聖羅撒vs聖家

cameo

原帖由 天瑜 於 11-8-27 05:17 發表
Cameo,

再次恭喜你和囡囡！

我大女小学时代也有被老师作出不合理对待的experience.

我感谢上天安排，小五学期末和上述老师一次见面中，老师对我女所说的不是，我也有为她据理力争。（我真系觉得自己非常勇敢！）

到了小六，上述 ...

thanks天瑜^^
老實講,無論係我當初第一志願的HTC,或是而家入左o既OLR,都係一間令我及小女感覺好舒服o既學校!
老實講,我自己都有D唔習慣,以往喺SRL聽個talk好似被訓話咁,有乜問題都係推向家長及學生,到左而家,小女都慣性老師係咩形象,佢今日返OLR迎新,見到大姐姐,第一個最重要的問題,係問呢度D老師惡唔惡=.=
老實講,惡老師可以係好老師(小朋友會接受嗎?),但好老師唔一定係惡老師(小朋友係咪易接受得多呢?),小女都要重新適應咩係"老師" !
我亦要重新去適應,做校長唔一定係滿口官腔地訓話,今日聽左成朝OLR教職o既說話,佢地會喺家長及學生處境去著想,提出好多假設性問題及方法俾家長去作好預備,提供好多溝通渠道俾家長去聯絡學校及了解學校,,,,,,
以往喺SRL不愉快已算過去咯,我當時無能力去為小女力爭到D咩,因為小女性格實在會同有關教職員鬥氣,試問一個十零歲小朋友又點夠一個成年人"鬥"呢?有關人物總會識得喺灰色位置去"處理"小女的小問題,將之放大,對人唔對事o既手法亦令我唔理解佢為乜要從事教育???
或者呢d都算係陰影吧???所以喺升中選校時,我不時周圍問人請教,希望唔會再搵錯學校俾小女,唔想佢再受罪多6年,都要再多謝你,當時喺我最緊張無助之際,你俾左好多有用意見,及安慰^^ 再講,雖則我當時唔在乎學校喺升中上的協助,但事實佢地係零協助!

redkoni

原帖由 天瑜 於 11-8-28 00:13 發表
CAMEO,
您所說的，我身同感受!
我現在回想番自己小學二年級，(好似沒有老師緣似的)，我又因為一些誤會被老師罰。
如果不是我姊姊一次忘記攜帶家中鎖匙前來找我求救，才發現此事!  
因為父親愛女心切，他為我出了頭，寫了手冊待我 ...

天瑜姐, 原來你細細個巳經咁有本事激親老師, 失覺晒. 你父親大人真錫你, 可惜以前的學校不少是很封閉, 家長選擇息事寧人都是為子女好, 祈求子女不會再被針對.

cameo

原帖由 天瑜 於 11-8-28 00:13 發表
CAMEO,
您所說的，我身同感受!
我現在回想番自己小學二年級，(好似沒有老師緣似的)，我又因為一些誤會被老師罰。
如果不是我姊姊一次忘記攜帶家中鎖匙前來找我求救，才發現此事!  
因為父親愛女心切，他為我出了頭，寫了手冊待我 ...

