小五-成績 "差".

fmsin0504

我個女都已經小五啦!! 今年要呈分, 但佢一d都唔緊張, 成績唔洗講啦 "差". 平時都有補習, 放學後就係補習社做完功課先返企, 都已經8點几. check 完佢功課順便問下課文, 點知咩都唔識!! 試過用好多唔同方法 - 想佢投入讀書, 有興趣d, 但都係唔 work!!
  見佢又唔係愚, 但唔知點解,佢真冇心机讀書!! 好煩呀!!

yipcharie

我都明既,我女女都係唔多鍾意讀書, 明明同佢溫習左,但成績都係一般! 我明白每個父母都想"望子成龍" 但唔一定要係讀書方面囉, 發掘下佢係邊方面有興趣!
加油!!

SUSANNA

我女都係小五，依家佢地課程已很緊張，我覺得家長要睇情況比佢 hea 下斗下, 先再溫書,否則,佢會覺得讀書好煩,無心機,因為個個都迫佢,會有反效果.

walkinshopping

到了小五，是不能用迫功。有D小朋友真係你急佢吳急。如果你覺得佢真係不算愚蠢。用心理戰 ﹣ 可試吓同佢一齊分析一下，以佢的成績可以升上中學那一間，問佢鐘意邊間，告訴她實況，而家的成績只可以去這幾間較差的，沒得選擇。要去更好的，你說你可以和她一齊努力去面對，看看她能否有轉機。

smallfoothk

未遲的,可試看日劇"考試之神"講成績不理想考上心儀中學,要從精神,食物和成績三方面入手,希望幫到你.

lovelyTabo

想了解你既"差",係幾多分呢? 或者你係咪要求高左? 或有無了解份卷係咪好深,所以唔識?
至於, 你話日日去補習社到8點回家, 時間好長呀? 將心比己, 一早返學, 一直至8點, 回來仲要應付比你的"連環追問", 咁何來提起興趣去讀書呢?....希望唔好介意我咁講, 本身我囝今年亦係小五, 我的確非常緊張佢緊成績, 學期初英文小測只係啱啱合格, 靜心睇番份卷有兩part, 一part係課內的, 答對晒, 其餘係一篇閱讀理解, 由於有幾個生字唔識解....之後, 開始同溫多D生字, 盡量幫下佢

原帖由 yipcharie 於 11-10-18 16:05 發表
我都明既,我女女都係唔多鍾意讀書, 明明同佢溫習左,但成績都係一般! 我明白每個父母都想"望子成龍" 但唔一定要係讀書方面囉, 發掘下佢係邊方面有興趣!
加油!! ...

[ 本帖最後由 lovelyTabo 於 11-10-19 01:26 編輯 ]

Yanamami

講得o岩.  擺佢係補習社可能係家人無時間,理, 但假手於人又實在唔掂.  係補習社時間長但成效有幾高呢?  始終身為家長, 要好似lovelyTabo禁親自研究一下子女弱項再對症下葯才可以.  自己唔跟貼d, 補習社(不如叫睇住做功課社)點會同你肉緊呢?  升到乜中學都唔關佢事. 我見過有補習社, 一群學生在房內做功課, 吵吵鬧鬧, 有人真係做, 有人行來行去, 有人傾偈....明明一個鐘做完都變兩個鐘. 好難專心.

Wendy212

原帖由 walkinshopping 於 11-10-18 19:19 發表
到了小五，是不能用迫功。有D小朋友真係你急佢吳急。如果你覺得佢真係不算愚蠢。用心理戰 ﹣ 可試吓同佢一齊分析一下，以佢的成績可以升上中學那一間，問佢鐘意邊間，告訴她實況，而家的成績只可以去這幾間較差的，沒得選擇。要去 ...

當初我的做法同你一樣, 不過不是在小五開始, 是由小三已經開始同佢講. 結果小五小六這兩年真係成績唔錯, 因為佢會知道利害關係, 佢想讀好的中學就要付出, 如果派到理想中學.

