無助,有心無力教唔到個仔...

丞丞BB

每一日都上下bk睇A仔媽咪分享,有樂觀的有苦惱的;有進步的,有退步的...
見到傷心的媽咪,想安慰幾句,但自己卻詞缺,也沒有正面經驗分享,也很傷心.見到進步的A仔,也有一絲鼓勵.
知道阿仔係A都已經年幾...自己哭哭啼啼已經過年幾,阿仔進步不大,2.7歲,未識叫媽媽,未讀書,成日粘住我,連去個廁所都要開住門同佢,最慘係沖涼都要一齊 如果唔係佢就聲嘶力竭
同屋企人關係唔好,同先生關係更加惡劣,感情破裂...
有陣時阿仔一喊,自己情緒崩潰,又發泄係阿仔身上,之後自己又痛哭...搞到自己要去睇精神科...
好想好想訓練阿仔,自己情緒都唔穩定,根本無心機...
見阿仔一日一日大個,毫無進展,心裡焦急,內心痛苦

anan3388

歲幾至三歲呢段時間真係好難捱架！教佢又唔明，好似做乜都唔係咁有反應。其實媽媽你無離棄佢，個心咁想幫佢，已經好難得。我聽過有些人掉返大陸當無生過都有之！你個心仔仔知既，不過佢唔識表達者。我眼見幾個case,未夠三歲無聲，到三歲後慢慢爆出黎，有個講野叻過我個仔。有個完全坐唔定，一手差入碗湯度，一手搶支筆亂插，依家坐到自己筆飯，識叫人。亦有五歲前唔講野，之後突然爆出黎係咁講(句子)。當然，我唔敢話你小朋友三歲後有好大進步，因個個不同，但不要放棄希望呀！我成日勸身邊同路人媽咪，要放自己第一，先照顧愛錫好自己，仔既野慢慢黎，急唔黎。我pm過你的，希望黎緊有機會幫到下你。god bless you!幫你祈禱！

丞丞BB

原帖由 anan3388 於 11-9-9 15:27 發表
歲幾至三歲呢段時間真係好難捱架！教佢又唔明，好似做乜都唔係咁有反應。其實媽媽你無離棄佢，個心咁想幫佢，已經好難得。我聽過有些人掉返大陸當無生過都有之！你個心仔仔知既，不過佢唔識表達者。我眼見幾個case,未夠三歲無聲， ...

anan3388多謝你!
一路來都有好多姐妹幫助我,關心我...好感恩!
可能呢幾日阿仔手足口病搞到食唔到野,成日喊,所以我情緒又開始出現問題...

pocoyo123

媽媽日子真係好難捱, 今日同個中學同學飲茶, 咁多年朋友, 佢今日先同我傾開亞仔的事,佢話見我呢幾年好輕鬆, 無乜野, 唔覺我同亞仔有問題, 我今時今日先同佢講, 我呢幾年唔開心你唔知, 不過, 我係一個樂觀性格的人, 相信, 天生我材必有用, 未去到終點, 不要咁怏放棄,加油

flysss

丞丞BB , 感到您的痛. 可以先找些私人服務嗎? 早點做訓練好好多的.

原帖由 丞丞BB 於 11-9-9 14:01 發表

每一日都上下bk睇A仔媽咪分享,有樂觀的有苦惱的;有進步的,有退步的...
見到傷心的媽咪,想安慰幾句,但自己卻詞缺,也沒有正面經驗分享,也很傷心.見到進步的A仔,也有一絲鼓勵.
知道阿仔 ...

szeszes

我仔就係5歲前, 好難捱; 一過左5歲生日就開始追上去

言語治療中心既人時常鼓勵我, 呢類小朋友其實好多都係天才, 只要將佢地既長處去發掘出來

呢類小朋友好多都好好記性

仲有, 佢話好多專業人士, 即係醫生, 會計師, 其實好多都係有 A 仔特徵

只要記住, 無人係十全十美, 你小朋友某方面唔叻, 但係在某方面又會強過人, 加油!! 總有一日會露出彩虹

[ 本帖最後由 szeszes 於 11-9-10 01:05 編輯 ]

丞丞BB

原帖由 flysss 於 11-9-9 21:54 發表
丞丞BB , 感到您的痛. 可以先找些私人服務嗎? 早點做訓練好好多的.

