有無報2012K1的細B呀?

hobby

原帖由 RAY媽 於 11-9-25 17:27 發表
大家好!

我阿仔都係11月中的細b，將插班於2012讀N班。  希望佢中意返學啦!!

上來BK, 才發現小朋友的發展真的可以相差很遠, 好多小朋友好叻呀!!!!!

細仔是否真要REPEAT K1 才可以有機會選好學校? ...

我覺得其實repeat都係for考famous kg only, 但一間學校學唔好或者係唔係真係suitable for 我哋個小朋友呢? 咁又唔係一定.

如果有得選擇, 我會跟番小朋友進度, 囡囡係細b, 我都唔會要一間好深的kg, 反而想要一間老師可以俾多啲小朋友, 咁囡囡返得開心, 自然會學得好, 不過, 如果將來想考私小, 可能真係repeat 一間有名的kg好啲

如果係我個case, 我相信會係因為囡囡跟唔上先repeat, 可能我哋要求唔高, 一齊努力!!

hobby

我教幼稚園的朋友講過, 浸幼係間好好的學校, 不過學費比較貴, 佢唔同傳統kg, 佢唔pushing, 可能好多家長都接受唔到, 但老師好有愛心, 有耐性引導小朋友思考學習, 如果家長真係覺得淺, 又怕跟唔到小一, 其實可以自己係屋企再教, 俾少少exercise小朋友做, especially english; 至於interview, 都係睇家長多啲, 有心就要俾啲心機prepare

我見啲教書朋友, 睇學校真係同我呢啲外行人唔係好同, 佢哋其本上都唔recommend我哋覺得係名校的學校, 佢哋會睇返老師有冇愛心, 一定唔要程度深, 但要小朋友返得開心, 愉快學習為主的

hobby

原帖由 natabie 於 11-9-24 21:47 發表


IC, 唔該晒!上年IN NURSERY 都有一間係咁形式,阿囡都OK,希望今次都得啦,我期望都不大,只係叫做試過,唔係自動放棄!

你囡囡好叻la, 我估到時我一定唔可以係現場, otherwise, 我個妹實唔係自己入課室

celinelui

依經習慣啦！仲好鍾意返學。

每日返嚟都話比我知老師教佢啲乜！
同小朋友玩乜等

係啊細囡到時in聖心已經返咗一排應該會好啲！返咗學差好遠㗎。

St. Clara報都無防啊！
佢哋12／11，26／11interview啊！
6-8／10交表

janettsui

咁快已經習慣, 仲可以講番學左D咩你知, 叻女!!

除左聖心, 我報好多間都係11月就in, 我囡囡果陣都仲未返學, 希望佢唔好太怕生我已經好開心~

決定左會報埋St Clare, 但我救恩揀左26/11in, 怕會撞時間, 睇尼我要6號一早去交表, 希望可以in12/11

sochi81

原帖由 hobby 於 11-9-26 09:32 發表
我教幼稚園的朋友講過, 浸幼係間好好的學校, 不過學費比較貴, 佢唔同傳統kg, 佢唔pushing, 可能好多家長都接受唔到, 但老師好有愛心, 有耐性引導小朋友思考學習, 如果家長真係覺得淺, 又怕跟唔到小一, 其實可以自己 ...

你朋友說的，就是吸引到我去報的原因。
我都知道浸幼是interview家長，看過網上有些分享
謝謝你的提醒

我都有同朋友傾，大家的選擇各有不同，
有的希望找到語文訓練好的、有的想揀有直升的，
點都唔緊要，最緊要合適小朋友的性格及專長
而辦學的理念同家長如果配合到，就最好
希望大家都順利找到好學校啦~~

celinelui

我都係諗住St Clara要12／11 in!
所以都要6／10交表！

我無乜報其他學校啦！淨係真光，加埋St Clara 同聖心，應該3間夠了！

如無間收，就留番係wisely 讀啦！又近屋企！其實wisely都好好，老師又有愛心，只是無小學back up 0者！家姐上年係度都學咗好多嘢！家姐到依家仲好掛住啲老師，成日提起佢哋。

望家姐讀到小學，幫亞妹有多20分入小學啦！

natabie

原帖由 hobby 於 11-9-26 09:22 發表


我覺得其實repeat都係for考famous kg only, 但一間學校學唔好或者係唔係真係suitable for 我哋個小朋友呢? 咁又唔係一定.

如果有得選擇, 我會跟番小朋友進度, 囡囡係細b, 我都唔會要一間好深的kg, 反而想要一間 ...

