N1 勁喊

jelly-pudding

我想請問， 我仔仔剛剛足左兩歲， 呢兩日岩岩返N1。 佢一向很怕陌生人的， 不過只要有媽媽OR印姐的時候都還可以。 可是不知為什麼， 這兩天一踏入幼稚園就喊， 就算我陪住抱住都喊足一個鐘要走， 點算好呀? 佢今日仲喊到嘔。。。
明明5月6月時曾經到過這家幼稚園返過PLAYGROUP，那時候都冇驚冇喊的， 又肯玩老師都很NICE呀.

平時同佢去行街，去PLAYHOUSE 去公園都唔會咁的， 請問我可以點做呢?

carmen1102008

我囝囝今年返k1，以下係我小小分享：

我兒子性格慢熱，都好怕羞，當日返N班情況和你兒子相似，但就未有喊到喊。但橫觀當日我兒子的同學，一般喊一個星期就無再喊，我個仔：喊足個半月))))))))))))))係要強硬將阿囝交比老師抱住入課室，我自己都忍唔住喊埋

其實佢係因為分離這種感覺唔舒服，你的小朋應該未完全可表達學校的狀況，你可以電話問老師當日小朋友做了什麼，和他多談學校的生活“我為好誇張話比佢知，你就好啦，可以返學，我就無得返，媽媽要返工，你可唔可以好似老師咁教返媽咪呀……等等”仲有同佢玩下點名遊戲…等

我諗你小朋友都只不過開學幾天，不用太擔心，我們也要學識放手，讓小朋友自己去適應，總有一天，你會見到你小朋友是開心地步入校園的。

jelly-pudding

原帖由 carmen1102008 於 11-8-11 01:14 發表
我囝囝今年返k1，以下係我小小分享：

我兒子性格慢熱，都好怕羞，當日返N班情況和你兒子相似，但就未有喊到喊。但橫觀當日我兒子的同學，一般喊一個星期就無再喊，我個仔：喊足個半月))))))))))))))係要強硬將阿囝交比老師抱住入課 ...

Thank you very much for your sharing! I will try your method.  Today the teacher called me at 3pm while I am working at office, she told me about my son's situation, he is improving every day.

I really hope 總有一天，會見到小朋友是開心地步入校園的。

irene_the_pooh

其實好多書都講小朋友 (特別係男仔) 唔係咁適合太早返學，如果女仔3歲係合適年齡既話，男仔就可能遲一年添！

但香港既現實就係咁，你唔入大把人入，有時都唔到我地揀！

4001cc

我囡上星期三都返N班.

聽老師校長講家長真係要信老師, 同要恨. 家長送完返學就要離開小朋友視線. 就近喊, 都唔好望回頭, 等老師用佢地既經驗, 安定小朋友.

如小朋友喊而家長又好可憐咁, 老師就做唔到野架喇.

不過話就係咁講, 有朋友囡囡都喊佐半年

ncls

原帖由 irene_the_pooh 於 11-8-14 20:56 發表
其實好多書都講小朋友 (特別係男仔) 唔係咁適合太早返學，如果女仔3歲係合適年齡既話，男仔就可能遲一年添！

但香港既現實就係咁，你唔入大把人入，有時都唔到我地揀！ ...

請問,點解男仔唔適合太早返學,可唔可以講多一點呢? 因為我囝2009年12月出世,有做大仔定細仔的煩惱...thanks

suetsuet8

我囡囡比jelly-pudding 同carmen1102008仲怕羞，讵下星期就返N1 啦，我都怕她是否適應到？

little_yolky

無煩惱, 請做大仔, 真的, 做大仔, 一生受用！

原帖由 ncls 於 11-8-23 22:36 發表


請問,點解男仔唔適合太早返學,可唔可以講多一點呢? 因為我囝2009年12月出世,有做大仔定細仔的煩惱...thanks

milkybb

我囝囝都係超怕與我分離，他在一月剛返n班時，喊了1個月，每次都好唔捨得同我分開 ，老師要抱他入課室。但入課室後，五分鐘就可以settle down 。我也專登到書店買了一些兒童的圖書，內容係說開學的情況，晚上睡覺前與他說故事。經驗亦告訴我，與他在學校話別的時間愈短愈好，他就不會哭得太厲害。另外，我也有每天與他貼貼紙在月曆上，表示那天他返學沒有喊，過了痛苦的一個月之後，他已無哭了。
今個月返k1已2星期了，他只哭了一次，之後已無再哭了。
做媽媽的真的要忍心放手

jelly-pudding

好開心! 我工人同我講依兩日接bb放學時佢都冇喊, 仲有少少笑容tim!
雖然我早上送佢返學時同埋byebye時佢都有喊, 不過at least 佢o係學校時可能已經好左好多呢! BB加油!

4001cc

咁就好喇. 證明小朋友有進步.

原帖由 jelly-pudding 於 11-8-26 18:34 發表
好開心! 我工人同我講依兩日接bb放學時佢都冇喊, 仲有少少笑容tim!
雖然我早上送佢返學時同埋byebye時佢都有喊, 不過at least 佢o係學校時可能已經好左好多呢! BB加油!  ...

Cindyjasper

原帖由 jelly-pudding 於 11-8-10 23:41 發表
我想請問， 我仔仔剛剛足左兩歲， 呢兩日岩岩返N1。 佢一向很怕陌生人的， 不過只要有媽媽OR印姐的時候都還可以。 可是不知為什麼， 這兩天一踏入幼稚園就喊， 就算我陪住抱住都喊足一個鐘要走， 點算好呀? 佢今日仲喊到嘔。。。 ...

你要忍心D, 擺底佢俾老師, 唔好再望佢, 自己走, 佢慢慢就會慣, 唔會喊

Happypypy

其實我個都係大仔 一月出世 不過佢依然喊 一入學校 就話要去廁所又話大便又話小便 其實就咩都無得去 , 唉 ~ 佢係想拖長時間入課室 不過 我都會照樣同佢去 !

佢一向都唔怕陌生 我相信都係唔慣 分離的感覺 ., ~

所以大細仔都無咩大關係 但係學O野方面可以快手D上手羅 !

jelly-pudding

唉, 我個仔開咗課足足一個月啦, 仲係日日喊, 點算好呀.

BTW 佢係8月出世的, 都算細B吧.

debbieip

唔出奇, 我仔仔番N班都喊左一個月!
之前有媽咪話
"你要忍心D, 擺底佢俾老師, 唔好再望佢, 自己走, 佢慢慢就會慣, 唔會喊"
係真架, 仟其唔好心軟, 好快咁交佢比老師, 好好開心咁同佢講BYE, BYE! 係校長教我架!

唔好係門口望呀! 我仔仔上到K1中段, 見我係門口望, 又會喊過.....