首選係培正嗎?

ss2003

各位已報名的媽咪, 你地首選係培正嗎?

聽日面試了, 有d緊張, 其實有無人知培正收生準則係點架?

ss2003

聽過人講:
一喊即out,
唔喊亦唔一定收,
識答問題又唔收,
舊生家長又唔一定收,
即係點先會收??

loklok0104

我BB都係明天面試(3:30PM), 好緊張呀!

1) 我覺得"培正"收生準則首先係離開父母時, 唔可以咸, 要較自立。

2) 小朋友與3老師聊天, 內容圍繞孩子既日常生活, 從談話既過程中, 觀察小朋友如何跟其他人相處, 能否明白老師既提問, 同埋小朋友可否清楚回答問題, 如果小朋友唔出聲, 老師唔知佢究竟明唔明, 或想點, 咁就一定OUT。

3) 另外, 亦會同小朋友玩遊戲, 睇吓能否聽從老師既指示, 及融洽地與小朋友相處。

我覺得以上既野對於2歲幾既小朋友實在有難道!

connie04

我覺得冇準則, 在幾分鐘內in 5 個小朋友, 可以睇到d咩? 所以我覺得係睇年紀大細, 和合唔合眼緣, 應該係in 得最冇壓力的一間.  得左咪當中六合彩囉, 唔駛緊張, 我11號才考.
我朋友是培正mami, 佢話那年囝囝能考到, 係因為同他in 的小朋友喊得好緊要, 老師問題也很simple, 指著魚問係咩.  而當時佢囝囝都好靚仔, 是個活潑的小朋友.

Alexismama

兩位, 我係今年培正K1家長, 好好彩阿女去年中左獎, 我估大家都咁諗,係咪????

其實呢個問題我估無一個家長可以解答, 你問我, 我都唔識答, 去年在2,3XX個小朋友中選240個, 每組5個小朋友見, 即係話平均每兩組才有一個入選, 學校是如何分配入選名單也是一個謎, 有數個課室同一時間進行面試, 個別老師對學生的喜好都有分別, 有些喜愛文靜乖巧, 有些可能喜愛活潑開朗。許多人說一喊即OUT, 但我眼見老師是會給予喊的小朋友一個機會稍後再作面試, 但是否已扣分就不得而知。

在小女上學的頭幾天, 哭的孩子大有人在, 小女也不例外, 但老師說當我離開後, 她很快就投入上課, 其實喊是初上學小朋友的必經階段(當然也有例外)。我想培正不一定是一喊即OUT, 但如果小朋友在面試時未能作出適當反應讓老師作出評估, 那學校就只能取錄已作評估的小朋友, 這可能是我自己想當然的想法。

無論如何, 在這麼劇烈的競爭中, 就算未能被取錄亦不代表自己的孩子不及別人,有時也是看一點彩數, 抱著平常心, 祝大家小朋友面試順利     

connie04

Hi Alexismama,

上年我有個朋友的囡囡in培正時, 也是喊,但之後也有給她在mami 倍同下再in, 她是細女, 問題可以答晒, 但沒有入選, 但我來說, 入唔入選也是其次, 培正這樣安排我覺得己是不錯, 不會一喊即OUT, 唔理你, 但要mami倍住in, 分數一定會扣d瓜, 請問你的囡囡是否大女 ? :

大碼BB媽媽

咁多間出名幼稚園,我只報考培正, 因我喜歡佢可直上小學.其他如根德園,SC,到時話就話有著數,但咪一樣要煩! 不過由於太難入,我都有而家讀緊嘅幼兒班做back-up.
今朝大碼BB見咗培正啦!大致順利.佢好早就去到培正玩, warm-up曬, 先去報到, 等上班房.老公話,未入課室,就已經有個小朋友喊, 老師已唔比佢入.其餘4個就跟隨老師逐一帶入班房.入了班房,又有2個小朋友喊, 不過就冇帶出番去,2-3分鐘之後, 已完成了.大碼BB手持1個玩具, 就笑笑口行出班房.  但我問佢老師問咩, 佢又唔講, 只係話老師同佢玩圖畫.
大碼BB冇喊已是一大鼓舞,我已滿意佢表現.我見學校個程序表, 今日一個早上, 已見了630人......仲有下午同下星期......咁咪成2000人?  只收240人, 簡直係睇運氣. ?

SammiDaddy

大碼BB媽媽:

我囡囡都係大碼, 希望佢下星期面試時都好似你小朋友咁好表現啦!

祝你成功!

Alexismama

connie04,

我囡囡唔算太大, 以培正來說是中間, 佢係三月BB     

ss2003

Alexismama 寫道:
connie04,

我囡囡唔算太大, 以培正來說是中間, 佢係三月BB     

咁我個算係細女囉, 7月, 機會好微

loklok0104

ss2003 寫道:
[quote]
Alexismama 寫道:
connie04,

我囡囡唔算太大, 以培正來說是中間, 佢係三月BB     

咁我個算係細女囉, 7月, 機會好微[/quote]

各位媽咪:

咁! 我個大隻B咪係最大羅(1月4日出世) 而家52lbs, 強勁呀! 佢得確比其他同年既小朋友較成熟!

ss2003

loklok0104,

你個大隻B重過我奀妹一倍呀 實掂啦你

大碼BB媽媽

嘩!好勁呀!大碼BB都係98cm高,35磅咋...... : 大碼BB2月13日出世.

loklok0104

大碼BB媽媽,

大隻BB 1歲時已34 磅啦!(出世時7磅3安士), 同你BB一樣都係98cm高

其實大件o的係唔係都會著數o的呢, 我有個同事系咁講輲窩!

KelvinMaMa

我個仔都是大碼, 佢101cm高 35.2磅，出世時欠一安士８磅．四月出世，人人都問我，點解他甘高大．

培正都是我首選，不過朋友話平常心去考，之後問亞仔幾次，他都話問橙，蘋果等，我相信他真是有答覆老師的問題．不過我亦相信識答問題的小朋友很多，都是隨緣吧！

SammiDaddy

我的大碼囡囡都係100cm/35lbs. 十二月出世.

connie04

咁培正收生真係偏向大bb多, 我聽過有幼稚園以1-6個月定為大,7-12月為細, 我bb是8月尾出生, 以培正的收生日期來計, 是超細bb.  

Alexismama

connie04,

唔好咁諗, 等我比支強心針你, 我咪話阿女唔算大, 佢三月, 係班入面真係排中間架, 一班30人, 佢排16, 而有幾個係7/8月出世, 我個女個BUDDY仲係8月2x日出世tim, 果個x仲係好大ge號碼, 唔使打定輸數, 有時流傳不可盡信, 我個女入讀後, 很多對培正收生的一些負面傳聞都不攻自破啦。主要都係睇小朋友本身的表現。果個小朋友真係好精靈架, 我地幾個家長見到佢都覺得佢好可愛, 又有問有答, 咁佢得到面試老師的喜愛, 有咩出奇呢     

earth

如果父或母是幼稚園及小學的校友會否大機會啲呢???

小LEGO老豆

我信一定有.