(update) 醫生說repeat k2, 但校長覺得repeat k3較佳. 如何是好??

湘兒

這篇貼較多字, 但真的急需大家給我建議.
謝謝!

阿仔既情況, 可以睇返
http://forum.edu-kingdom.com/viewthread.php?tid=2294885&extra=page%3D5

阿仔宜家5歲3個月.其實下星期一就要見智能測驗中心醫生了, 阿仔將會在9月升K3.
這是定期的見面. 自從上次K1前見, 安排入左早期訓練中心就到今次醫生約見.
我真係好擔心阿仔上到小學會否跟得上?? 阿仔寫字較弱, 今個月係協康早期訓練中心做了評估, 職業治療師(OT)個份, 就係SD-1.25, 宜家係較差. 差2分就到普通水平.
而言語治療(ST)個度, 導師就話佢有4歲6個月.
我都同兩位導師講過, 他們覺得小兒有進步, 應該可以升小一, 不用repeat k3, 但最終決定要等埋幼兒導師既評估(24/8先做), 再齊集各方開會決定.
而我媽媽,即是小兒婆婆一早就叫我請幼稚園校長寫信, 証明阿仔係寫字弱, 而且各方面[扎]界. 希望留k3.
但我忘記了, 因為工作太忙.其實這樣叫校長寫信比醫生有用嗎? 我現在應該怎辦?? 婆婆係咁鬧我, 咁重要的事也忘記! 唉...
如果沒有醫生的信, 小兒是否自行決定repeat k3?私家醫生的報告好像要$6,000, 但我能力有限.

請各位比一些意見我, 心真的很亂!!

[ 本帖最後由 湘兒 於 11-8-24 16:59 編輯 ]

pocoyo123

如你不是想攞多年學卷, 根本重唔重讀, 完全係父母自行決定, 無需CAC的評估, 只要有學校收你重讀, 而你今年又不去小一大抽獎, 留番重讀果年先抽, (因一世人只可抽一次, )咁就無問題啦

原帖由 湘兒 於 11-8-19 21:09 發表
這篇貼較多字, 但真的急需大家給我建議.
謝謝!

阿仔既情況, 可以睇返
http://forum.edu-kingdom.com/viewthread.php?tid=2294885&extra=page%3D5

阿仔宜家5歲3個月.其實下星期一就要見智能測驗中心醫生了, 阿仔將 ...

湘兒

原帖由 pocoyo123 於 11-8-19 22:15 發表
如你不是想攞多年學卷, 根本重唔重讀, 完全係父母自行決定, 無需CAC的評估, 只要有學校收你重讀, 而你今年又不去小一大抽獎, 留番重讀果年先抽, (因一世人只可抽一次, )咁就無問題啦 ...

但如果repeat k3, 我係有需要攞多年學卷的. 我想問早期訓練中心幫唔幫到我寫信 or 智能測驗中心既醫生決定左係點就係咁?

我想問大抽獎係幾時幾報? 我想阿仔今年照去小一大抽獎, 但下學期就決定係咪repeat k3,這樣可行嗎?
我唔想2011年9月就決定小朋友有冇可能係依1年裡面追到與否!

thanks!

pocoyo123

你可叫心理學家寫在評估信上有需要重讀K3, 跟住出年年頭要決定讀唔讀, 如重讀就要出年4月前同學卷組申請,6月交比學校咁9月開學先有學卷.
每年1月係入表大抽獎, 即如果2012年1月你入左表抽獎,一入表就無得後悔, 6月就公告結果, 到時抽到乜野學校, 你個仔追唔追到, 都無得再理,你可以唔讀, 但一定無得再抽第二次,  就算你有任何証明你個仔有需要重讀, 都唔可以再抽, 咁你下一年只可讀直資/私校.
我相信你最遲係今年年底要決定.
我係好清楚這個遊戲, 因我亞仔今年是重讀K3, 明年上小一, 去年暑假我也心大心細唔知重唔重讀好, 小兒寫字去年是很差, 去年只能寫一些(日山口大)呢D字, 連個名都未得, 我在去年9月曾經同佢去一些直資INTERVIEW, 結果發現小兒同其他小朋友真係有距離, 之後, 下決心比佢讀多一年, (當然, 全部學校都無收我地), 亞仔呢一年追得唔錯, 寫字都大有進步, 出年我相信佢會同同班小朋友差不多能力.