私人訓練有做,不過少,都係d小組訓練之類的,單對單負擔唔起,
做小組訓練時,見到其他D A仔各方面都俾我仔叻,媽咪又好有耐性好有心機,又俾佢地返私人s位,做好多訓練...
而我無心機教仔之餘,又無能力俾佢做好多訓練,覺得阿仔d黃金時間錯過左,唔知點算~

Capricorn2521

同意，我都覺得一年比一年好，各位努力！

原帖由 szeszes 於 11-9-10 01:03 發表
我仔就係5歲前, 好難捱; 一過左5歲生日就開始追上去

言語治療中心既人時常鼓勵我, 呢類小朋友其實好多都係天才, 只要將佢地既長處去發掘出來

呢類小朋友好多都好好記性

仲有, 佢話好多專業人士, 即係醫生, 會計師 ...

apple~y

原帖由 丞丞BB 於 11-9-10 09:10 發表
私人訓練有做,不過少,都係d小組訓練之類的,單對單負擔唔起,
做小組訓練時,見到其他D A仔各方面都俾我仔叻,媽咪又好有耐性好有心機,又俾佢地返私人s位,做好多訓練...
而我無心機教仔之餘,又無能力俾佢做好多訓練,覺得 ...

如果無0甘多錢上私人訓練
你可以買有關書籍自己教,再唔係上來留言請教其他媽媽心得,
我都係經濟問題無再做私人OT,
就買0左本"小孩確不笨"加上之前上私人OT知道仔仔弱項,不足之處,之後自己日日抽時間做訓練
或者報下一期努力試課程,自己做老師教
其實你真係要好好愛錫自己
同先生關係唔好係唔係因為仔仔問題
平心靜氣,大家坐低慢慢傾
呢條路如果得你一個人行,至親的人又不了解不明白
就算再堅強媽媽都會跌低
調節好自己情緒先

[ 本帖最後由 apple~y 於 11-9-10 15:14 編輯 ]

JJran

我下星期上努力試, 聽好多媽咪講得幾好, 你錯過左9月份, 要出年3月才有得上, 想叫你一齊上課呀~

北京狗

我下星期都上努力試,希望幫到我地

pinkdoll

明白你壓力好大 會否考慮找s位暫託 讓自己可以有點私人時間 做家務及休息一下 小朋友又可以有機會與其他人相處一下 大家都有得益

我完全明白當中是好辛苦的 小朋友好需要你的支持 但你都要別人支持 會否考慮找社工? 我哋需要有專業人士的開解及扶持 不怕坦白講 我都見緊社工 我發覺我一直高估了自己 原來我一直沒有面對過自己的情緒 近日因為一些事引發了好多負面的情緒 才發覺自己其實好軟弱 自己原來一直自己騙自己 .......現在我還有好多好多負面情緒, 自己深心處的事, 要去一一面對.

你要好好待自己呀 雖然你仔仔好似什麼都不知道 但他其實很愛你的 你看他沖涼的時候多麼需要你陪伴 你給了他最大的安全感 你仔仔雖然不懂得叫媽媽 但他知道你的存在 他沒有安全感 所以你一走開他就慌張起來 因為他知道你是最親密的人 你可以保護到他的 所以他很信任你 在你懷抱裏非常安穩 你付出給你仔仔的一點一滴並沒有白費的

原帖由 丞丞BB 於 11-9-9 14:01 發表

每一日都上下bk睇A仔媽咪分享,有樂觀的有苦惱的;有進步的,有退步的...
見到傷心的媽咪,想安慰幾句,但自己卻詞缺,也沒有正面經驗分享,也很傷心.見到進步的A仔,也有一絲鼓勵.
知道阿仔 ...

spiga

原帖由 丞丞BB 於 11-9-9 14:01 發表

每一日都上下bk睇A仔媽咪分享,有樂觀的有苦惱的;有進步的,有退步的...
見到傷心的媽咪,想安慰幾句,但自己卻詞缺,也沒有正面經驗分享,也很傷心.見到進步的A仔,也有一絲鼓勵.
知道阿仔 ...

