學小提琴，需要學鋼琴先？

涼子

想俾阿女大概到三歲半時學小提琴，但又聽過有家長講，話小朋友如有小小音樂知識(例如已學開鋼琴),咁學其他樂器就會易上手，進步會快d. 但另ㄧ方面，因我自己都有學過小提琴，亦懂少少鋼琴，相比之下，係初學階段來講，鋼琴又好似易上手d，亦因為咁，怕佢會只focus係鋼琴而怕了小提琴(因初學係辛苦，要企住練琴)，想請問各位有小朋友學小提琴的家長，佢地直接學小提琴，定學鋼琴先？唔該晒！！

reei

my daughter started on violin. her teacher recommended that she wait till she learn Minuet 3 before starting piano, because piano is easier and she might not want to practice violin after learning piano. so i will wait another 1 or 2 years and see if her interest in piano persists, then will let her learn piano.

lillymarie

我囝囝學小提琴, 試過同時學小提琴和鋼琴幾個月. 但最後放棄鋼琴, 專心學小提琴. 初期讀譜和數拍子我自己教佢囉, 現在要老師教佢啦. 可以兼顧兩種或以上樂器的小朋友好犀利呢.

涼子

原帖由 reei 於 11-8-16 17:58 發表
my daughter started on violin. her teacher recommended that she wait till she learn Minuet 3 before starting piano, because piano is easier and she might not want to practice violin after learning pia ...

Thanks for your sharing reei, May I ask what grade does the Minuet 3 belong to? And at what age did ur child start learning violin? Thanks again!!

涼子

原帖由 lillymarie 於 11-8-16 18:34 發表
我囝囝學小提琴, 試過同時學小提琴和鋼琴幾個月. 但最後放棄鋼琴, 專心學小提琴. 初期讀譜和數拍子我自己教佢囉, 現在要老師教佢啦. 可以兼顧兩種或以上樂器的小朋友好犀利呢. ...

多謝你的回覆，請問你囝囝係唔係到了小提琴有一定水準先開始學鋼琴呢？我諗你囝囝始終興趣都係小提琴，成功感大。
因我覺得練琴真係好花時間，所以盡量都想佢集中係小提琴度。但完全無鋼琴底去學小提琴效果會係點，真係希望大家俾d意見。

marcuscyrus

原帖由 涼子 於 11-8-16 17:44 發表
想俾阿女大概到三歲半時學小提琴，但又聽過有家長講，話小朋友如有小小音樂知識(例如已學開鋼琴),咁學其他樂器就會易上手，進步會快d. 但另ㄧ方面，因我自己都有學過小提琴，亦懂少少鋼琴，相比之下，係初學階段來講，鋼琴又好似易上 ...

我仔係學琴一年之後才學小提琴，以前細個我都係學琴先再學小提琴，不過後來專心鋼琴(屋企亦冇辦法比我學哂2樣)，我細個學小提琴只係o係學校拉左2年，有琴底係學得快好多，但當然唔=拉得好好，我仔小提琴只係學左幾個月，當然因為佢rudiment 已經識，所以一開始都好易上手，樓主你小朋友係咪好細?佢大d你比佢自己揀啦，有時都唔係你想佢學乜佢就學乜的

mylau

我囡囡5歲學鋼琴，5歲半加埋小提琴；小提琴係佢自己要求學，而我就提議不如先學鋼琴，有少少底先加小提琴，因我完全唔識音樂，佢拉錯音我都冇辦法幫到佢。先學piano我覺得係幫到小朋友易上手violin的。
已經學左2年幾，可能囡囡性格比較定，2種樂器都學得幾平均，從來冇話抗拒練邊樣，反而我話cut 是但一樣，佢仲喊話唔好。
你小朋友仲好細，或者等佢大多少少比佢選擇；我囡係4歲多時，無端端同我講想學小提琴的。而到現時，佢又真係violin相對表現好過鋼琴，可能佢自己鐘意吧！

reei

minuet 3 is in suzuki book 1. i will wait another year or so before starting piano. as you know, all kids love to 'play' piano, but learning and practising daily needs a lot of effort. i want to make sure her interest is genuine before investing in piano.