原帖由 湘兒 於 11-8-19 22:34 發表


但如果repeat k3, 我係有需要攞多年學卷的. 我想問早期訓練中心幫唔幫到我寫信 or 智能測驗中心既醫生決定左係點就係咁?

我想問大抽獎係幾時幾報? 我想阿仔今年照去小一大抽獎, 但下學期就決定係咪repeat k3,這樣 ...

crystal媽咪

可以的話, 手上唔止拿著校長信, 應該包括你所講的ot /st評估報告, 佢地口頭話可以升k3, 但報告顯示小朋友的能力與同齡都差一段距離, 如果學校寫唔切信, 就拿之前幼稚園家長日老師派給你的file (profolio), 入面應該有小朋友的能力 / 進度, 都會顯示小朋友能力去到邊.
總之, 有幾多拿幾多, 希望醫生會幫你寫信啦.

原帖由 湘兒 於 11-8-19 21:09 發表
這篇貼較多字, 但真的急需大家給我建議.
謝謝!

阿仔既情況, 可以睇返
http://forum.edu-kingdom.com/viewthread.php?tid=2294885&extra=page%3D5

阿仔宜家5歲3個月.其實下星期一就要見智能測驗中心醫生了, 阿仔將 ...

湘兒

另外, 有幾個問題未解決.
1. 阿仔今年9月升K3, 早期訓練的社工說, k3課程大多關於升讀小一的適應, 每星期都會有,例如: 寫手冊, 執書包的training. 如果repeat, 會令佢心理上有唔適應. 因為已準備上小一, 但最後又維持原狀.
2.由於阿仔係(大仔) repeat k3那年, 唔會有早期訓練跟.(我自己覺得會差好遠, 因為我覺得早期訓練對於阿仔好有用)
3. repeat 那年與之前學的東西相同!? 而其他一起讀了3年幼稚園的同學仔卻已升上小學.
我真係好矛盾, 應該與否repeat k3?

pocoyo123

1) 每間幼稚園課程不一樣, 你要問下你間幼稚園曷否有小一適應課程, 再講, 你要諗下小朋友點解要重讀, 最大問題是否有跟不上, 如是, 即是佢在第一年K3所學的課程也不是所有都識晒或追得上, 正因如此, 佢重讀多一年就係要補回之前不足, 相反, 如第一年K3已跟得上, 又何須重讀?
2)早期訓練好以比到6歲, 但係咪到6歲11個月先停呢? 最好問問社工.
3)唔開心一定有, 亞仔都成日講唔想讀多一年K3, 佢成日想同一些同學一齊上小學, 不過, 我同佢講, 就算你今年上小學, 我地都未必同一間學校, 也會分開, 致於你要重讀係因你程度無小學收你, 所以比心機讀多一年, 勤力寫字, 唔勤力係無學校比你讀書, 佢聽完都好以比以前好左, 哈...我個仔好怕要做乞丐.
致於重讀? 上小一? 如果佢只差好小, 而你又有信心係呢一兩年追到, 咁咪上囉, 因小學只得小一上學期係輕鬆小小, 跟住會好多功課, 完全無時間去追, 否則, 小朋友已有本身差距, 再加小學的壓力, 都幾痛苦.

原帖由 湘兒 於 11-8-21 01:56 發表
另外, 有幾個問題未解決.
1. 阿仔今年9月升K3, 早期訓練的社工說, k3課程大多關於升讀小一的適應, 每星期都會有,例如: 寫手冊, 執書包的training. 如果repeat, 會令佢心理上有唔適應. 因為已準備上小一, 但最後又維 ...

Geni

我個仔今年9月會原校重讀K3.

因為佢哥哥讀緊小學, 所以舊年自行分配O既時候已經派O左位, 搞埋註冊, 但因為佢K1O既時候已經知有speech delay, 而眼見佢同同齡O既小朋友仲有一段距離, 擔心佢應付唔到小一, 所以今年年頭O既時候再帶佢去做多次評估, 結果醫生話佢仲未達標, 建議俾佢遲一年入小一. 於是我就打去小一派位組問, 佢地話如果有"醫生證明", 咁今年個位可以CANCEL, 下年可以再參加過小一派位! 所以如果到時評估中心肯出信俾你證明有需要重讀K3, 就算開始O左小一派位先決定唔上小一都應該冇問題.

