兒童小提琴訓練活動

Poohyau

請問有沒有家長參加過約克的小提琴班?老師是否教得好? 可否分享一下,謝謝.

aw421

一般啦, 幾個教一個, 私教好D

Poohyau

謝謝你的回覆

我已查詢過栢斯琴行,要五歲才可以學,所以唯有在這裏學,明年才轉私教吧.

Carman1112

我囡囡學過2期, 我覺得好唔掂, 而家係出面學, 好好多.

Poohyau

你好,請問妳囡囡是否在琴行學?
我問了幾間都說五歲起才可以學.

MALTESE2000

請問邊方面 "唔掂" 呀，我呀仔都係學校學，我覺得教得幾好喎！

MALTESE2000

我呀仔係暑假先開始學，可能日日學，見到好大進步，我可以講係 "滿意" O既，由9月起就逢 SAT 先學！

Carman1112

小朋友既基本功未學好, 老師就 push 佢地要拉歌, 我見真係有小朋友拉到, 家長一家覺得好開心, 但係咁樣對佢地將來有無問題呢? 我自己唔識拉, 都覺得囡囡 d 姿勢有問題, 我同老師傾過, 佢俾我既答案係同班小朋友都拉到, 所以我要同囡囡係屋企練多 d, 等佢都拉到, 我問老師知不知道同班每個小朋友既年齡, 佢話唔知 (果一刻我好驚奇佢會唔知 d 學生有多大), 我同佢講, 我果個係12月細b, 我見其他小朋友都好似比佢大好多, 如果係咁, 我唔介意佢比其他小朋友學得慢, 因為差一年或者差幾個月既小朋友既學習同吸收能力會有好大既差別, 如果佢覺得小朋友識拉歌就可以同學校或者父母交差, 我好唔贊同, 最後老師同意減慢小女兒既學習進度.

但係我都覺得佢既姿勢好有問題, 最後我搵老師試堂, 老師一睇就話佢既姿勢好錯, 如果要學既最好由頭學起, 當時我囡囡已經係 york 學左10幾堂, 雖則可以勉強拉到一首歌, 但係如果小朋友有心係小提琴這方面發展, 我認為一定要打好基本功先, 唔好急功近利.

最好笑是我同老師講唔再學既時候, 佢竟然話可以將我既囡編去細 b 班, 果 d 小朋友會同我囡囡既進度差不多, 但係佢地又知不知道, 我囡囡因為過去既10幾堂, 見到其他小朋友拉得比佢好好多, 佢好唔開心, 覺得自己好差, 打擊了佢既自信心呢? 我心諗係唔應該係一開始就將差不多年紀既小朋友分開唔同班呢?

以上純粹個人分享, 不喜勿插.

Carman1112

我找私人老師單對單的, 很多單對單既老師, 都會接受3歲既小朋友上堂.

萬樂豬

請問你地係咪參加個多元智能班架 ??? 定係本身都包埋架 ??

loloyen

呢個係另一樣嘢嚟,係興趣班,唔算係學校既活動,自願性質,即係好似你出去其他地方搵興趣班比小朋友上咁不過現在係會係學校校舍上,教既老師都唔係york既老師!多數會係星期六上堂既!

loloyen

我阿仔之前學咗一期鋼琴班,我個老師又好ok喎,會由基本功上,一定要認熟晒啲音位,手指又要執得靚,各樣我都好滿意,現在都直接1對1去呢個老師琴室上堂,可能各個老師唔同,睇下運氣啦!

Poohyau

對呀, 只是興趣班,最重要是不要打擊小朋友的自信心.

yukisomiss

我個女k1開始學....學到k1暑假停左.....跟住...出去琴行學....佢都係單對單....好多話5歲先收....但我亞女差唔多4歲俾佢報...佢又俾我地報啊....所以係琴行學埋鋼琴....依家女女都有板有眼啊!

kiukiu1010

各位家長可唔可以俾d1對1私教既資料我呢?
我囡囡剛滿3歲,想搵鋼琴或小提琴俾佢學.
thanks

loveyoubabe

原帖由 Carman1112 於 11-9-28 15:29 發表
小朋友既基本功未學好, 老師就 push 佢地要拉歌, 我見真係有小朋友拉到, 家長一家覺得好開心, 但係咁樣對佢地將來有無問題呢? 我自己唔識拉, 都覺得囡囡 d 姿勢有問題, 我同老師傾過, 佢俾我既答案係同班小朋友都拉 ...

下? 我兩個仔女都o係york學violin, 我覺得佢地學得幾好，堂堂都好開心, 其實參加班際我就預左比起一對一冇學得咁多,我同老公置在俾佢地接觸下呢樣野, 學d歌仔培養下興趣,感染下氣氛，我都有同d老師助教傾過計, 我都明白佢地老師未必完全能夠迎合個個家長要求, 畢竟係集體班,當有學生學得比較快, 個老師又唔可以就晒教咁快, 有學生學得較慢,個老師亦唔可以教得太慢, 呢個就係集體的缺點，老師要拎個平衡,老師唔知你個女幾歲咩月份好正常,我相信平日一至五日日番學對住佢地的班主任也未必記得晒所有學生係大仔細仔/幾月出世, 所以我覺得要認真學私人係最好的選擇