! INTERVIEW又要小朋友做呢樣果樣, 佢得1歲多D....

好多野都令我覺得呢個GAME 根本唔應該係佢地咁細個就要面對。但無辦法, 要比佢地O係香港讀書就無可避免都要面對而且要跟大隊行(跟幾多就因人而異)。作為家長我冇得唔跟呢D RULES 去玩, 但只可以同自己講, 唔好比咁大壓力小朋友, 大人自己承受。 呢個GAME 就係咁, 你唔會冇書讀, 問題係學習條路會點行, 家長O既每一個決定都會影響到小朋友。 希望可以比小朋友O係愉快學習O既環境中成長。

michelle2307

Actually, lots of mami are under pressure for looking for a school for their BB.  

However, if most of the people do like it, and i don't follow, i am afraid that my son in the future would blame me.

I am not sure if i am correct or not, just don't regret for what you have done.

IRK

Don't give too much pressure on yourself and your kids. For me last year, just treat it as a fun time with my kid ("play" toys with strangers). I never tell my kids that it's interview and never blame/appreciate him on his performance. Kids are very sensitive and they can feel mama's pressure even we try to pretend in front of them. Actually most N1 schools are not interview kids but the response of parents. Thus, relax! The result will be out of your expectation!!
P.S. We almost got all offers from applied schools finally and what I tried to do was only keeping my kid in good mood during interview.

coeychung0406

若要選擇在香港讀書;很無奈 大多數做家長的也要承受這些壓力 所以話做人父母甚艱難

bbbbu

Thanks IRK, I will not tell my BB about the interview, just treat it as a play time.

ta__ta

原帖由 kklmml 於 11-10-27 15:22 發表
每日上嚟都會見到啲POST問: 呢間學校IN時問咩, 嗰間問咩...啲媽媽要幫小朋友操定..
我就會唸~如果我自己教識哂仲駛咩比幾千蚊搵學校教, 但另一邊又唸~我唔預早教,到IN時你唔識又冇得返學.
仲要留意幾時報名, 幾時交F ...

你話外國好, 其實以我所知, 外國一樣咁大競爭, 一樣好難入到名校. 跟區分派學校, 好多父母為左小朋友可以入個間學校而搬屋 (同香港一樣). 名校個 waiting list 一樣係超長. 之不過, 外國人咁少好似香港人咁緊張小朋友學業和入邊間學校.

我覺得既然小朋友要係香港讀書, 就要跟返個規則. 香港人最鍾意跟風, 所以做所有野都一窩風. 有d學校話要有出世紙就報名, 個個乜唔理 (e.g. 間學校啱唔啱, 會唔會真係去讀) 就衝到去報.

面對咁既情況, 最緊要小心留意資料, 報多幾間幼稚園. 由屋村易入個d至出名個d都報, 咁至少可以有書讀先. 另外, 有d幼稚園只要個小朋友係佢地度讀左 x 咁多個月的 playgroup, 就實收佢. 咁你至少有一間你滿意的幼稚園的offer, 個心都定d先.

pandabonita

官津小學係分地區派位的,如樓主一心抽官津,5需要太煩kg既野.你去小一個邊睇下,讀村kg都可以考到好私立和直資小學.平常心就得ga la

littleape

Totally agree. If our children already know all the stuffs in the interview (matching color, shapes, singing…), why do they still need to go to school? I just don’t understand how can they expect a 1 year old kid to know so much stuff.

tsangnamnam

我上年都有哩個疑問, 咁啱去健康院時又問下姑娘, 其實哩個歲數佢地識啲咩.
咁佢話, 講單字, 堆高積木, 同公仔玩(扮餵食).
去健康院, 其實都係測試哩啲.

可能單靠睇樣, 同埋觀察行為太虛無, 又唔夠時間.
於是老師參考"哩個年齡識啲咩" 去設計面試.

漸漸地, 個個小朋友都俾家長喺屋企"培育左" 先去面試, 於是人人都識所有野, 老師又要再加啲加啲... 加到其實唔係天才/ 或者唔好彩真係唔識嘅題目都出現埋.

我就覺得如太深太奇怪, 咁小朋友唔識都唔使擔心. 唔好俾壓力自己, 小朋友中意唱歌, 同佢唱多啲歌, 面試有唱歌環節就有, 冇就冇. 唔使睇住天書練習嘅.

不過, 如果健康院姑娘話佢應該識嘅, 咁最好係同佢多啲玩下, 俾佢接觸下(如玩家家酒, 積木), 不為考試, 係為個小朋友本身.

四隻貓

我女四歲,兩年幾前都開始左呢個遊戲.仲好記得面試前緊張到失眠發惡夢, 之後一封又一封rejected 信, 果種心情真係好難受.

到今日細仔考幼稚園, 我已經輕鬆好多, 好多事情, 努力過就得啦, 好多野整定既, 雖然我好明白大家現在的心情, 但大家記住, 呢d都係一個好既經驗. 到幾年後考小學, 競爭會更大, 到時大家已經訓練有素, 情緒就唔會再被呢d野大量影響.

其實外國都一樣競爭激烈, 朋友住美國, 小朋友一樣3歲要去出名既幼稚園面試, 小一一樣爭崩頭. 大家有時間睇下套印度戲《作死不離 3兄弟》, 印度都一樣因為學位爭崩頭.

不過我亦有朋友堅持俾小朋友返愉快學習, 唔駛面試既幼稚園, 我朋友有佢自己既教育理想, 佢堅持到行自己既想法. 大家其實係有得選擇既.

