港產虎媽特訓,兩歲半女曉千個英文字

yunhai

港產虎媽特訓,兩歲半女曉千個英文字
2011年08月22日 蘋果日報

【本報訊】《虎媽的戰歌》作者蔡美兒以極端嚴苛的方法教女成材，全球議論。港版「虎媽」 Cherie也想出特別家規，包括家中禁播卡通片、全英語對話、無糖果獎勵學習三招，特訓女兒英語，令兩歲半的女兒珩珩已懂得逾千個英文單字，掌握約 50個組合詞語、約 30句日常會話，還能讀出英文報紙的標題。有校長指 Cherie的方法可取，但有兒科醫生認為，家長不應過份催谷子女。

只有兩歲七個月的羅懿珩上幼兒班才半年，已懂得 A至 Z的 Phonics（自然發音法，見字母能讀出詞語的發音），以及逾千個英文單字，由簡單的 cat（貓）到 hippopotamus（河馬），也包括約 50個兩單字組成的名詞或動詞，如 french fries（薯條）、 sing along（一起唱）等， caterpillar（毛蟲）、 gorilla（猩猩）等，珩珩也輕易辨認讀出。

只看教材碟不准看卡通片

根據衞生署編制的《共享育兒樂》中「兩至三歲大兒童的發展」，一般兩歲大的幼兒懂得回答是否、甚麼、哪兒等提問，又會說簡單的句子，如「哥哥-食-糖」，明白一些動詞、形容詞，如打開、熱等，但字彙不多，辨識能力仍在發展。幼兒教育人員協會主席周慧珍指，兩歲小朋友說話能力有限，認字更難，升小學後才可能懂得 1,000個英文生字，而本港幼兒班多學習英文字母、 Phonics等，不會逼幼兒認字。

珩珩識逾千英文字，全因媽媽 Cherie預先計劃。 Cherie在觀塘一所第三組別（ Band 3）中學任教英文十多年，自言見盡不少港孩英語能力弱，所以在女兒未出生前，已為她升國際學校鋪路。

Cherie 09年懷孕時，已聘用菲傭為未出世的女兒籌備學英語環境，女兒出世後她只用英語和女兒溝通，丈夫則可用廣東話。珩珩三個月大時， Cherie買外國幼兒教材《 Your Baby Can Read》，讓女兒每天在家中看 DVD學生字認實物。 Cherie說：「唔知道個女將來會唔會記得所有字，但總算係現時同班小朋友中英語最好嘅學生，相信唔恐懼英語已係一大優勢。」

醫生：未經驗證效果成疑

珩珩 1歲時， Cherie上 YouTube，找 A至 Z的自然發音法短片，配合英文書、字卡等教材。 Cherie說，兩年來培訓女兒英語的支出不用 5,000元，最大開支是買外國認字教材，後來自製字卡、 Powerpoint等，「其實我首次做媽媽，唔知道應該要同個女玩乜，於是將認字作為遊戲，個女好受落」。

不少幼兒由電視和卡通片陪伴成長， Cherie卻認為卡通片「教壞細路」，「我唔准個女睇卡通片或電視，因為卡通片將動物擬人化，可能老虎係媽媽，令小朋友誤會媽媽係老虎，呢個容易混淆辨認能力」。

崇真小學暨幼稚園校長譚煥玲認為，家長若把英語當作母語教育子女，配合日常生活應用，幼兒容易掌握，家長可仿效。不過，兒科醫生鄭文容認為，幼兒約歲半才發展聯想力，兩歲前幼兒靠「死記」，若父母和子女享受這種學習模式，問題不大，但這種學習模式未經科學驗證，長遠效果成疑，家長應按子女學習能力，順其自然，避免過份催谷。

城市大學中國文化中心助理主任馬家輝認為，現在的香港中產家長重視英語較中文已是事實，珩珩的個案則屬魔鬼式或惡補式訓練，「就如一個 3歲小朋友苦練十幾年運動，目的一定係參加大型運動會，學好英語毋須由幼兒階段學逾千字」。

港產虎媽特訓 B女方法

1〉幼兒三個月大開始認字，買教材、自製 Powerpoint及字卡等
2〉常作親子閱讀，培養閱讀習慣
3〉善用網上資源，例如 YouTube短片
4〉母親和菲傭跟女兒說英語，父親說廣東話
5〉不用糖果獎勵女兒學英語，以免小朋友以為學習是苦差
6〉不讓小朋友看卡通片，以免減低小朋友對文字的興趣

[ 本帖最後由 yunhai 於 11-8-22 05:50 編輯 ]

yunhai

大家點睇

wister

I think she's a very special mum and no doubt that her daughter have learnt many vocab through this method. However, I wonder if it is good for such a young kid to be pushed such hardly. What will she be like when she faces the real society when she grows up?

milk323

佢訪問時成日強調佢冇PUSH個女, 但佢有冇限制佢個女的選擇? 我唔係好相信一個小朋友會prefer認字多過玩. 佢講到個女咁鍾意認字, 我覺得係因為佢個女冇真正玩過, O向個女認知裡面, 玩=認字. 到佢返學有得玩, 有得睇卡通, 唔想認字時, 個亞媽會點做? 我真係想睇下到時佢係咪真係唔會PUSH囉.

talknwrite

我反而覺得個阿女咁細個,阿媽玩乜就玩乜啦,佢自己都唔知有乜選擇, 反而阿媽好push自己, 好有毅力和忍耐力. 不是所有父母都有這般能耐去訓練子女. 好野

外國有好多例子,不過人地係一文一語環境, 都好想知到佢小學開始, 在兩文三語環境下, 只顧英文會否影響中文學習.

