好唔好比阿仔遲一年入幼兒園, 細仔變大仔?

BCoLick

我仔仔2010年10月出世, 如果讀下年N班, 咁佢會係細仔, 即到2012年9月入N班時先得1歲11個月大, 我老公話太細了, 想佢再遲一年先入N1, 到時會係2歲11個月大, 等佢ge各方面都發展多一D先讀書 (如身體發展, 腦部發展), 但我怕咁樣好似浪費左阿仔一年咁, 會唔會輸蝕呀? 我好亂呀, 大家可唔可以比D意見我呀?

D幼稚園/幼兒園又會唔會收咁樣遲一年先入學ge小朋友架?

hellovenus96

我都覺得遲咗d,所以寧願早一兩個月入

BCoLick

但兩歲都未夠就入學又好似真好好早wor....點算呀??

ta__ta

其實我會睇下小朋友的能力.
有D小朋友好叻, 發展好好, 咁足兩歲讀會唔洗哂成年時間. 如果真係跟唔上咪再讀多年 N 或 K1 班囉.

PS: 幼兒園要等小朋友足兩歲先比佢入學, 所以點都唔會兩歲都未夠就入學.

hellovenus96

我見bb都ready可以番學,依家準備入嬰園啦,好過喺屋企無所事事,我都認同要家長自己睇吓bb本身係咪適合番學

[ 本帖最後由 hellovenus96 於 11-10-11 12:05 編輯 ]

neko1234

未足2歲一定無得讀pn架..學校就算比位你..都要等你個仔到十月先可以入學..即係插班..

Ericang

我個細仔都係2010年12月出世,我會比佢做大仔,我記得我曾聽過一位教育學者建議,不要讓小朋友太早讀書,因為太小容易跟不上,最重要係打擊自信心,因其他小朋友個個做得到,自已卻做不到,所以我另願選做大仔,而且我覺得時間是不會浪費,人係不斷學習。

雯蚊媽

2歲8個月都可以讀K1啦．點解仲讀N班，

littlejimjim

其實小朋友做唔做大仔真係好睇佢個人發展, 我囝囝係0811的, 講野慢過人開始(2歲才開始說papa, mama). 不過, 佢2歲時, 我照俾佢返pn(求其一間pn), 之後知道佢學講野慢過人, 我就轉左去一間心儀pn度再讀多一年. 不過, 以前見佢返pn係一舊雲, 記中文生字又記唔到, 到現在repeat一間程度深的pn, 佢所有野都跟得好好, 又有自信, 仲好鍾意返學添. 但我識得一個朋友的囡囡, 佢囡囡同我仔同一個月出生, 佢個女就好叻, 所以我朋友就俾囡囡今年讀k1, so far, 都追到.

所以遲唔遲讀, 要睇小朋友的發展. 但如果你經濟許可和又有幼兒園收, 你可以2歲照俾佢讀, 再睇小朋友發展情況先再決定.

BCoLick

唔該晒大家呀.

cyan_yan

My boy is also a "small b", born in Dec 2010.  I would let him study playgroup/N, and be a "Big B" in K1.  It's because I was a "small B" when I was a kid and i think it really matters!

franng

我囡囡2010年9月出世. 本想直接比佢讀K1. 但我D朋友父母話好多幼稚園都會先留位比讀過N1 D 小朋友. 所以都叫我報下N1.
其實我都唔知點. 我係住沙田. 佢地話沙田D學校爆得好勁.
佢地都排到2百幾.

有無人可以解答下, 我係米唔好直接報K1?

lawmiki

我個女係0911細B, 諗住博吓阿哥讀緊K2既幼稚園掹車邊入K1. 點知MISS同我講今年超多人IN, 4千幾人IN 90個位. 根本唔會收細B.
上星期六去IN, 俾起大仔根本阿女就好唔得. 最後MISS問我不如轉N班, 因為N班位都緊張, 但我個女讀N班就係超大B, 阿哥又係到讀, 咁就大機會收. 我都唯有答應.
老師話現在比較出名的幼稚園, 根本唔會收細B, 因只係大B都多都選唔晒. 如果真係好想讀K1, 去D冇咁出名既幼稚園可以博吓.

LVictoria

我個仔都係10月出生! 我好開心當年同個仔做大仔呢個決定!!!!!

男仔比女仔所有的發展都慢d (如果你有睇男孩危機 就會好清楚!!) 當阿仔响班裡面同其他人比較之下.....一定會有好大差異!!
由其係當小朋友讀幼稚園時,年歲相差1個月的能力差異已經好大啦!!!

我亦响自己(曾經)教的班裡面發現,男仔做大仔時的能力,在班裡面只係緊緊可以同女仔平排咋!!!

想個仔自信心好d,定性d, 都係做大仔啦!!
到你小一面試時你就知自己幫個仔做大仔係明知的決定啦!!!!

[ 本帖最後由 LVictoria 於 11-10-18 04:59 編輯 ]

macvn123

我個女係0911,今年係細B,報左N班,2012年2月插班,但我打算repeat多一年N班,等佢做大B.

我見阿女發展比其他同齡既小朋友都慢,所以決定唔勉強做細B,但既然N班報了,又收左,咪俾佢讀半年先,好過起屋企冇野做(我有做野,俾婆婆帶,平時唔會返playgroup).

我諗樓主可以視乎自己既仔女發展而決定,冇話細B唔好,我記得讀書果陣,拎first hon畢業果位同學係12月出世,全班最細.

LittleButter

My son is 2010 Dec small b, my ideal plan is let him to apply some N1 class. If he will get any one N1 offer, let him to study K1 in this KG, and let him to be the next yr extra large b and apply another better KG (But, actually I think it's very difficult for him to get any N1 offer in this year!!)