講番小朋友O既心理, 因為K3最後O個幾個星期學校搞O左個小一模擬課程, 所以我個仔開始意識到K3之後會上小學(佢之前係講極都唔明乜O野係升小學), 所以我都要成日話佢知要留O係幼稚園多一年先上小學, 佢依家好似OK, 但我諗9月開學O既時候佢發現D同班同學唔見哂就會再問....

另外就係小朋友O既能力, 我地一路都擔心佢唔明老師講乜所以應付唔到小學比較單向O既教學形式, 點知當佢地學校搞小一模擬O既時候, 我地發覺佢其實又唔係想像中咁差, 係中文同數學理解差少少, 一般計算佢都OK, 而且英文仲滿分.... 搞到我地都唔知俾佢重讀係O岩定錯....

所以我覺得唔需要太早做決定, 問清楚評估中心會唔會出REPORT俾你, 同埋問埋派位組接唔接受評估中心O既REPORT, 如果OK O既就可以有時間慢慢諗清楚O既!

湘兒

謝謝你們的建議!
今早就要去見醫生, 看看情況如何再跟大家談!

wister

家長應該可以自行決定系咪比小朋友留級吧？又唔系校方要求妳阿仔留

pocoyo123

以我所問過教育局, 佢地話係自行派位同大抽獎唔同, 大抽獎係1月入表, 佢同我講如果入左大抽獎係一定唔可以再抽, AND學卷也是一樣, 如果你參加左大抽獎是不會再給你多一年學卷, 這是我今年打去問時教育局同我咁講.P.S 可能自行派位係唔同, 或者自行派位後, 你又未大抽獎, 又有醫生信, 佢可能又比你重讀, 但佢話點解大抽獎唔得呢, 因為公平問題, 以前有人試過大抽獎派唔到理想學校, 就出D醫生信話要重讀, 出年要抽多次, 所以公平起見, 一生人只可抽一次咁話.

Geni

原帖由 pocoyo123 於 11-8-22 19:22 發表
以我所問過教育局, 佢地話係自行派位同大抽獎唔同, 大抽獎係1月入表, 佢同我講如果入左大抽獎係一定唔可以再抽, AND學卷也是一樣, 如果你參加左大抽獎是不會再給你多一年學卷, 這是我今年打去問時教育局同我咁講.P.S ...

咁我又真係冇諗過自行同大抽獎嘅處理方法唔同喎！咁真係要問清楚，又或者係咪放榜之前放棄都ok呢？(因為我自行已經得咗,唔駛參加大抽獎，但我係喺五月(即大抽獎放榜前)嘅時候寄信放棄個位的)總之記得問清問楚！

話時話,我反而冇諗過可以申請多一年學卷, 等我打去問吓先!

[ 本帖最後由 Geni 於 11-8-22 20:51 編輯 ]

rinapang

我也曾問過教育局, 若入表小一"大抽獎", 即先前自行時沒有學位, 在4月時寫信給教育局要求退出統一派位,因考慮兒童能力, 想repeat k3, 下一年抽過是可以的, 他們5月才抽學位。
這不算再抽一次, 因在未抽時已退出, 但若然已入讀小一(私校), 讀即使從未參加大抽獎也不可以在下一年參加統一派位.
至於學劵問題, 可以在開學後即9月10月再申請多一年是可以的, 要家長信寫明原因, 學校校長信証明, 治療師/醫生信件証明便可.文件齊全, 很快便會批!
***但不記得有沒有年齡上限, 要打電話去資助辦事處問清楚

[ 本帖最後由 rinapang 於 11-8-22 22:51 編輯 ]

湘兒

我今日去左智能測驗中心, 見專家醫生. 經過一些寫字, 讀, 各方面測阿仔後,醫生覺得阿仔係邏輯思維, 說話方面, 認字, 寫字方面都比較差! 所以建議重讀K2, 而之前校長就叫我重讀K3.

