REJECTED 重災區+打氣區, Never give up!!

Chriz

爸媽們,請不要放棄,我的女兒也是個內儉,被動,膽小的小朋友,我也很擔心她連一間私小也考不到,她兩星期前才開始第一個面試,但今日竟收到救恩的收生信.老實說,各小學真是不能一時三刻就可以看清楚每個小朋友,學校決定收的不代表你的小朋友非常好,reject的亦不代表你的小朋友很差,所以大家要加油!

lalalambb

原帖由 wing 於 11-10-21 01:46 發表
我個女就係果D被動,怕醜既小朋友. 就算係學校都係咁, 老師話佢平時好小出聲, 唔主動同其他小朋友玩  其實佢係屋企唔係咁架, 好多野講, 好多意見, 好多表情...但一見人就變成另一個樣, 我都無晒佢辦法

呢個 ...

同你一樣,我已好努力去面對,但囡囡依然係唔主動,小岀聲,在家及平時就另一個樣,有時自己都好倦,想方棄..........

To_Ma

原帖由 sbobo 於 11-10-21 23:32 發表
今天我女兒收到第2封reject信, 個心有點兒失望..... 冇計啦, 我女兒是內斂觀察型, 在這個遊戲中一定是輸蝕。不過, 我覺得佢每次去面試都盡了力, 而且又勇敢左、進步左, 我已經覺得好感動了... ...

千萬要keep好封reject信，如果你真係非常鐘情間學校。一封信唔使很多位。

現瑎段係人求學校，到後期些學校陸續有位流出，可試再憑呢封信+求位信再接再厲，或者機會都細，但不try又怎知？

呢啲誠意信我知曾有成功case.

度峰山

你都好有道理，但問題係 waiting list 上既名單真係好長，雖然好多俊男已拍緊拖或結了婚，但始終有一大批未有著落既仍然好心儀呢位靚女，所以我地呢 d 連 waiting list 都未入過圍既仲應唔應該再試呢？

原帖由 cherithlai 於 11-10-21 11:34 發表
響waiting list既果班俊男，見呢個靚女放佢地響waiting list，可能佢地會轉移視線追其他靚女，甚至已經俾其他靚女睇中左，落左訂拍緊拖。到呢個靚女搵番waiting list既俊男時，人地已經名草有主，甚至結埋婚，就唔會吃回頭草。

咁 ...

tolulu

唉！又收多一封rejected letter.

無氣同你講

原帖由 tolulu 於 11-10-22 08:22 發表
唉！又收多一封rejected letter.

which school??????
加油!!!!加油!!!!

lalalambb

雖然未真正收信,但應該都唔得啦!
啟思:面見完人地有好多貼紙,呀囡冇!
王錦輝:冇下文!
真道2nd in唔出聲答人!
其它:依依哦哦!
點算,想鬧佢又唔得,好down!

gnit726

very sad 忍吾住要渲洩下，一直都以為自己個仔質素吾差，英數常識都吾錯，但已收到兩封reject 信，一間waiting list(係樓下直資學校，考既人數吾多)，對自己個仔既實力失晒信心，可能佢太被動同吾多鍾意采人有關，真後無命

doryee

人生是一場馬拉松，唔好因為一兩場比賽就洩氣，前面仲有更多挑戰，繼續為明天努力

jimling502

其實都好明白收reject 信唔代表仔差,我都自認為仔好good,但當聽到同班的同學仔,考一樣的學校,考邊間,中邊間,而自己卻收reject 信連waiting都冇時...,而果個同學並冇優過自己個仔時,..系最無法忍受.....,想忍住唔喊都難....淨想知怎解???

無氣同你講

原帖由 jimling502 於 11-10-22 14:32 發表
其實都好明白收reject 信唔代表仔差,我都自認為仔好good,但當聽到同班的同學仔,考一樣的學校,考邊間,中邊間,而自己卻收reject 信連waiting都冇時...,而果個同學並冇優過自己個仔時,..系最無法忍受.....,想忍住唔喊都 ...

我明白你既心情.....有時d野就係咁, 要夾天時, 地利, 人和...等等, 唉, 真係自己考好過, 我對自己有信心, 哈哈....

無氣同你講

例如, 我近來請人, 一共見左80個人, 第一班人, 我好有心機見, 每個都好認真去講解同問問題, 果10個人之中, 有一個幾鍾意, 於是第二班10個人已經冇咩心機見, 全部都會同之前個班比較, 然後第三班人已經叫助理去見, 有好先通知我. 到第四班就得閒先見, 基本上, 愈遲見已經愈冇希望, 除非真係極度出色, 這就是先入為主, 可能根本第一班並唔係最出色, 只係因為我個人既schedule已影响決定, 所以不成功千奇唔好睇低自己個仔, 成功真係要有好多因素架....互免之.....

JUNEYEUNG

今天收到REJECTED, 同亞仔講, 你唔可以同你朋友一間學校啦, (佢朋友大一年, 已P1), 因學校唔收你, 佢問我點解, 佢話果日佢好聽話, 所有問題都識回答, 佢好唔開心, 我都唔知點安慰佢, 唯有同佢講, 係學校走寶囉, 無左你一個咁乖學生

無氣同你講

原帖由 JUNEYEUNG 於 11-10-22 15:23 發表
今天收到REJECTED, 同亞仔講, 你唔可以同你朋友一間學校啦, (佢朋友大一年, 已P1), 因學校唔收你, 佢問我點解, 佢話果日佢好聽話, 所有問題都識回答, 佢好唔開心, 我都唔知點安慰佢, 唯有同佢講, 係學校走寶囉, 無左 ...

真係好殘忍, 唯有當比孩子早d學會接受失敗!

ElsaShum

Juneyeung,

希望在人間, 不要放棄.  

p2再插班.

Elsa

jimling502

無氣同你講 :
多謝你的分享!講出來好D啦!當唔知要同邊個講時,還好有bk這麼好的訴苦區,後面仲有幾間沒出,我一定會振作,希望在明天~~大家共勉~~

Bear2004

Juneyeung,

我睇到你既文章, 我都好心痛要個5歲的小孩面對如此殘忍的對侍!
不過你千萬唔好對你的小朋友失去信心, 我地作為父母要給他更多的支持同鼓勵.  希望在人間呀!

tolulu

係LHT

原帖由 無氣同你講 於 11-10-22 17:27 發表


which school??????
加油!!!!加油!!!!

tolulu

I same with you.

原帖由 jimling502 於 11-10-22 22:32 發表
其實都好明白收reject 信唔代表仔差,我都自認為仔好good,但當聽到同班的同學仔,考一樣的學校,考邊間,中邊間,而自己卻收reject 信連waiting都冇時...,而果個同學並冇優過自己個仔時,..系最無法忍受.....,想忍住唔喊都 ...