進退兩難

pinkdoll

讀s位時學到不好的嘢? 指那方面? 是不是行為? 那麼認知, 語言, 體能及社交方面 有沒有進步?

讀了普通幼稚園一陣子 行為, 認知, 體能, 社交及語言 有沒有進步?

那裏讓你仔仔得著最多 你自己比較下

恕我直言 你認為你小朋友在讀s位時 從別人身上學了許多不好的事 是嗎? 如果讀s位 你仔仔在其他方面有進步 那麼你不如嘗試包容一下其他小朋友吧 坦白說大家都是有特殊需要的小朋友 應該互相扶持 s位的家長起碼會明白大家多些

你留在普通幼稚園 可能要面對好多問題 不止老師會不包容 好多家長都一樣會誤解你 一個正常小朋友的家長 是會怕有特殊需要的小朋友影響自己的小朋友架 他們不會明白理解你的情況及心情的 就算理解呀 好多都不太願意自己的子女跟有特殊需要小朋友交朋友架 因為比自己小朋友差嘛 他們會說:近朱者赤 近墨者黑

最後我想說的是: 針沒有兩頭利的

[ 本帖最後由 pinkdoll 於 11-9-5 00:08 編輯 ]

someoneelse

讀得S位，即係孩子還要加油...如還未夠程度獨立讀主流...樓主只好幫孩子轉另一S位了...

pinkdoll

s位應該唔會太緊貼出面主流課程架

其實你仔仔主要乜嘢問題 所以要入s位? 如果你仔仔體能又ok 情緒又ok(本來是沒有問題的) 認知又ok 點解e生會建議你入s位? 如果問題唔大 可不可以轉e位或者i位

不如你問下老師, e生, 治療師等等 對於你仔仔情況有何評價 最好讀s位, 定i位, 定e位, 定普通幼稚園

我咁講係因為我有個大孖 佢同細孖一齊去cac評估 大孖係發展遲緩 細孖係自閉 初時我唔知s位係乜 我傻下傻下咁問大孖入埋s位(e生俾i位大孖) 得唔得? e生點都唔肯 話大孖冇咁差 唔駛入s位 解釋咗十分鐘 ..... 之後我週圍問人 見到e生又問 去協康見到中心主住又問 見到治療師又問 個個都話大孖讀i位可以了 細孖就要讀s位比較適合 之後過咗三個月後 我自己都睇到大孖真的只需入i位 細孖就程度相差好遠又有障礙 讀s位應該走唔甩

如果要找一間有包容的幼稚園 可能要找一些屋村幼稚園 而且學生人數不太多 當然這些幼稚園 可能有好多新移民, 綜緩戶, 單親家庭等背景比較複雜的家庭 課程亦比較淺

原帖由 ikebukuro 於 11-9-4 23:58 發表
S位：
體能，話我個仔無乜特別，所以無pt個別堂，只係得一個月兩次小組，可能每次都輪到玩一分鐘嘅，所以有等於無！
認知，話我個仔同同齡差唔多，set佢IEP要學嘅嘢，根本未入學已經識，例如：用一年時間去教佢1-10，根本佢中英都識，同老師講，老 ...

pinkdoll

我細孖都試過有郁d發脾氣架 又大聲叫 少少事都會 我同老師商量安排一個安全角俾佢 唔好理佢由佢發脾氣同叫囉 我係屋企都係咁架 有個安全角係屋企 由最初叫好耐 發好耐脾氣 慢慢地時間越來越短 因為發現冇人會理佢 當然事後一定要收拾情緒 要同佢解釋叫和發脾氣是沒有用的 要講 簡單講都可以 (呢個要好有恆心 不是一朝一夕) 而且當有好表現時 要大大的讚賞

我有問過我個仔私人幼兒導師 聽到有人話啲小朋友返咗s位會學咗啲唔好嘢 佢解釋話因為小朋友見到有小朋友因為大叫, 發脾氣或瞓地會有著數 例如:因此會有嘢食, 因此不用做某些東西 所以就學咗囉 有樣學樣 其實呢啲情況普通位幼稚園小朋友都會學架 (嘩 大叫或者瞓地有嘢食喎)...... 所以有啲幼稚園會好緊張架 甚至乎會勸有特殊需要小朋友退學 真的好無奈 : (
(sorry 講咁長) ...私人幼兒導師都鼓勵我和學校商量安排一個安全角給我仔仔 學校都ok 之後情況是好轉了

