功課量多唔多架, 有無得留校方便家長要返工?

kksushi

咁多位, 小女而家中班, 所以已開始唸緊比佢選咩小學,
因為2公婆都要返工, 無人湊放學, 請問你地此小學有無留校自修服務架? 重有佢地多唔多功課架? 我想了解多D此學校, 因為見佢有普教, 我都幾like.

patpat234

原帖由 kksushi 於 11-9-9 10:31 發表
咁多位, 小女而家中班, 所以已開始唸緊比佢選咩小學,
因為2公婆都要返工, 無人湊放學, 請問你地此小學有無留校自修服務架? 重有佢地多唔多功課架? 我想了解多D此學校, 因為見佢有普教, 我都幾like. ...

18-9-2011 2:00p.m.-5:00p.m. 有開放日

學校有課後延伸服務到5:00p.m. 由學校老師睇住,一班2x人
不用收費,唔係補習班,不過小朋友做功課唔識可以問老師

另外,有ymca到校功課輔導-6:00p.m,一班約12人,收費約$700

kksushi

功課輔導-6:00p.m,一班約12人,收費約$700

呢個好合我心水呀, thank you你呀! 最好就係可以係返學校內上, 唔使放左學再自己走出去補習社. 請問你係米有小朋友係入面讀呀? 難唔難入呀呢間小學? 多唔多功課呀?

szeszes

我仔今年小一, 係叩門入去 (自行及大抽獎都入唔到)

校長先揀有誠意叩門既小朋友為首選; 係叩門信關鍵係認同佢教學理念

功課一般係6樣左右, 抄寫不多; 仲有3樣網上功課 (有些家長話多, 我就覺得一般, 我仔一小時內完成家課, 如小朋友本身能力 okay!! 不花10分鐘時間)

個人認為佢既程度唔淺, 因為第一次英默+Quiz, 只得11個人合格, 一班有26人; 睇你小朋友來自那間幼稚園, 如果幼稚園一早已有默書, 應該唔太大難度 (我仔來自迦南, 首3名高分學生, 都係來自迦南)

我仔不是讀普教, 只係讀粵語, 佢地大約2星期左右一次中默, 英默 及數學小測 (佢地中/英默唔係只係默書, 形式係一份默書+小測) - 個人喜歡呢個方式, 因為每學完一個單元就要默書及小測, 即係要求小朋友多些溫習為先

讀普教班既小一生, 中默方面係針對 "普通話併音" 為先

[ 本帖最後由 szeszes 於 11-10-21 00:42 編輯 ]

maylmm

我囡囡已經是高年級學生, 給你一個tips, 小朋友最好入普通話班, 因為老師及資源都會放在普通話班多一些.
另外, 學校將水平不斷提升, 這幾年, 各級的程度比以往已經加深了不少. 本人認為該校的老師都是很用心教學的.

原帖由 kksushi 於 11-9-15 14:02 發表
功課輔導-6:00p.m,一班約12人,收費約$700

呢個好合我心水呀, thank you你呀! 最好就係可以係返學校內上, 唔使放左學再自己走出去補習社. 請問你係米有小朋友係入面讀呀? 難唔難入呀呢間小學? 多唔多功課呀? ...