Joiv

原帖由 kklmml 於 11-10-27 15:22 發表
每日上嚟都會見到啲POST問: 呢間學校IN時問咩, 嗰間問咩...啲媽媽要幫小朋友操定..
我就會唸~如果我自己教識哂仲駛咩比幾千蚊搵學校教, 但另一邊又唸~我唔預早教,到IN時你唔識又冇得返學.
仲要留意幾時報名, 幾時交F ...

你今日唔怕煩行多一步，你仔女日后就多個選擇。我都有朋友話：「我冇錢嫁，讀街坊幼稚園，再等大抽獎入資助小學，我地細個咪又係咁。」不過，社會一曰比一曰難撈，我地阿媽嗰個年代中學畢業就好威，今時今日PhD的多的是，當個個都係大學畢業時，老板一定會「問出處」，咁你話名氣大的中、小學出生著數，還是街坊小學好呢？？？

rchchan0505

昨晚看報紙，有幾單自殺新聞！唉！
現在社會壓力係越來越大，都好想個囡可以有好競爭力，不過諗真d，如果吾係要佢出類拔萃，做人中之鳳，只係想佢夠能力、搵到食、懂得如何做個快樂人，都吾需要樣樣perfect ga！我定左方向，就向目標行。不過，有時都想比個囡學呢樣學果樣！唉！

leungcnine

我都想阿囝讀得開心愛上學!
但如果開心定學得深學得多,
我會選擇後者,
唔係到升上小學會更吃力!!
因為而家個時世跟本就係咁...
搞到自己好緊張!!

kklmml

但如果開心定學得深學得多,
我會選擇後者,
唔係到升上小學會更吃力!!
因為而家個時世跟本就係咁...
??????????????????????
各有各唸法, 但如果有一日阿仔話阿媽我太大壓力, 而家時世咁多人跳樓, 我死咗就唔駛做功課.
咁你想個仔開心快樂簡簡單單做人or學得深學得多???

cy36baby

原帖由 kklmml 於 11-10-27 15:22 發表
每日上嚟都會見到啲POST問: 呢間學校IN時問咩, 嗰間問咩...啲媽媽要幫小朋友操定..
我就會唸~如果我自己教識哂仲駛咩比幾千蚊搵學校教, 但另一邊又唸~我唔預早教,到IN時你唔識又冇得返學.
仲要留意幾時報名, 幾時交F ...

首先要問點解要入熱門學校？求過供時便要有方法去選擇學生。所有學校都想收最好的小朋友。

rchchan0505

原帖由 kklmml 於 11-11-6 15:55 發表
但如果開心定學得深學得多,
我會選擇後者,
唔係到升上小學會更吃力!!
因為而家個時世跟本就係咁...
??????????????????????
各有各唸法, 但如果有一日阿仔話阿媽我太大壓力, 而家時世咁多人跳樓, 我死咗就唔駛做功 ...

"抗逆力"並非由成績得來的，而是由自我價值及形象得來的。而且，讀書叻吾一定靠死操/提早讀深人一班的課程，而是由自發力/興趣/耐力等。如果家長能給孩子健康自我價值及形象，保持良好親子關系，懂得化解孩子的困難，引發孩子興趣，我相信這個孩子讀書不會差。如果成長過程只有追功課，而其他範圍都被忽略，就有危機！
最近看了一本書，獲益良多：“孩子的路自己走”小麥子著
始終，是要父母“識做”，而還要不斷抗拒洪流，並不容易。我在學習中！

huisylvia

原帖由 rchchan0505 於 11-11-6 22:27 發表



"抗逆力"並非由成績得來的，而是由自我價值及形象得來的。而且，讀書叻吾一定靠死操/提早讀深人一班的課程，而是由自發力/興趣/耐力等。如果家長能給孩子健康自我價值及形象，保持良好親子關系，懂得化解孩子的困難，引發孩子 ...

真係好同意你既講法,有咩家長就有咩小朋友,想小朋友將來係個咩人,先做好自己,學校裡面咁多學生,佢顧到幾多個,幾有愛心都係盡力而為,父母至係最貼身既導師,榜樣
我仔3年前報N1只係報咗2-3間適合佢既就OK,今年同個女報咗4間,但間間都出現大批小朋友競爭,報學校,而家就係個個心態上怕俾其他人行慢一步,怕自己小朋友輸俾人,有理無理報成10間8間學校,手上持有幾間OFFER,小朋友得一個,到開學前至放返D位出黎,結果惡性循環之下,造成大人細佬都咁大壓力,何必呢?到底有幾間係適合自己個小朋友既呢?有幾間係你認同佢理念呢?唉....

torunpoland

我自己幫小朋友報幼兒園的心態係:

(a) 收, 我就讀
(b) 唔收, 咪唔讀

絕對不會因為有否學校收, 而影響自己對我作為人母, 及我對孩子能力的信心.

面對世界的荒謬, 父母唔夠信心, 好容易被人牽住鼻子走, 到時人云亦云, 假設有兩個offer在手時, 方寸大亂, 那就容易做錯決定, 或者根本唔知道自己做決定的根據.

以上說的是心態.

至於方法, 先搜收資料, 後分析, 權衡利弊輕重. 千萬別說自己不懂分析, 即使唔識都要學識, 如果唔係第時點教仔女?

矛盾的現象, 實在無話可說, 因為我們在香港.