KipperBB

I would rather my kid know how to use some 30 to 50 simple sentences to express himself at this age instead of stuffing his little brain with thousands of vocabs that he can hardly make any meaningful use of them.  It's like giving an innocent guy a thousand kg of rice but not teaching him how to cook it.

[ 本帖最後由 KipperBB 於 11-8-31 03:07 編輯 ]

Yau_Cheung

Well said.

原帖由 stccmc 於 11-8-23 17:42 發表
究竟學英文，定鬥多認字？二歲小孩學認五千又點？單獨學幾千字，沒有 context ，學來做乜？

她兩歲，可用一千字在閱讀？可用一千字在寫作？兩歲日常用語要一千？

脫離實際須要的認字有咩用？ ...

莎莎莉莉

原帖由 stccmc 於 11-8-23 17:42 發表
究竟學英文，定鬥多認字？二歲小孩學認五千又點？單獨學幾千字，沒有 context ，學來做乜？

她兩歲，可用一千字在閱讀？可用一千字在寫作？兩歲日常用語要一千？

脫離實際須要的認字有咩用？ ...

唔知果位阿媽係教邊科.
如果係語文教師, 我都幾擔心.
香港的語文教師連如何對待語文的性質也弄不清楚...
更遑論要對語言學有認識了.

talknwrite

你睇晒成篇野未, 主角虎媽唔係單教生字的, 佢係band3中學教英文, 見到d學生係點樣, 大家都明白啦.
港產虎媽特訓 B女方法
1〉幼兒三個月大開始認字，買教材、自製 Powerpoint及字卡等
2〉常作親子閱讀，培養閱讀習慣
3〉善用網上資源，例如 YouTube短片
4〉母親和菲傭跟女兒說英語，父親說廣東話
5〉不用糖果獎勵女兒學英語，以免小朋友以為學習是苦差
6〉不讓小朋友看卡通片，以免減低小朋友對文字的興趣

認字率是一個英語能力的常用指標, 記得以前有研究,香港的大學畢業生認字率平均約有3至4千字, 要寫寫一篇好的報告,應起碼有7000字, 英美大學畢業生的認字率約有兩萬!

Kevin1987

其實讓小朋友看卡通也不是什麼壞事，畢竟人最可貴的其中一個能力就是「想像力」，一些好的卡通片正好能刺激孩子的想像力，若果媽媽只是媽媽、老虎只是老虎，滄海又何來一聲笑？

Yanamami

這似是另一場虛榮心的比賽吧.  若她不教band3生, 去開一間認字補習社, 定會其門如市, 財源滾滾.

原帖由 stccmc 於 11-8-23 17:42 發表
究竟學英文，定鬥多認字？二歲小孩學認五千又點？單獨學幾千字，沒有 context ，學來做乜？

她兩歲，可用一千字在閱讀？可用一千字在寫作？兩歲日常用語要一千？

脫離實際須要的認字有咩用？ ...

[ 本帖最後由 Yanamami 於 11-9-5 21:42 編輯 ]

talknwrite

Prof. stccmc

乜野係"實際", 乜野係"唔實際"? 你用誰的標準定? 你把尺點量度? 係邊個方向量度? 你係量度緊邊個?

"兩歲童坐係度大量認一些和年齡不配的字，是 torture." 你點知對虎媽個女係torture?

我知你好叻, 教仔誇啦啦, 比我一堆數字, 咁係咪包括所有兒童, 你怎知道人家的"實際"情況呢?

你看她教band3中學是為什麼原因呢?


我唔係要鼓勵人咁做, 我只不過係好"嫉妒"虎媽可以咁做, 而我...做唔到啫!! 我真係好妒忌佢, 好想佢個女日後 好似我d仔女唔生性, 連band3中學都畢唔到業. 重short short 地

奉勸各位, 你地唔係虎媽, 就唔好用虎媽個套嘞! 做個豬媽, 教下豬仔豬女唱下abc好嘞!
亦唔好學我, 妒忌虎媽!!

多謝Prof. stccmc

talknwrite

stccmc我睇得好清楚, 只係你理解有問題啫.

你用好勁ge衛生署標準, 係"一般" 兩歲大的幼兒...

你點知虎媽個女只係"一般", 佢ge家庭只係"一般"? 人地既然都做到, 即係個標準唔啱佢用囉.

唔通沈詩鈞阿爸一早教佢d你我都唔識ge數學, 又係唔實際?

喂喂, 你重未話我知你覺得虎媽做乜會係band3中學教喎, 好心急想知呀!

我好妒忌人啊!:;pppp: 呀..點解人地d仔女咁叻, 自己個d係豬仔豬女啱晒衛生署把尺.

要同自己講, 唔好妒忌, 唔好妒忌, 我係我, 佢係佢, 人地做乜, 係人地ge事.

多謝 Prof. stccmc 送我把冚世界啱用ge尺.

talknwrite

虎媽教導方法對與錯, 她播什麼種, 就收什麼果, 與我何干. 只有當事人才知詳情. 我只係佩服她哪份教仔的毅力,耐性和堅持.
好老實, 其實睇到虎媽這類個案或其他有關書籍, 有沒有被誇大, 我都係信七成啫, 都係為咗吸引讀者.

學習人家, 唔係表面, 並不是要你人做乜,你照跟足做, 個個人的情況都不一樣嘛, 可是, 我可從這些報導或書背後得到信息, "一般能力小朋友"也可在教育上成功, 但要
1. 早有計劃 (做足資料搜集)
2. 家人支持 (唔好老公一句你發神經就成個計劃掉落街)
3. 毅力忍耐 (要貫徹始終,很多父母都是慈母, 不過多敗兒)
4. 揸定宗旨 (要知道自己做緊乜, 唔好因為人地批評就放棄)