丞丞BB,我地係要用多D耐心。我仔都係2歲10個月先發出第一個音，而家過咗5歲，吱吱喳喳可以講過不停，唔好灰心呀，佢而家未講倒但聽到架，照同佢講多D。3嵗時就反叛期包拗頸，激死我。但之後就多方面都有進步。
多D想佢少少的進步會好過點，唔開心就同朋友傾吓或者係度傾吓，有很多同路人分享吓經驗又試下囉。

Olympian

唔好咁諗啦，我都明白你上完小組的心情，我自己都會將阿仔同人地比較，有時覺得人地小朋友叻D，自己就好似若有所失咁。但係真係人比人，比死人，冇病冇痛已經好好。訓練到幾多咪幾多囉。我都經常冇心機教仔，咪抖下囉。去行下街，睇電視，上網，輕鬆下，或者多D請朋友上來屋企坐下，傾下計都好。心情好先有心機教仔。囝囝剛剛病好，大人細路都要休息。振作﹗

原帖由 丞丞BB 於 11-9-10 09:10 發表
私人訓練有做,不過少,都係d小組訓練之類的,單對單負擔唔起,
做小組訓練時,見到其他D A仔各方面都俾我仔叻,媽咪又好有耐性好有心機,又俾佢地返私人s位,做好多訓練...
而我無心機教仔之餘,又無能力俾佢做好多訓練,覺得 ...

chunchun09122

我地唔係超人，累了就去玩下，去下公園，比自己抖下，當佢發脾氣時，開佢最愛的卡通或音樂，抱緊佢，令大家都冷靜一下！加油！！

owl_2046

我反而擔心你同你先生感情問題. 大家都唔想自己囝囡有發展障礙, 但事實係咁, 你一定要同你先生平心靜氣溝通, 大家接受現實, 否則前面條路你會更加難行.
我都有同感, 3-4歲前真係好難教, 佢地好多野都未ready, 你亦唔好將個囝同人地比較, 雖知你個囝都唔想自己與別不同, 亦唔好怨自己冇多餘錢比佢讀私人S位, 你要明白,最好既老師就係你自己, 只要你有耐性, 唔會教唔到.
你先要管理好自己情緒, 慢慢教啦, 唔好諗咁遠.
我仔都係過左4歲先開始好教D, 你唔好氣餒.
GOD BLESS YOU & YOUR FAMILY!

原帖由 丞丞BB 於 11-9-9 14:01 發表

每一日都上下bk睇A仔媽咪分享,有樂觀的有苦惱的;有進步的,有退步的...
見到傷心的媽咪,想安慰幾句,但自己卻詞缺,也沒有正面經驗分享,也很傷心.見到進步的A仔,也有一絲鼓勵.
知道阿仔 ...

Twins_Mom

丞丞BB

好明白你的心情, 其實真是唔好同人比, 因為通常你只會見到人家好的一方面, 人家頭痛又唔知姐遮! 我的identical twins, 兩件都是A, 但都有程度不同, 好似大仔, 3 歲已經對顏色有興趣, 而細仔刖要教到5歲先識, 一個要s位, 一個唔使, 所以唔好比 la.  自己要放鬆些, 有進步便成, 因為他們真是急唔來

(努力試)我上過, 不錯,可試, 就算miss左, 可先看書和聽cd

我們的路唔易行, 但千奇要努力, 唔好放棄, 因為他是我們個仔, 沒有人會比媽媽更愛他

原帖由 丞丞BB 於 11-9-9 14:01 發表

每一日都上下bk睇A仔媽咪分享,有樂觀的有苦惱的;有進步的,有退步的...
見到傷心的媽咪,想安慰幾句,但自己卻詞缺,也沒有正面經驗分享,也很傷心.見到進步的A仔,也有一絲鼓勵.
知道阿仔 ...

丞丞BB

阿仔2.7歲,但個樣就成個bb咁,d行為都好bb.....

pinkdoll

我個仔2歲半個陣都係成個bb咁 成個人似係一個一歲bb咁 有人問我佢幾多歲 我就把心一橫話2歲多啲 免卻好多麻煩 又令自己不用再答這麼多問題

盡量不要比較 這會令自己更加不開心 我那時知道他的發展只是一歲 我做媽媽的就當他一歲bb這樣看待 想想一歲bb懂什麼? 懂的東西是很少的 是嗎? 我的仔仔都不想這樣的 但他只是一個一歲的bb

可以的話, 考慮去上一個叫"努力試"的課程 那裡的導師全部是過來人, 他們教的很管用, 從中亦得到很大很大的鼓勵安慰

原帖由 丞丞BB 於 11-9-18 09:03 發表
阿仔2.7歲,但個樣就成個bb咁,d行為都好bb.....