她說, 阿仔要打好基礎先再上K3, 他一預到唔識就會逃避, 又或者講其他野分散我既注意力. 某程度上他的性格阻礙了他學習. 阿仔比較shy. 她說, 阿仔其實應該意識到自己交功課既時候係比其他同學差, 所以重要的是提高他的自信. 最好就會重讀K2(全日班), 可以學埋自理能力. 阿仔本身讀(下午班的).

說到底,我內心有點唔開心, 個仔係我一手一腳湊大,  點樣先可以對阿仔黎講最好?? 我好1516...

但我想先不要理會重讀是否會進步很多, 而是先顧好他的內在心理因素.

我也致電了校方, 校方說K2下午班有位, 全日班就FULL了. 下午班就大約10人,全日班大約20幾人一班 (數字未CONFIRM), 聽日約左校長詳談!

我好認同pocoyo的一句說話, 每個家長都知香港小學的功課&進度係幾多&急, 無一定的底子, 根本係追唔上條隊, 去到小三, 可能連陪跑都無份.

rinapang

若學校比你repeat k2, 我覺得repeat k2較好, 因上到k3, 課程會再深, 囝囝同你感到壓力也大, 再者, k3下學期學校會講小學之事, 又有畢業綵, 囝囝發覺經歷完所有事後仲係k3(若repeat k3), 對他來說, 落差很大!
不用不開心, repeat k2時與囝囝努力認字, 看書, 一起打好基礎再上k3!

pocoyo123

重讀K2 /K3都係目標一樣, 想小朋友追近些差距, 多些時間準備, 打好底子, 如K2他也未能掌握得好, 免強上K3, 佢又係跟唔到, 差距只會月來月大, 須知上課是要理解到先有興趣學習, 如每一天小朋友也跟不上, 只會遊雲, 咁又有乜意義

samanthat38

Hi 湘兒,
不要太過失望.因事情/情況往往與預期有落差,必定會帶來失望.但想深一層,早点知道誤差,加以調節,免得浪費時間也不失為萬幸之事(放開個人感受.)
不要介意CAC一向評估較保守,因教局/社署以他們的repeat 為最大依據,往往涉及資料服务分配,所以一向較保守,如遇marginal case 會盡量叫你試,如試主流小學,試K3...etc.  So, CAC suggest令郎 repeat K2, 你可藉此要求服务,eg : 早訓 (exceptional case)因此為特別 case, maybe 酌情處理.因是他suggest 你 not 你要求.學卷一定沒有問題.
另這K2 repeat 比K3為佳 for 小朋友的心理情況,因部份 normal 細仔也會 repeat K2 以打好底.Furthermore, K2 課程多是執筆技巧和簡單書寫基本功,可多加訓練,
又不用經歷小一模擬和畢業彩排..等以致要多加解釋和心理落差.己懂的課程,不用追趕,家長在家多了時間於書寫和認字 (weak part)多加家居訓練.
至於全曰班和半日班問題,可向校長留位 or change school. If 你真很喜歡現校,也可留K3全日班位.
另 suggest : 繪畫班可幫助寫字的空間感和執簞,書寫技巧,(執豆遊戲,泥膠也是很不錯的小股訓練活動.).靈活
度就要練剪紙和其他..etc (以上的訓練活動較有趣味性,我小朋友也是這樣improve 了很多.)
我也是過來人,小朋友因能力問題,早己決定 repeat K2,
8月出世,由於是工位(幼兒院)是社署管,所以校長肯收也要社署批,,也要攪一大輪書信才OK.但老師評語追K3課程有点担心,於是我們更決心 repeat K2及後因K3Ｉ位服务問題 (要count 畢業時不滿7 yrs old,才可start 該年之服务,欠一天鄒不ok,即31/8出生鄒不可以get one more yr service. Repeat K2 那年做 CAC Test (Normal K3 prepare P.1 for test),及 後 CAC report magrinal. 試主流, aks 駐校心理學家和 private 心理學家,老師..etc suggest 入 special, 不要浪費時間. But later I get one more yr service of 工位 for K3 in the same KG,因社署見CAC report +很多医生信,專業心理學家信,加開會,酌情 give one more yr service.
今年(2011年),老師 comments improve 了很多,K3課程大致跟上,當然與 Normal 小朋友仍有距離,但己不再是很担心了.最近再CAC Test (用新評估表,深過以前),己升了around 10 points.(連以前的評估表 難度around 10 points-- private 心理學家講),即 total improve around 20 points. CAC comments : 入主流小學,不再是試入主流小學了. 我小朋友 coming Sept 是小學生了.
他和我鄒很開心,因此小學是小班教學和不是太傳统.但當然不是名校/.
希望你不要不開心,塞翁失馬,焉知非福?
小朋友的進步,是我們想象不到!
共勉之.