見到你放小忌廉做頭像,真係令我懷疑我同你係同年,,,hahaha
其實我女問題已經唔似單單係陰影,係佢將某D事當作"平常地負面",幼稚園時期佢係大女(1月出世),讀書各樣稱心如意,剛SRL小一時,亦期望自己有機會做班長,亦樂意做組長收功課,,,,,時至今日,只要小小風吹草動,佢都反應過敏,特別有關老師,學校評價大多偏向負面,甚至可能太多我無機會見到o既校內生活,都影響住佢諗法 !
諗多左,諗錯左....
e.g今日OLR個TALK開場時,副校長只係輕鬆叫小朋友問問身邊媽咪一個小問題,我女坐定定無反應---->慣性一動不如一靜,佢一D都唔輕鬆!
e.g佢地見完班主任後,阿女話老師唔覺意露左口風,5/9先收暑期作業---->人地都唔係露口風,本身就係話你知無咁急1/9要交,俾多幾日你地做又有乜所謂???但佢唔慣老師o既好意!!!
e.g今日安排校內大姐姐同佢地迎新,喺本新生小冊子為佢寫上評語,大姐姐形容小女係"一個冷靜的小妹妹" --->阿女話好好笑,叫我睇=.=佢慣性受罰受鬧,唔慣有心熱心去對佢!
e.g早2日喺OLR上一個drama lesson,個老師揀左小女做helper,全堂主力幫老師--->阿女唔慣被重視,一放學即以出奇o既態度去講呢件事!
講左咁多,都唔係想加深去抹黑SRL,當你有幸喺5歲時就搵到一間作風理念完全合小朋友o既學校時,當然可以心安理得讀夠六年就升中,不過,當有一個學生喺小一派位入左嚟,佢性格唔合你地學校,佢想咩??家長想咩??可以話咁易轉校咩??可以話咁易去轉變一個小朋友性格去迎合你地學校咩???
小女唔合學校,當然唔係要間學校去改變遷就,但唔好針對,唔好同一個小朋友鬥氣,做家長實在好難坐喺屋企去解釋校內o既事俾小朋友知,,,,
e.g上運動課,掉豆袋!小女一掉出,正好吹雞要停,咁對面同學無用手接到,就誤掉中頸,小女即時睇對方有冇受傷並即時道歉,當時根本在場老師都無見到!! 但當大家已落堂上樓梯回課室,老師知道此事就大為緊張,叫小女及當時人出去問,再去操場案件重演,再電我,叫我去學校一次,,,,我開初重以為小女有意去攻擊同學呀(因為老師語氣真係令我有誤解!),我更以為對方受傷,對方家長要求見我???原來全部都唔係,,,,,,,,,,,,佢叫我返去睇吓操場個地下,佢用筆劃底左當時我個女喺邊個位掉豆袋,對方企邊個位被掉中
我自己花左好多時間去為小女解釋(事實係被針對),對方無受傷,亦唔係主動向老師投訴,對方家長當然無投訴(根本只係小事),而呢位老師亦親口講左當時有請教校長點去處理,,,,
我想講,有時間請花喺認真教學方面吧! 3次呈分試完晒,當時我個心真係好想快D畢業,因為再返學真係唔知為乜??

elmolly

原帖由 cameo 於 11-8-28 01:30 發表

見到你放小忌廉做頭像,真係令我懷疑我同你係同年,,,hahaha
其實我女問題已經唔似單單係陰影,係佢將某D事當作"平常地負面",幼稚園時期佢係大女(1月出世),讀書各樣稱心如意,剛SRL小一時,亦期望自己有機會做班長,亦樂 ...

睇左好耐有關你女起SRL既經歷, 真係好彩當年連kg都無同個女去in, 亦都唔會再考慮呢間學校. 其實我小學讀聖家中學讀OLR, 好慶幸兩間學校都唔似SRL既風格, 如果唔係可能而家既我都會乜都逆來順受

希望新學校可以慢慢改變你囡囡既性格, 令佢對學校建立返正面既印象

cameo

原帖由 天瑜 於 11-8-28 18:53 發表
redknoi 兄/姊,
我只是說了一句: 我冇! (傾計)
被針對 / 被屈的感覺是很難受的!  "解釋"對該名老師來說，簡直是"慌話"/"掩飾"，再罰重d!   (因為我有解釋，所以罰重左。可能老師沒有下台階，都係蠢左!)
同期，隔離班仲勁，一位 ...

我當年有被老師打過呀,我由細父母都無打過我(喺我有記憶以嚟),,,
老師小學時期屈我自己改默書簿,又要見校長又要見家長,我真係無做過,佢反問我咁係邊個做??其實當年我唔識駁咀,講真,我鬼知咩,佢收左本簿,責任似乎喺佢度喎,,,
到中學,我被玩得重勁,,,但呢間中學係而家頗受歡迎的band1中學,唔係SRL呀,,hahahaha

我都希望阿女唔會好似我咁慘,我細個讀書唔太差,不過因為返學唔開心,無再讀上去咯~~~

redkoni

原帖由 天瑜 於 11-8-28 18:53 發表
redknoi 兄/姊,
我只是說了一句: 我冇! (傾計)
被針對 / 被屈的感覺是很難受的! "解釋"對該名老師來說，簡直是"慌話"/"掩飾"，再罰重d! (因為我有解釋，所以罰重左。可能老師沒有下台階，都係蠢左!)
同期，隔離班仲勁，一位同學(班長)，只是問下老師張畫放在哪兒，就被無喇喇，在臉上送了一把手掌印。
體罰在我小學時代是不容許的，當然，同學媽媽有投訴喇! 但該名老師沒有離職，或許她有各家長道歉。

你記性真好, 小二的經歷都記得咁清楚, 讀書一定好叻, 而且抱打不平, 塞翁失馬焉知非福.  我中學也有頑皮同學時不時被前方飛過來粉擦粉筆狀等物體撞擊, 也試過見有隻紙飛機從後方飛出但錯誤撞上狀似黑板的大山, 當然有人事後被掟咗出課室, 現在回想返也算是讀書生活的點綴. 平心而論, 依家老師一個人對一佰幾十個學生, 又要應付同事,校長,家長,以及朝令夕改的教育政策, 相信就算瞓身都很難做好呢份工.

redkoni

原帖由 cameo 於 11-8-28 23:33 發表

我都希望阿女唔會好似我咁慘,我細個讀書唔太差,不過因為返學唔開心,無再讀上去咯~~~

阿囡讀中學會識多咗新朋友, 朋輩的影響力更大, 應該會唔同晒架喇, 你都巳經盡咗力, 咪順其自然囉.

