今年升中..

貓咪館

今年升中的比率(升英中)比以往較差，若我冇計錯，只有40%度升同區好的英中，有否媽咪可俾多D資料?

BB2WONG

剛剛的1年好多之前派位好既小學，都派得好差。我自己有朋友係top既小學，考全級（200人）2x名，一樣要入中中（第3志願）有朋友油天精英班也一樣入中中。但你要知道他們6年小學生涯他們都讀到死死下，可以每天1x樣功課，一定要天天補習，學校會差不多全港既補充都買齊做晒，放長假要各科目做一本ex。考完試（6月後）一樣要返全日學日日學校補課。我自己希望小朋友開開心心讀小學，所以才選這家學校，不是說這家不行，而是在不太壓迫之下又能入到可以接受既中學，我就ok了。

我只知去年派位入到band 1 英中都好多，剩銀禧都13人（差不多佔1/3-1/4）而且其他派位亦都錯。  基本上 每年派位結果我自己覺得都唔錯，全級大約60-70人，考2x 亦可以派到band 1 英中算好好，就算中中都唔差，大不了入聖三一中學，雖然band 2尾-band 3，我見大仔既小學同學入左去，都話校風唔差，唔係我以前想像中既band 3 咁恐怖。

而且何為好的英中？ 唔好以為而家既band 1 同 band 3 差很多，這個band 真係只看成績，好似我大仔入既band 1 英中，d同學一樣一邊上堂，一邊用i-phone上住facebook，一樣有f.1仔就拍拖，一樣有人同老師在堂上argue，一樣有人在球場打波時講晒粗口，一有唔滿意上晒高登或fb 討論區羣起鬧阿sir或miss，而家既中學生都係咁，可以做的是自己在家中多多關心同管教，唔好旨意學校。而且中學去年換了新校長，就已經好多野同我本來想要既唔同晒，唔通轉校咩？

不好意思純粹我自己既意見。

貓咪館

謝謝你，BB2WONG! 我想問以你所說聖三一堂小學係一間不會太多壓迫的學校，那功課量和測驗是怎樣呢? 會否到BAND 1 的學校跟不上呢?

BB2WONG

咁我自己覺得同好多小學比，我地係輕鬆d。唔講學術既野，起碼唔會迫小朋友參加多樣比賽為校爭取業績先。但我大仔2009年畢業，佢當時真係好輕鬆，細仔而家小五，比大仔當年已經辛苦左好多，多左好多功課同TEST，但心想英小上英中到時就舒服d。 我大仔當年仲係中文教學，上到英中第1個月，（我地間中學已唔多功課）剩查字典都晚晚查到12點。上到中學好靠佢自己，上堂比心機D，識得利用時間，就好易應付。我大仔到而家仲係MON-SUN都有活動，都唔會欠功課同有時間溫TEST 或DICT。 我自己可能比較鬆懈，我兩個仔小學都完全唔補習，參加既活動都係SPORTS或玩既野，完全對學術無關，我希望佢地唔討厭讀書，上到中學就靠佢地自己，TOUCH WOOD 我大仔上到中學，往往係我叫佢唔好讀去瞓覺先，但佢通常都唔聽我講。