有無家長收到取錄信呀 ?

chanwendy

原帖由 JANETTEERIC 於 11-11-9 13:48 發表
其實幾號到有信呢? 又心急又緊張, 想快d知結果。 btw, 我見佢申請地借用九江商會校址用, 你地知唔知發生咩事?

地方唔夠用, 所以要借用埋九江囉.

當日咪派咗個袋既, 裡面有張綠色紙講咗兩個星期有結果, 註冊日係 NOV 21-25 OR 26. 即係可以等埋自行結果先.

[ 本帖最後由 chanwendy 於 11-11-9 14:24 編輯 ]

chanwendy

哈哈, 其實我都每日好緊張咁 check 信箱.  我女一見完就話唔開心, 驚唔收喎, 我見完老師都有同老師講亞女唔開心, 老師都有安慰佢話唔會因為一題唔識就唔收架咁. 亞女真係好鍾意呢間學校.

chanwendy

原帖由 gigiic 於 11-11-9 18:22 發表
因為發生咗某啲問題, 如果真係收阿仔, 我會覺得係奇蹟...

發生咗咩事呀?

chanwendy

你地咁講, 我反而更加想知係咩事喎. 其實見家長時, 我女初初都坐得定, 到後半時就開始郁喇, 又成日摸我, 又搞頭髮, 我都冇諗過老師會唔會覺得佢係坐唔定呢.  亞女覺得考得唔好驚唔收, 老師有安慰佢話佢好有耐性好乖, 但唔知係真係咁覺得定係為咗想佢唔好再唔開心先咁講.  你地講緊的係咪都係近似情況咋.

chanwendy

點解會DELAY 架, 原先仲諗住今個星期有結果, 如果成功就慳返半日假唔洗去津校註冊添, 即係而家又要請假啦.  好想快啲有結果呀.

chanwendy

原帖由 Avis@amy 於 11-11-15 12:34 發表
你有幾多分在手呀?? 咁有信心一定得..

我20 分, 不過我抽返自己母校, 唔算區內最多人爭的, 以往20 分都十拿九穩的, 希望今年都係啦.

chanwendy

原帖由 JANETTEERIC 於 11-11-15 13:36 發表
啱啱收到信... 得左呀!
祝大家成功!

唉吔衰鬼, 你搞到我好緊張呀, 好心急想早啲返去睇信箱呀, 希望我都收到好消息啦.

chanwendy

原帖由 Avis@amy 於 11-11-15 14:41 發表
恭喜你呀
哎呀, 我個心突然之間係咁跳, 好心急呀....好想快D放工返屋企呀

ME TOO, 心跳好快, 又集中唔到精神, 好心急呀, 想即刻返屋企呀.

chanwendy

我都收到取錄信喇, 好開心呀.  我打算 26/11 先去註冊, 唔洗專登請假.

chanwendy

八卦一問, 你地有冇其他學校在手架, 或者有幾多人會睇埋自行先決定架.

chanwendy

原帖由 Maggie111 於 11-11-16 13:18 發表
係呀！見到個個都成功，淨係兩班小一點解會收咁多人嘅？

嶺小冇中學 back up, 我諗好多人有龍校收都會 give up.  之前問過校方未有打算辦中學, 如果要辦中學, 申請加籌辦都要幾年啦, 如果而家都唔入紙, 我地小朋友六年後就要玩多次呢個遊戲了.

chanwendy

我住黃大仙, 仲諗緊自己接定坐校車, 亞女叫我朝朝送佢返學.

btw, 頭先又去學校網頁睇吓, 原來 lunch 得 35min 咋, 好趕喎.  我女十餐飯, 得三餐係勉強可以半個鐘內食完咋, 其餘至少要 45min, 咁到時點算好呢?

chanwendy

原帖由 Avis@amy 於 11-11-16 15:39 發表
我住葵盛, 希望有校車啦...可以方便d

其實我仔仔都係食好慢, 都有擔心佢將來食lunch點算, 不過我又覺得呢d野係迫出來o既, 將來唔夠時間食, 佢就一定會迫住食快d, 加上全班同學都食得快時, 佢一定唔會慢架啦...放心 ...

