我最唔滿意個校長,我小朋友讀緊佢PN, 成日都講錢,
"月頭要交學費,戶口要有錢.."
"校服轉左換,唔好要朋友比果D,要買新"
(咁K2,3都係著返舊年果D架啦, 唔通又唔比人著咩?)
到學期完,學校會有本成長冊比返學生,係記錄佢呢一年返學O既點滴, 講到呢到, 校長又話:
"拿,呢本成長冊係小朋友一定要響我地學校讀哂成個學年先會有架, 例如7月返得半個月就放暑假, 有D家長就話唔讀7月啦,要提早退學, 咁就唔會有成長冊派比你"
(嘩...洗唔洗呀? 呢D對小朋友對家長都係重要紀念, 學校都無用架啦, 成年咁耐都同小朋友紀錄唔少, 但你讀少一個月, 學校掉左佢都唔益你...)
而我最最唔滿意就係, 小朋友放學, 老師拖住小朋友出黎, 咁都會同家長講下小朋友今日情況, 但呢個時候個校長就會行埋黎, 隻手半PUST你走咁話,
"好啦,好啦,入面仲有其他小朋友上緊堂, 唔好講咁多啦, BYEBYE啦BYEBYE啦."
(我當時真係有D嬲, 有無攪錯呀, 小朋友咁細, 我將佢交比你, 到放學你約略講下佢今日返成點, 好過份咩?? 我又唔係係咁問野, 都係交低一兩句說話, 你趕我走??)
其實我真係覺得呢個校長同學校都好一般, 一D都唔體諒D小朋友同家長, 成日都好衝忙咁, 返學一行到去就捉你個小朋友入去, 都比唔時間人講BYEBYE, 放學又係咁,, 而家好趕咩?
兼顧唔到就唔好收咁多學生啦, PN收成二百幾人, 一班有30個, 3個老師, 咁個個都咁細, 根本就睇唔住,,, 我知PN最賺錢, 但都唔好太過份丫... |
發表於 11-9-16 02:13