另外, 語言都係一個原因 認知越來越好 但語言delay 引致表達唔到所想所求 所以小朋友情緒會好差架

原帖由 ikebukuro 於 11-9-5 00:51 發表
我個仔認知唔差，但有speech delay, 情緒本來無問題，一年S位後，現成日發脾氣，最緊要嘅問題係坐唔定，專注力弱，無時停，所以主流成日唔包容，邊得閒去捉住佢吖！再加上依家郁d就發脾氣，難搞咗！其實我覺得佢似過度活躍多d囉！ ...

[ 本帖最後由 pinkdoll 於 11-9-5 01:30 編輯 ]

pinkdoll

其實你仔仔都不差呀 你唔好灰心

s位那边 試下再同他們溝通一下

又或者找一些學生人數少的屋村學校 再加出面私人訓練

又或者轉e位/i位

看看會否好點

其實都有好多路可以行 樂觀點 大家一同努力

原帖由 ikebukuro 於 11-9-5 00:55 發表
同埋其實我無諗過入主流係為課程深淺，我只當作社交平台及語言刺激，其他認知嘅嘢，自己可以教！

[ 本帖最後由 pinkdoll 於 11-9-5 01:25 編輯 ]

kelvin_hmlau

我覺得你的兒子可能處於學習模式係copy / 模仿人的BB階段, 解難能力有限(不如意事經常瞓地發脾氣), 社交技巧不足(打人)等, 其實每個A仔都有呢個階段, 未必同S位有關. 加強能力當然緊要, 不過未必係1~100果d.

當初派左個S位, 我都考慮左好耐, 約見S位校長得知佢地唔會幫手社交(因為學生太參差). 我就放棄了. 如果香港真係有一間適合的S位學校, 我係毫無疑問會選讀.

另一個考慮應該係如果小孩學習能力跟到主流課程, 其實可以一試. 當然要選對學校, 好多收生不足的下午班都會收學障兒. 父母亦應該有強而有力的肩膀承擔壓力同投訢.如果學習速度要慢一點, S位可能係唯一選擇. 或者係外國流行的home schooling.

社交技巧同行為問題就可以參加社交班, 參考努力試同RDI.

pocoyo123

讀I位/S位, 都係睇你好唔好彩派到一間 ---好嘅, 事半功倍, 唔好嘅, 事倍功半.如經濟訐可考慮半天私人S位, 半天幼稚園, 但小朋友會比較累, 最好搵些學校近屋企

apple~y

我上年都係比小朋友番下午班幼稚園,小0的人
我小朋友無什麼情緒行為,所以都捱到番0左一年
老師都好包容,又調0左幾個醒目同學仔同我仔仔一組
0的同學仔都照顧埋我仔仔,始終能力相距好遠
０的人話小朋友會互相模仿，但我個仔好０野學唔到
遊魂多．．．．．
都比0左一年時間係幼稚園,私人s番過，個別訓練又上過
但去到主流就．．．．．．

去到最後都須要轉s位，當然希望選一間好s位
所以選校前都搵０左好多資料
番緊呢間都係第一去志願
其實番s位又唔係真係個個都好差
我接放學時都見到一些小朋友好有禮貌，講０野好叻
同埋我睇過學前須知，話如果小朋友情緒問題好大好嚴重就可以比照顧者跟入班
同埋我聽過一個case,話個小朋友原本派０左位要跨區番
但因為媽媽有嚴重情緒問題，有自殺傾向,所以就比轉s位
到原區番

如果你小朋友係呢間s位番得唔好..0甘你有無經濟問題
番私人s位都係一條出路
我上年都要節衣縮食比個仔番,今年見到好多間都加0左價

[ 本帖最後由 apple~y 於 11-9-5 15:33 編輯 ]

pocoyo123

有聽過有媽咪不滿S位服務, 而轉左出去I位, 我沒有問長細情況, 不過佢應該係同CAC伸請, 再返去評估, 之後就轉左I位