K1 生活不如意

lamlam21775353

剛開學一個月有多了，近日發覺小朋友有點不想上學，在我想找出原因時，係某一天接放學，班主任向我說，你小朋友上課時很不專心，個個小朋友都識聽指示做，惟獨佢做不到，又成日坐唔定，老師教D字又成日唔記得，如果再係咁驚佢跟唔上......老師佢一條氣咁講，帶有一點埋怨語氣，老師好似已經冇耐性及標籤咗佢咁。又叫我搵醫生檢查，睇吓係咪有活躍症之類問題。但之前佢係學校教D字，初初佢好主動同我講，話今日學咗D咩字，同佢溫時，都冇問題。但老師就話佢一個字都唔識，答唔到，我真係好擔心。如果想做檢查，協康會 OK 嗎，我小朋友讀呢間幼稚園，都算係傳統有名幼稚園，需唔需要同佢轉校.....請幫幫忙，給點意見

無氣同你講

BB好可憐啊!!我覺得呢間幼稚園好差.....睇到我覺得有D心痛添 係我會幫BB轉校

renielo

去BK "特殊教育"果版有好多有用資訊

留意佢平時喺屋企同埋出街時嘅表現

佢喺學校坐唔定就會俾老師鬧, 跟住就唔鍾意個老師(佢都會知道老師唔鐘意佢), 可能會專登唔跟指示做同埋唔鍾意返學

你要問小朋友多d關於學校發生d嘢, 再比較吓老師嘅講法

如果最後仍然覺得老師無耐性及愛心教佢先轉校, 我諗係個別老師應付學生嘅處理手法問題, 同邊間學校關係唔大

[ 本帖最後由 renielo 於 11-10-20 09:57 編輯 ]

anteater

其實老師咁同你講,都係想你家校合作,佢叫小朋友做檢查,最重要係你覺唔覺得小朋友有活躍症之類問題呢?因為我都有類似問題,老師都講過那些說話,之後我同小朋友講好多學校的開心事,又同佢講MISS好錫佢,鼓勵佢多D,等佢有信心,同佢講多D課文內容,佢投入多了自然會專心D上堂,現在好好多,老師都話佢有進步,不過真係要跟緊D,好多野係相向,老師見到你合作,佢都會配合的

haydenden1023

坐唔定就要去check?
我個女都非常坐唔定, 咪一樣鐘意返學, 我一早同老師打定低(因為我女真係好百厭), 老師都好留意佢, 老師教完佢d野都唔識, 但係佢日日都好開心, 返到屋企日日唱新歌!
我意思係每個小朋友都唔同, 既然而家坐唔定, 老師唔洗勉強佢(只係k1), 我個女有個大姐姐坐佢隔離, 佢百厭老師就會叫個姐姐帶佢返埋位, 佢好聽大姐姐講(老師講比我聽, 刻意安排), o甘我個女就會聽話, 返左個幾月, 進步左好多(坐得定), 我覺得o甘樣做法係正面d, 所以我好推崇呢間學校!!

[ 本帖最後由 haydenden1023 於 11-10-20 11:59 編輯 ]

iambluecat

原帖由 lamlam21775353 於 11-10-20 01:50 發表
剛開學一個月有多了，近日發覺小朋友有點不想上學，在我想找出原因時，係某一天接放學，班主任向我說，你小朋友上課時很不專心，個個小朋友都識聽指示做，惟獨佢做不到，又成日坐唔定，老師教D字又成日唔記得，如果再係咁驚佢跟唔上..... ...

請問係唔係天主教學校黎?

lamlam21775353

好多謝各位回應，現在我已經安排小朋友下星期去檢查，到時先再諗下一步點行。其實結果係好與壞，我都想轉校，因為現時大家已失去互信，我想搵間自由度大d既學校比小朋友，希望佢可以開心上學

lamlam21775353

原帖由 iambluecat 於 11-10-20 13:21 發表


請問係唔係天主教學校黎?

MicFred

我聽到也替你及小朋友難過!
記得我替小兒報N班時, 有一間口碑好的學校, 話教曉小朋友好多野, 我先替他報playgroup發現他們硬要小朋友坐定定聽書, 我仔感興趣走到老師面前又俾老師話, 整個課堂必須聽指令, 叫坐才坐, 叫起身才起身, 不可隨意走動。 結果, 我放棄讀這間, 去了一間讓小朋友自由發揮的學校, 我仔現讀得很開心, 好鍾意返學。


