關於咬人

sweetwai

呀仔而家2歲5個月....由2歲2個月開始經常因為爭玩具而咬人....都好大力下..有無方法教導????打佢嘴,甚至試個咬佢話佢知係未好痛,,,等佢知道咬人係痛...也試過講道理..但通通唔work..!!!

methy

阿仔歲半時發牙痕,咬人,被咬既人笑笑口回應,之後阿仔日日咬人.之後請教左朋友.用左以下方法之後,阿仔已經無再哎人。

過程&方法:

阿仔咬我,我輕輕拉開佢,眼望實佢,用唔惡唔嬲既confirm語氣講:唔可以咬人..

阿仔再咬,以為玩.我再用平板語氣,講:唔好咬人.痛痛...

阿仔再咬(細力左): 我同樣平板語氣:唔可以咬人.媽媽痛...

阿仔眼定定望住我，無再咬..我地繼續玩。

隔幾日,阿仔玩得興起又再咬我,我用同樣方法,阿仔之後好間唔中先再咬我,至少唔係慣性咬我。

朋友講過，細路唔聽話.唔好打手 or打嘴.變相教識佢打人手,打人嘴。遇到唔開心既野,佢就會出手打其他小朋友。