同意,我就唔想為讀出名的幼稚園而要囡囡REPEAT,為左咁有D唔值,自覺囡囡都OK,會跟到大D小朋友的進度,唔想為入"名校"而等多年做超大B,而且有時諗,就算有人等多年做超大B,入到名幼稚園,都未必入到名小學架...

natabie

原帖由 celinelui 於 11-9-27 00:00 發表
我都係諗住St Clara要12／11 in!
所以都要6／10交表！

我無乜報其他學校啦！淨係真光，加埋St Clara 同聖心，應該3間夠了！

如無間收，就留番係wisely 讀啦！又近屋企！其實wisely都好好，老師又有愛心，只是無小學back up 0者！家姐上年係 ...

家姐入到好的資助/官立小學,妹妹係必收的! 有姐姐開好左個頭,妹妹可以定D! 我家B女都就快做姐姐,所以都想佢第時考到間好的學校,帶HIN細B!

janettsui

我睇返舊年d人話St Clare in既時間唔關交表既時間事, 唔係話早交就早in, 要睇下好唔好彩喇!

我已經報左幾間, 不過聽你講偉思好好, 咁我又會報少1間, 咩都唔收就讀番偉思

如果有家姐果20分, 妹妹就唔駛煩lu

celinelui

係啊，如果26號就弊啦
家姐學校有親子旅行，萬一比26，唯有問下可否安排12號啦

janettsui

希望大家都可以in 12/11啦~

natabie

Hello, 由於近期工作忙碌,少了上BK,媽媽們的報名進度如何呢?囡囡明天會IN第1間KG,九龍塘啟思,希望一切順利啦,IN完再同大家SHARE! GOOD LUCK TO OUR SMALL Bs!

janettsui

GOOD LUCK!

natabie

昨日IN啟思,我估佢係同其他細B一齊被分開IN的,因為我見同房仲有其他細B,小朋友同家長一齊在課室玩玩具,WARM UP一陣,有老師來同小朋友傾計,問佢名,邊個同佢黎架,跟住叫佢做D指令,放D不同形狀物品入盒,比本書仔佢叫佢翻開,問下佢書入面D圖畫係咩,跟住同家長傾,平時邊個照顧,小朋友識唔識自己食野、介片未
阿囡好似平時見到陌生人咁,好緊張,唔肯開口答老師,但老師叫的指令就肯做,係最後走果時,老師送貼紙比佢先肯說"老師BYE BYE",真係比佢澈C....... (不如下次IN我帶定D貼紙去,佢答老師問題,我即刻比1張佢!!!)
老師都話佢機會微,因為3日INTERVIEW,每天IN 千幾個小朋友,我個囡又慢熱唔開口,問我會唔會考慮今年改報佢地N班,比佢出年做大囡,機會大好多.......但我都好老實答不會報N班,一來本身都已報左N班,2來我知阿囡平時表現同面唔一樣,我覺得佢OK的!
今次INTERVIEW打定輸數,未知下次娥時IN,希望下次有奇蹟發生,阿囡肯開金口啦!

sochi81

HI,natabie,我都帶左阿仔去見藍田啟思，詳情打左入BLOG，可以SHARE下
http://hk.myblog.yahoo.com/jw!ve ... rev=-1&next=938

:) 不過都係沒有機會，同你的經驗相近。不過你阿女好好多，識講多d野~

natabie

我地尋日IN九龍塘啟思,過程同你大致一樣,你仔仔係日本人?個名好得意!下次你地IN邊間呀?努力加油!!!我地等緊ST CAT的FORM,除此都應該不會再報了...

sochi81

HI NATABIE~阿仔不是日本人，不過好多人都問...其實係中國古字~但將個名發揚光大又真係因為渡邊淳一
ST.CAT我都有拎FORM，不過那時未係太了解，聽同事講而便拎左先。昨天收到FORM，INTERVIEW要平日好早，盡量會去見識下。同事的女兒修讀中，學校的語文好厲害，其實不合阿仔，阿仔明顯能力不在這方面，所以對佢會有壓力。
但如果小朋友受到學校的模式，而家長又MATCH到，學生又真係SMART。我同事個女就係。同事提話家長好勤力陪溫書，因為k2的識字咭都好深呀

natabie

阿囡語文方面都OK,肯坐得定學野,英文生字好快學識,但面對咁多大B競爭,信心不大,除非真係比佢做大大B,遲1年先考,但我又唔想為左入某間學校等多1年.......
你不會比仔仔讀N班嗎?點解嘅?讀左好似易D適應KG

sochi81

我唔考慮N班係我覺得沒有必要太早入學，適應其實N班佢都要適應，只係早一年定遲一年適應，我覺得差不遠。因為讀書條路好長呢，遲一年我接受。同埋在家佢有弟弟陪佢，都唔會太悶，都OK。