可以話我聽係邊間嗎? 依家同個仔in緊KI, 我想這間學校都唔適合我個仔, 因我選校最重視老師對學生的關心。

littlebobo08

樓主, 我個女都係遇到類似既問題, 佢呢排又係話唔想返學.. 佢都係d坐唔定既細路, 但仲未收到老師投訴.. 但平時想興趣班, 十次有十次老師都話佢唔係幾專心, 同埋坐唔定, 又有時搶同學d野.. 我都開始有d煩惱, 都唔知係咪過度活躍同專注力不足.. 聽聞協康會幾好的, 我都打算同佢去check吓..

littlebobo08

樓主, 請問你小朋友係讀邊間幼稚園? 可以話比我知嗎?

orsiuping

我相信我們絕對會比老師更了解自己的孩子, 只是大家的溝通或對孩子一些行為理解上不同, 所以不一定孩子有甚麼特別及差異。  現在一般幼稚園老師都教務繁忙, 我小女以超細女之齡今年也是剛入讀K1, 也是中環一所有名的傳統天主教女子學校, 小女在過往國際kg上Playgroup及兩歲班, 老師皆十分喜愛她, 都說她斯文, 有禮, 同同學有同理心, 但是來到這間幼稚園後, 老師每週在手冊評語上, 總會在"守秩序"及"專心聽老師說話"上有意見, 但是, 我從未氣餒, 每天都聽聽小女說在校的情況。開學至今, 班主任和我也電訪了三次, 除其它事情外, 大家對"守秩序"及"專心"題目上之情況和定義也作出了溝通, 老師也了解了小女成長的背景和情況, 我再將事情向小女說明, 鼓勵她要配合老師對同學們之期望。 現在老師和我也開始更加愈來愈了解如何互相配合, 老師對我們有了更大信心, 也說小女愈見進步。我希望我的故事能帶給你一個正面的訊息, 不要輕易放棄一間好的學校, 既然我們為孩子千挑萬選了這間學校, 將我們孩子交托了她們, 我們必須信任她們, 也信任自己孩子的能力。 我亦知道老師們很擔心家長公事繁忙,或是對孩子太放任, 將教育責任完全交托在學校。  很多事情發生, 也許源於互相的誤解。 所以, 我們不一定待老師打來, 我們亦可主動找老師傾談, 或是讓老師知道我們就小孩的問題做了一些甚麼來協助她們。願天下媽咪互勉之, 讓我們小孩共成長。

alldaydreamer

呢個老師好唔掂喎, 點會用咁既態度架! 好似好冇耐性咁, 就算懷疑個小朋友有活躍症都可以從一個好D既方式表達同協助個小朋友, 比我都會轉校, 仲要投訴埋佢潻!可否分享下係邊間幼稚園? 放心啦, 而家你都搵緊協康幫個小朋友, 我相信係好既嘗試, 支持你!

原帖由 lamlam21775353 於 2011-10-20 01:50 AM 發表
剛開學一個月有多了，近日發覺小朋友有點不想上學，在我想找出原因時，係某一天接放學，班主任向我說，你小朋友上課時很不專心，個個小朋友都識聽指示做，惟獨佢做不到，又成日坐唔定，老師教D字又成日唔記得，如果再係咁驚佢跟唔上..... ...

orsiuping

我小女去年面試接近廿間全都有名的(主要港島區, 九龍只有協思,宣道和德望), 可以說除非你孩子是大仔大女, 或是家長係佢哋old boy, old girl, 他們收生可鬆一些, 否則最基本的是能坐定定, 聽到指令叫佢哋做d乜, 尤其愈是傳統有宗教背景的, 有幾間仲要是小孩自己入去in, 家長在外等。  所以, 你要就小孩的情況去決定揀選的kg。

littlebobo08

hello, 請問你囡囡是讀哪一間學校呢? 因為我個囡都成日坐唔定, 唔知而家呢間學校適唔適合佢...

原帖由 haydenden1023 於 11-10-20 11:47 發表
坐唔定就要去check?
我個女都非常坐唔定, 咪一樣鐘意返學, 我一早同老師打定低(因為我女真係好百厭), 老師都好留意佢, 老師教完佢d野都唔識, 但係佢日日都好開心, 返到屋企日日唱新歌!
我意思係每個小朋友都唔同, 既 ...

pandabonita

新環境令小朋友行為改變都5奇,試下問小朋友在學校發生乜事先,小朋友未必可以講到,所以要估下,eg老師好5好人,惡5惡,有冇鬧同學,有冇識新同學仔,etc,etc.知道原因後睇下補5補救到才決定下一步la.

EMS

我都有類似既情況,真係好無奈,打去同學校傾好想我做媽咪喺屋企可以點配合,話曬而家好多老師夜晚都有進修,兒童心理知識比我多,點知老師見我特登打嚟問,一嚟就以為我為個仔出頭,叫我唔好比壓力個小朋友仲假設性咁以為我盤問個仔令到個仔返學唔開心....天呀,聽到佢咁既答案我好失望