湘兒

原帖由 samanthat38 於 11-8-24 11:23 發表
Hi 湘兒,
不要太過失望.因事情/情況往往與預期有落差,必定會帶來失望.但想深一層,早点知道誤差,加以調節,免得浪費時間也不失為萬幸之事(放開個人感受.)
不要介意CAC一向評估較保守,因教局/社署以他們的repeat 為最大 ...

thanks for sharing. 你說:[[CAC一向評估較保守]], 難聽d講即係唔會死錯人嗎?
CAC醫生comment 阿仔, 建議重讀K2班, 於2012年9月才讀K3. 全日班較好. 而認讀文字及書寫較弱. 認知能力(智齡) 約4 - 4.5歲. 阿仔現在是5歲4個月. 4月出世, 算是大仔.
昨天跟校長傾談, 校長重讀高班較合適. 因為低班的課程較淺, 要阿仔由橫一直一寫起就太易了.低班由 "1-10" 重頭數起, 其實小朋友係講學習動機的. 阿仔都識, 就自然冇興趣去學. 他覺得阿仔英文數學方面都OK.
我自己覺得阿仔係低班下學期, 有些字未能掌握.
校長覺得如果阿仔讀低班, 上學期學的比較淺, 而深的K2同學又未學到, 校方都比唔到佢做, 要按整體進度. 而且, 低班同學仔說話方面也沒咁叻, 學習唔到.
相反地說, 如果在高班, 老師可以因應阿仔的能力去調整, 如果他寫不到高班的字, 那麼就會給他低班下學期的功課做! 如果阿仔句子唔得, 就會著重係句子到教他! 敕長也說到, 有2個老師可以附助阿仔, 個別協助,輔導他.
另外, 我話: 但到左高班會有畢業禮, 小一適應班那些. 對他的影響很大呢!
校長說, 影響最大莫過於日日以前同以前幼兒和低班自己同班既小朋友, 但阿仔跟別人唔同班.她覺得以阿仔有些固執的性格, 他要到別的班房, 他會樓計要去高班(即以前同班同學的班房.
最後她說建議就是這樣, 但repeat K2 or K3, 家長可以自我決定. 學校只有下午班(阿仔都係讀開下午班), 上午班及全日班也冇位.

其實我也明白校長的意思,
即是那時同學仔都升左上小學喇,
都冇辦法問到佢地乜野.
我應該相信校長及老師接觸阿仔2年, 應該好清楚阿仔的情緒行為發展(repeat k3)還是去相信專家醫生只見左阿仔1個鍾(repeat k2)的決定?

希望大家給我一點意見!

[ 本帖最後由 湘兒 於 11-8-24 17:10 編輯 ]

someoneelse

如果校長講到咁無敵，可以為孩子度身訂造適合既課程，睇怕都係照升K3吧！但樓主要有心理準備，校長是否真的講到做到？！因為講果個係校長，但落手落腳去做既係老師們！
加油！

kinheimom

我個仔係N1已經要repeat, 好明白你既心情
無可否認,能力弱既小朋友要好多自信先可以有推動力, 會有好既效果, 我個仔係 i 位, 有 i 位老師幫忙, 所以佢 repeat 左N1再讀上去,今年9月升N3, 學習上已沒有大問題, 跟到班進度 (當然係講遲一年既進度)
如果要repeat, 我覺得係K2 好過k3, 因為 K2有好多基礎野要學番,有時5係單只一畫寫字, 識一定識寫, 寫得好5好反而係另一個問題, K3要趕上小一, 其實實質幫肋不大
我反而擔心你升k3時無左e位會點?  你一向有無做c+ services?