仔可能好啲, 我女由 k2 開始比老師話佢做嘢慢, 到而家 k3 都仲係比老師話佢最慢.  上年老師直情同我講亞女的慢搞到佢地好有壓力添呀, 因為亞女坐校車, 要抄好晒功課的詞語先可以放學.  佢寫得慢, 一邊要催佢, 另一邊校車又催老師.  我都期望佢嚟緊半年可以再加快手腳.

chanwendy

你地可以去學校網頁睇吓, 會搵到校車路線個 list & price.  不過冇上落車時間參考.

chanwendy

上次開放日, 如果我冇聽錯, 校長好似話會整條通道通過去.  其實如果可以將九江拆咗原地重建就仲好.

chanwendy

原帖由 ricebb 於 11-11-16 22:07 發表


大家會共同努力6年呀!! 到時梗要互相幫助啦! ^^

其實揀得嶺小, 都應該唔係只重成績既媽媽, 大家齊齊努力啦~

之前有家長講過佢中英文都深架, 而且英文係用新加坡書, 應該會比一般本地同級深啲.  不過佢冇名次, 少咗同人比較, 壓力自然會冇咁大.  但又調返轉, 冇排名次, 唔知對將來考中學有冇影響.

chanwendy

我都會照睇自行結果, 但應該唔會去註冊的, 只係想知 20 分係咪收硬啫.  我自行的學校其實都好好, 全級仲有一班全英文班, 都幾吸引, 加上又近屋企, 不過係普教中, 又要去開學前先知有冇得讀英文班.  自行嗰間有自己中學, 不過只係 band 2, 都未必會讀.  既然讀邊間都係要再玩升中遊戲的話, 我會選嶺小, 因為佢係廣東話教中文, 另加普通話堂.  而家真係冇乜幾多間學校仲肯用母語教中文的.

chanwendy

普教中唔一定可以我手寫我口的, 普通話一樣有口語架.  我本人覺得作為香港人, 一定要學好廣東話, 有人覺得小朋友在家日日都講廣東話點會唔識講呢.  但我的著眼點唔係要識講, 而係要講好, 即係唔可以有懶音, 我更加唔希望我小朋友睇隻字, 只識讀普通話, 唔識讀廣東話. 嶺小都好似有教唐詩的, 唐詩係大部份要廣東話讀先啱數的.  

而且個人覺普通話難學, 識睇拼音就一定查到點讀, 當然俚語另計.  所以我覺得另外上普通話先係正統教法.  中文堂真係應該用返母語.  要真正寫口文章係靠多閱讀多寫, 唔係單單靠我手寫我口.

chanwendy

原帖由 ricebb 於 11-11-17 16:04 發表


我估內部有名次既, 只係唔公開啫, 目的係唔想小朋友有壓力. 我同事個女讀中學, 原來都無排名次, 只係全級最頭同最尾個堆先有. 連中學都係咁, 我唸可能對小朋友真係會好D, 大家唔駛成日比較, 當對方競爭對手, 好傷 ...

內部當然有名次啦, 但係考中學時冇得比人睇嘛.  好似有啲學校講到要考全級幾多名之類, 咁咪可能麻煩啲囉.

chanwendy

原帖由 Avis@amy 於 11-11-18 01:21 發表


確實係針無兩頭利, 我有個朋友的小朋友見到個字唔識讀, 一定要有拼音先識讀個字

如果普教中都搞到個小朋友望住字都讀唔出, 除非第一次見例外, 否則更加證明普教中係好失敗, 至少都嗰位小朋友係失敗.

[ 本帖最後由 chanwendy 於 11-11-18 10:51 編輯 ]