港產虎媽特訓,兩歲半女曉千個英文字

小謙伯伯

根本同特唔特訓無關，只係個細路有能力，剛巧又遇著有個夠斤両同有心機的大人伴學咁遮。

即如我地絕對無 "特訓" 小謙，但一直有按佢的喜好同佢到圖書館借書。從無計算佢學會幾多個生字，但佢學生字無論中英文都係一聽就會，根本唔駛經過個 "學" 字，所以兩三歲就已經借閱標明俾八歲學童睇的英文書。

聖經佢係都要睇 King James Version, 因為知道 KJV 有江湖地位。由於佢近排研究 religion, 尋日特別同佢去望彌撒，俾佢感受一下天主教的 rites and rituals， 佢都帶埋本 KJV, 話 in case 中文經文睇唔掂，有個 reference 咁話。無理由話 "你得六歲人仔，根據語文發展，你只需要認到幾多幾多個生字咋喎，睇乜鬼 KJV 呀？" 咁遮，係咪？

我只係唔明點解呢個 "虎媽" made it such a big deal, 實在佢教左咁多年書都應該知道到某個程度唔係你話教就教架啦！

[ 本帖最後由 小謙伯伯 於 11-9-12 20:54 編輯 ]

小謙伯伯

stccmc 兄：

你也太謙了，閣下中英雙語高強(有板睇)，對語文培育和學習有識見，教女有方，女兒的英語能力和表現出眾，這裏出入的常客誰人不知？

當然，學海無涯，正因為在高處，眼界更要放遠，精益求益也是應該，並且理所當然的。

我經常同人講一個比喻，學語文就好像開雜貨店，規模可大可小，可以是街角小舖一間，也可以是雄踞大型商場的超市。但無論規模大小，都要注意貨類齊全，成一系統。例如有牙膏必要同時有牙刷，即使品牌各只得一種，顧客不盡愜意，還是有張就餘地的。相反，牙膏琳瑯滿目數十款，牙刷一支也沒有，就不成系統，招人非議了。

一百間雜貨店就有一百種老板，還有一百種老板母親，這位 think big 的「虎媽」可能不急於一時，全心為孩子「集貨」，以期他日隆重開業，頂死百X惠X呢？

nintendo

原帖由 stccmc 於 11-8-23 17:42 發表
究竟學英文，定鬥多認字？二歲小孩學認五千又點？單獨學幾千字，沒有 context ，學來做乜？

她兩歲，可用一千字在閱讀？可用一千字在寫作？兩歲日常用語要一千？

脫離實際須要的認字有咩用？

"念口黃" 式認埋咁多字，唔識用唔識解，真係把鬼。

坦白講，我亦對佢的識一千字有保留。
唔係唔信佢識一千字，但係我覺得係 "先後" 認到一千字，有幾多個真係現在重記得呢？
反正冇人會將個一千字由頭到尾問個小朋友一次。

當然，有類似的 "不同意" 甚至 "質疑"，都不會有好結果，有人一定會話我 "唔抵得"。

掉轉頭諗，唔係個個家長都認為識讀時，都要識解。我相信對於大部份人，都係求 "量" 不求 "質"。

有人用沈同學黎比，我覺得對沈同學唔公平。沈同學精於數學，雖說數學都牽涉操練，但有他那個水平，一定不能只靠死記，而是要有理解，要識運用。"認字 bb" 只係死記，唔駛識解，唔駛識運用，絕對唔可能同沈同學比。

看過 video ，聽到港版虎媽跟女兒的英語對話，真心明白為何早排有人跳樓請願，死都要孩子入名校。band 3 英文老師說的英語，連名牌小學學生都不如。

[ 本帖最後由 nintendo 於 11-9-13 23:25 編輯 ]

Kanba

這位虎媽全英語跟女兒談話、親字閱讀、認生字。真係苦心的媽媽。

我仔兩歲半時先識講簡單的中文，唔好話未認到中文字，讀到上小學咪一樣識睇中文書寫中文字。

究竟使唔使咁早要認千個英文字呢？最緊要係初小開始培養到鍾意睇簡單的英文圖書既姐。

放鬆Ｄ啦，按部就班就得啦，千祈唔好逼。

samuel89

原帖由 talknwrite 於 11-9-5 22:33 發表
stccmc我睇得好清楚, 只係你理解有問題啫.

你用好勁ge衛生署標準, 係"一般" 兩歲大的幼兒...

你點知虎媽個女只係"一般", 佢ge家庭只係"一般"? 人地既然都做到, 即係個標準唔啱佢用囉.

唔通沈詩鈞阿爸一早教佢d你 ...

我都好妒忌 唔知道虎媽個女會唔會破沈詩鈞紀錄呢? 如果可以9歲前就入大學香港又多左位神童啦......

judy

未看片段前我還有一點懸念，可能兩歲半的孩子真的非常資優，真的用過千字看書，說話，等等。現在一清二楚。

上天有一樣嘢係好公平嘅，就係每人每天都只有24小時，2歲用字卡識千字，咁又點呢？

到底這位band3教師要培養怎樣的下一代呢？

Sumyeema1

2歲用字卡識千字，咁又點呢？

可以上 A1, 俾人講足一個月，好威瓜。

meow02

使唔使咁樣學，說實話，咁樣學法又唔一定學得好，到頭來學得唔好又犧牲咁大就真係．．．．