霖霖B媽咪

原帖由 redkoni 於 11-8-29 02:48 發表


阿囡讀中學會識多咗新朋友, 朋輩的影響力更大, 應該會唔同晒架喇, 你都巳經盡咗力, 咪順其自然囉.

對我黎講, 亞女最大陰影係唔肯再讀天主教女校囉...
唔知係咪經過派位失意之事, 我更加留意亞女, 以至近日係fb上看見佢地學校既學生既言行, 我都有好大理由相信, 我小朋友性格既掘強同很強既自我保護主意, 唔多唔少同係環境所成.
依家希望環境既轉變, 對佢都係一個好開始, 不過相信佢要一般時間去適應, 因為佢以前會因為自卑, 所以為左保護自己而會先作出強勢既防避. 可能依家已經成為習慣.
正如她上次上適應班遲到, 訓導主任沒有鬧她, 只是勸她下次要預早點交通時間, 對佢黎講, 真係從未遇過既遭遇....
其實六年來, 我都有不停反復思量, 自己係咪同亞女做錯決定? 不過, 想了一年, 又一年, 依家仲畢業埋添 !!!

redkoni

原帖由 霖霖B媽咪 於 11-8-29 18:00 發表

正如她上次上適應班遲到, 訓導主任沒有鬧她, 只是勸她下次要預早點交通時間, 對佢黎講, 真係從未遇過既遭遇....
其實六年來, 我都有不停反復思量, 自己係咪同亞女做錯決定? 不過, 想了一年, 又一年, 依家仲畢業埋添 !!!

明白你的想法. 不過, 巳經過去了便不值得反復思量, 中學是另一個階段, 讓同學去思考, 結交新朋友.  樂觀一點吧, 相信囡囡具有她的能力去適應新環境.

momama

I know the parents of St Rose this year.  I also know my friend left HF in May, could not wait until summer time.

There is no good or bad school at all.

Opus599

其實，本想懶理SRL的紛爭，由得那些用家（學生家長或過來人）暢所欲言，反正事不關己；你們抹黑SRL，我又不會有切膚之痛；但無奈我天生就是如此多管閒事，最終還是沉不住氣，不吐不快。

到目前為止，我對於SRL，仍有很強烈的厭惡感！（我也有自由表達我的讀後感吧！這些不都是你們的目的嗎？只是，換來卻不是同聲同氣罷了。）學校或許有不是之處，但令我反感的卻仍是學生家長。

我為何反感？事緣有位SRL幼稚園家長因為不能順利升入直屬小學而大發牢騷，看完她們的言論，雖說我是局外人，不會明白她們感受，但也因為我是旁觀者，才不會感情用事，可以平心而論，但想不到我只是寥寥幾句：「St. Rose小學是津校，從來都沒有人說過幼稚園生會直升小學，要不滿，要憤怒，都只是自尋煩惱，何苦呢？」但竟換來挑釁的說話：「我們接受有不同意見, 但你來"踩場"都應該"爬下格仔"先呀!」

不是心情欠佳便「大晒」，我只覺得她說的理據很自相矛盾：
1. 不是想乞個學位（這形容詞是她們自己說的）。 -- 既然如此，更該處之泰然！
2. 津校叩門要做筆試。 -- 所謂真金不怕熊爐火，做筆試咪當做練習囉。難極都該沒有傳聞中聖方X的九張紙！
3. 場面混亂。 -- 今年小學要搬校舍，所以或許因此而「亂」，雖然不是藉口，但為何不可以多點體諒和包容？
4. 老師態度不佳。 -- 我估當時阿太語氣也不會好得去邊？
5. 除了SRL幼稚園生面試，竟還接納其他幼稚園生兼沒有選第一志願。 -- 既然事主都說自己千金名列前茅，兼有多間名校垂青，我又不明她何以「咁睇唔開」？
6. 捐了三年錢，所以有期望。 -- 我覺得這不是一個可以用的理據。

牢騷之言聽得多，所以後來我只說了句：「或者學校做事方法手段比較無情。但試問有哪一間多人爭的所謂名校是有情？」
有人又回我一句：「或者可能你識得名校唔多，...你首先自我反省吓先喇」

