我個仔咁既表現, 要去做邊類評估?

Michelle_Hung

死啦, 同我個仔好似!! 佢K1時去學校旅行寧願玩埋一邊都唔現集體遊戲, 叫佢佢兩叫仲大喊添! K2 時我地問佢邊個同學係最鍾意, 佢會答"無", "我無朋友架, 我唔識佢地個名!" 平時返學放學見到同學仔好開心咁走來叫佢, 佢會好似唔識人咁擰轉頭走開, 問佢果個邊個來佢就話唔知!
唔同o既係我地一直有同班主任反映, 已明示我地覺得個仔有問題, 但老師話佢平時好正常, 係無咁主動, 見佢都有同同學交流, 仲話佢係好乖的學生! (事實佢返了三年KG個個班主任都好鐘意佢) 堅持佢無問題
現在K3, 早兩個月去同學生日會, 全部都係一齊返o左一年的同班同學, 佢去到完全唔同任何人玩, 自己坐埋一邊寫字, 激死我, 但佢又會好期待去生日會架喎! 問佢佢話覺得o的小朋友好嘈同埋好曳所以唔想同佢地玩!
在家又係吋咀仔一名, 樣樣頂住晒, 吋過碼頭咕喱, 佢前日剛五歲, 我係唔係排唔到政府架喇??? 佢係細仔, 老師都話無事我地就以為佢係細仔所以慢, 但發覺越來越唔對路, 佢真係唔同小朋友玩架, 同BB或大過佢的先玩, 差唔多size佢一見就走頭!!
我又唔係好識同醫生講佢有咩問題, 我驚我講完又好似o的老師反應, 係唔係普通家庭醫生都可以照睇, 佢地都會初步診斷下架??