iamfansma

mylau, 我的情況同你一樣,係小朋友無啦啦話要學小提琴的,之前聽都好小聽呢個名,好神奇,剛開始學佢好大興趣,開心過學琴,但條路好漫長,我哋仍然走音中,哈哈

mio8390

現在學兩種樂器的人已是很普通，三四種也不桸其。

原帖由 lillymarie 於 11-8-16 18:34 發表
我囝囝學小提琴, 試過同時學小提琴和鋼琴幾個月. 但最後放棄鋼琴, 專心學小提琴. 初期讀譜和數拍子我自己教佢囉, 現在要老師教佢啦. 可以兼顧兩種或以上樂器的小朋友好犀利呢. ...

lillymarie

原帖由 涼子 於 11-8-17 00:26 發表

多謝你的回覆，請問你囝囝係唔係到了小提琴有一定水準先開始學鋼琴呢？我諗你囝囝始終興趣都係小提琴，成功感大。
因我覺得練琴真係好花時間，所以盡量都想佢集中係小提琴度。但完全無鋼琴底去學小提琴效果會係點，真係希望大 ...

他學了小提琴半年後，再加學鋼琴幾個月。後來停學鋼琴，因為發現我自己一樣要幫他教他，多學一樣樂器等於多一倍功夫。是的，囝囝較喜歡小提琴。本來他也想加學鋼琴，我哄他小提琴考了八級才學。他現在可沒興趣再學了，因為想留多點時間玩。

marcuscyrus

原帖由 ilovethiscow 於 11-8-17 14:43 發表
可惜 近幾年 一個勁O既長笛人都無

就是... 個個都學幾樣... 無樣精~

係除左樂器之外仲要學其他野~_~

mylau

原帖由 iamfansma 於 11-8-17 09:50 發表
mylau, 我的情況同你一樣,係小朋友無啦啦話要學小提琴的,之前聽都好小聽呢個名,好神奇,剛開始學佢好大興趣,開心過學琴,但條路好漫長,我哋仍然走音中,哈哈
...

佢地真係好得意，幾時見過d乜野樂器我地都唔知，就話想學，仲真係學得好認真。
所以有時真係唔係我地打算比什麼佢地，就會發生，我囡從出生開始既發展都同我既想法背道而馳的。
我囡初學時，老師係個老伯伯，手法傳統，唔會響小提琴到標記手指位，所以佢初初練習時我同時彈番個音比佢聽(阿囡教我既)，對改善走音好有幫助的，如你家有piano，都可一試！

wbmom

係呀，哥哥學開Piano，屋企已有一個好的piano，順理成章叫細佬學啦，點知佢話（當時4歲）piano的音唔好聽，鍾意violin，為俾佢學violin，點知學學下，又話都係學埋piano喇，藉口係會幫到佢學violin。
不過學了piano係對睇譜真係有幫助，而家輪到佢成日想quit piano，但我又唔俾，因一早講明，要學就最少學到5級鋼琴兼樂理才可放棄。

[quote]原帖由 mylau 於 11-8-18 01:28 發表

佢地真係好得意，幾時見過d乜野樂器我地都唔知，就話想學，仲真係學得好認真。

bebebe12345

三歲半......直接學小提琴好了。

tammyhw

阿囝4YRS 學小提琴. 我原本都"打算"俾佢學鋼琴... 但同阿囝溝通之後, 佢根本唔鍾意鋼琴, 只係鐘意小提琴 (其實一早感覺到, 家裡有鋼琴, 但他從來無主動去彈 ) ...........
於是我們一開始就學小提琴, 現在學左幾個月, 他都仲好鐘意.....
其實你不如問下小朋友鐘意那樣樂器才決定學那一樣..... 我覺得咁樣大家都開心......

iamfansma

三歲半可能唔夠力

AmandaAu

我仔仔4歲, 唔知佢對音樂有冇興趣, 我自己又冇學過樂器, 想比佢學鋼琴, 但屋企又冇鋼琴比佢練習, 所以想比佢學牧童笛先, 想問下牧童笛係咪比較容易學d呢? 抑或學小提琴先比較好d呢?

[ 本帖最後由 AmandaAu 於 11-8-18 15:34 編輯 ]