其實我覺得這樣的對話場面真的沒甚意思，一群碰壁的學生家長在困獸鬥，所謂忠言逆耳，實在沒有談下去的空間。什麼是「名校」，都是別人冠上去的。名校真的不需要認識得太多，在女拔或Maryknoll那群人中，或者未必會將馬頭涌等視之為名校。（我沒有說她不是好學校，不要對號入座。）強如35區的天神，也有家長不知那是什麼學校，還問了句：「IQ博士？」

我沒有指明說SRL的家長沒修養，太多人對號入座，人必自侮而後人侮之，我只是說：看過有篇談及Snoopy校長的討論，感覺到何謂修養，又或者可以如此說：說話（文字）之間，我覺得那些家長大致上都是有修養的人。「修養」不是說寫的文字是否「文縐縐」，當然若果太多白字或錯字，別人總會從中看出一點端倪，我所指的修養是說「人的思維」和「處理事情的態度」。

所以我明白，為什麼女拔在面試完考生之後，校長總會瞄一瞄考生家長，當中實在意義深遠。

在BK中，我知道有網上打手這回事，但我看得出講很多說話那幾位，應該都是過氣學生家長，我想問問閣下，在你們捍衛言論自由的同時，有否想過在輰所欲言之際，其實背後也正在同時傷害那些仍在SRL就讀的小妹妹？你們是在做好事（所謂分享經歷，讓人有所選擇），抑或是好心做壞事？

抹黑（或唱衰）一間學校，旁觀者自然就只會本著片面之詞，對那間學校多了一份負面的評價。即使你們自說已抽身，與那六年的黑色小學生涯說再見而不再見，但真的可以置身事外，一了百了嗎？

從今以後，旁人或會說（或心在評估）：「哦，乜原來妳是從那間有問題的學校出來的！」

A太見B太個女穿著SRL的校服，心諗：「唉，真慘，要在那間咁差的學校讀書！」

我見有更多的回應：「好彩我個女入唔到SRL！」或「好彩無選擇SRL！」......

情何以堪？當我們去衡量利弊的時候，為什麼不去多想一步？有任何不滿，何不直接寫信給校長？總之，將那損人又不利己的事情減到最低。在這裡潑婦罵街式的對話，有失身份，閣下亦然。

[ 本帖最後由 Opus599 於 11-9-1 13:12 編輯 ]

kls12

原帖由 Opus599 於 11-8-30 12:34 發表
其實，本想懶理SRL的紛爭，由得那些用家（學生家長或過來人）暢所欲言，反正事不關己；你們抹黑SRL，我又不會有切膚之痛；但無奈我天生就是如此多管閒事，最終還是沉不住氣，不吐不快。

到目前為止，我對於SRL，仍有很強烈的厭惡感！（我也有自 ...

往年，甚少有人談及SRL.
今年，有幾位家長就有一些較負面的消息。

你喜歡那一個現象呢？
是否不應說不好的東西呢？

或者，有沒有SRL家長可說一些優點出來呢？

cameo

原帖由 kls12 於 11-8-30 18:46 發表


往年，甚少有人談及SRL.
今年，有幾位家長就有一些較負面的消息。

你喜歡那一個現象呢？
是否不應說不好的東西呢？

或者，有沒有SRL家長可說一些優點出來呢？ ...

其實對我嚟講,都唔係今年先談及SRL,小女由小一開始,我已用分享心態喺BK聞聊!!!
6年嚟亦因升小升中問題,亦有家長PM,only分享心態,談唔上咩經驗之談,只係唔想有人誤會我為抹黑而入嚟,而且,我相信有興趣入讀SRL的,必唔會單單睇呢個topic,佢地會睇埋其他post ! 喺小學一覽入面一直都有SRL家長傾緊校內大小事項!!!

http://forum.edu-kingdom.com/viewthread.php?tid=600513&extra=page%3D5&page=1

tatasin

睇咗好近期對聖羅撤小學的討論, 我都希望想知有無媽咪可有聖羅撤啲好的地方可分享一下, 謝謝

piggy-ma

Hello Cameo

支持你。

何解說說囡囡的經歷就是抹黑呢？港大生又有沒有抹黑曾偉雄呢？影響曾Sir形象呀！

cameo

原帖由 tatasin 於 11-8-31 13:32 發表
睇咗好近期對聖羅撤小學的討論, 我都希望想知有無媽咪可有聖羅撤啲好的地方可分享一下, 謝謝

http://forum.edu-kingdom.com/viewthread.php?tid=600513&extra=page%3D5&page=1

不用客氣,其實bk入面小學一覽一直有各區小學討論!