CPLau129

係呀! 補習社太多人,就算1:4都係咁話. 做完功課都夠鐘走. 如果小朋友唔生性,坐唔定,游魂,玩...等,夠鐘都未做完要番屋企繼續就重死.

我仔今年小四,去咗補習社2年,佢唔鐘意架,話番到嚟冇時間玩,有時重要温默書測驗. 今年補習社要搬,同阿仔講好,如佢自動波做功課(唔識就等我放工先),就唔去補習社,否則...


真係好好彩,佢都做得到,不過父母真係辛苦好多.

yipcharie

真係睇到我一頭冒水, 原來你回覆係給作者,唔係我,haha

yipcharie

有時,唔係想假手於人,真係無大人可以睇住小朋友,而家又唔可以獨留子女係屋企, 補習中心都係唯一既辨法, 我女女都係補習中心,我當係託管咁,叫佢功課唔識唔好問補習老師,等我收工再幫佢對功課,咁起碼知佢識同唔識d咩

MonMonLam

原帖由 walkinshopping 於 11-10-18 19:19 發表
到了小五，是不能用迫功。有D小朋友真係你急佢吳急。如果你覺得佢真係不算愚蠢。用心理戰 ﹣ 可試吓同佢一齊分析一下，以佢的成績可以升上中學那一間，問佢鐘意邊間，告訴她實況，而家的成績只可以去這幾間較差的，沒得選擇。要去 ...

我同你做法差不多, 我仔小四開始補習, 佢成績不太差,
但係想佢入到 d 好些既中學, 初時佢唔係好想去補,
後來佢自己都認同, 補左係好 d, 再同佢選校, 問佢意見,
等佢知道邊 d 學校要收乜野 level, 佢想入自然會著緊 d.
到左下學期呈分, 佢考得唔好, 班主任好好, 好支持佢,
話今次全部人都考得麻麻, 下次可以追番 30 名....
原來真係可以追到架, 千萬唔好放棄, 你要支持佢呀,
但係支持唔等於比壓力佢呀, 加油呀!!!

hikozan

我阿仔都係你緊佢唔緊,做乜都勁hea,一日不知令我發幾多次脾氣,頂唔順比佢去補習社,都係補唔到手,無進步. 找人上門一對一,都係hea得就hea,因為佢知道快完成就有下一項續住(即使是休息過後)例如補充練習,溫書..... 但問佢好多野都唔識,又唔可以唔快手d溫下. 我同佢解釋無數次有關責任,後果,亦講上堂專心明白老師講乜就唔駛再補習,補充練習...但佢係闊佬懶理,我都無哂符.
我覺得佢係欠缺主動的動力,可能係我迫得佢太緊,更令話題多是功課書本野,我都唔想,但眼見成績有退無進,可以唔緊咩? 真係緊唔緊都c......help!!!

Master_Sam

有冇上過9形人格既堂? 之前用起商業管理果度, 管理唔同性格既員工, 我發覺用起細路都得.
好似4号人(我個女)的性格係好難迫佢快, 佢地係好HEA咁, 其實佢地係藝術家性格, 好飄逸, 要多少少時間俾佢READY, 激到嘔血.

smallfoothk

我試個一方法可有用,找人看文昌位及書卓坐向,令小朋友最好位置讀書

黃巴士

原帖由 hikozan 於 11-10-26 19:10 發表
我阿仔都係你緊佢唔緊,做乜都勁hea,一日不知令我發幾多次脾氣,頂唔順比佢去補習社,都係補唔到手,無進步. 找人上門一對一,都係hea得就hea,因為佢知道快完成就有下一項續住(即使是休息過後)例如補充練習,溫書..... 但 ...

多咀講句. 有無了解補習老師1對1時的老師質素.  補習老師點去教佢, 教佢咩科??
佢係唔明白而唔識, 定係無溫書而唔識!!
迫佢讀&佢自己讀係兩回事.

[ 本帖最後由 黃巴士 於 11-10-28 10:08 編輯 ]