有無BB想下年9月報將軍澳區的pre-nusery?大家傾吓好唔好?

chau_mandy

Hi BabyDim,
其實我最初的目標是俾我個大女2月插班PN下學期，多讀半年PN希望可以有利於喺下年考更好的K1，但係願望落空，兩間翠茵都唔收下學期插班。
我打算只讀am。聽聞國際班只有一位外籍老師當班主任，配以每天半小時的普通話，這有別於新寶城翠茵，兩年前我阿仔讀PN時，是雙班主任制，一local一net，新都城好似唔一樣。我都要搞清楚先。

johnstarks

我個係1010 b, 仲未收到新都城翠茵 interview letter 呀, 佢地話呢一兩日會再寄出一批信.

你地 interview 流程係點呀?
係唔係 in 完就收?

szesze1812

係0米即場收0既都係新都城個邊呀?? 因為我係in 坑口, 但係佢話要等一個星期先知result.. 我想問有無in 坑口0既又即場收0左ga?

BabyDim

你的兒子兩年前在新寶城讀pn ? 你覺得滿意嗎?
其實我都無concern 到幾多個班主任的問題, 我都要研究一下...... 謝謝您的提醒!!!

我那天都有in 新寶城, 不過要等一星期後才有 result.
但單看interview 那天的情況, 新都城的感覺略勝一籌. 因為普通話老師的口音較標準, 而英文科老師的提問技巧, 似乎也是新都城的較佳. 當然, 我只能跟幾個老師有接觸, 這不代表整體老師的素質.

這樣, 以你的經驗, 如果兩間都收, 你會選擇新寶城還是新都城呢??

原帖由 chau_mandy 於 11-10-10 08:19 發表
Hi BabyDim,
其實我最初的目標是俾我個大女2月插班PN下學期，多讀半年PN希望可以有利於喺下年考更好的K1，但係願望落空，兩間翠茵都唔收下學期插班。
我打算只讀am。聽聞國際班只有一位外籍老師當班主任，配以每天半小時的普 ...

BabyDim

我那天也有in 坑口, 剛才下班回家, 收到封信話肯收小朋友嘞.

原帖由 szesze1812 於 11-10-10 11:01 發表
係0米即場收0既都係新都城個邊呀?? 因為我係in 坑口, 但係佢話要等一個星期先知result.. 我想問有無in 坑口0既又即場收0左ga?

chau_mandy

我剛剛都收到新寶城的acceptance letter，2012/08開學。等我再去追吓2012/02插班嘅學位先，同埋真係要搞清楚班主任嘅問題。如果可以插班，我會選新寶城，沒有的話，就好大機會係新都城，因為我家在新都城，實在太近了。
兩年前，阿仔讀新寶城的PN是可以接受的，畢業時雖然還不能說英文（他是11月插班生，只讀了8個月），但老師說的他都聽得懂，普通話就認真麻麻喇。因為翠茵沒有學卷，所以升k1時轉咗校。

BabyDim

我同事講,(他兩個小朋友之前都在新都城讀,一路讀左4年,  其中一個更加連新寶城都有返過學), 如果一班中的學生人數較多, 就雙班主任, 如果人較少, 就一個班主任. 不過我吾肯定現在是否仍是這樣.

咁你阿仔讀新寶城的時候, 老師多不多主動致電聯絡你架? (特別係剛上學初期) 你兒子是否讀local 班?

我明天會去新寶城交留位費, 你有無問題要問? 我順便問埋啦~~~

szesze1812

我尋日都收到信啦.. 不過我係apply 全日, 但係佢就收0左我am , 再waiting 全日... 因為佢話全日班有quota, 係成間學校計.. 所以要優先比依家讀緊0既n 班先 wor.. 但係我一心想讀全日ga ma.. 如果到時wait 唔到, 都唔知點算... 佢話就算真係wait 唔到都唔會退錢ga la..

fungarjan

你好呀, chau_mandy

介唔介意講下你仔仔轉左去邊間有學劵既學校呀?
我都未決定到比個仔讀邊間, 又怕到時轉k1 無位.

vkbb0413

超黑，收到信２２／１０　ｉｎｔｅｒｖｉｅｗ，但個日去旅行ｉｎ唔到，打去改期，話要等到１２月頭，一路收生再睇吓仲有無位。。。變咗白交報名費。。。。

BabyDim

我在新寶城interview 的時候, 都問那外籍老師 whole day class 的位多不多, 她說其實都好多學生係whole day 既.

新都城那邊也有點奇怪, 我apply whole day, 佢只在單據上tick am session, 校長同主任分別同我講, 話am 收得我的話, whole day 應該無問題, 只不過8月份所有小朋友都只能返 半日, 因為怕不適應. 但, 真係有咁多 whole day 位嗎?
我諗, 兩個都係咁講, 應該吾會反口, 到時話無whole day 位掛!!??  如果我找不到whole day 位, 真係好大煲呀!!!!!!! 無人可以睇住阿仔架...... @@

[ 本帖最後由 BabyDim 於 11-10-11 17:53 編輯 ]

szesze1812

BABYDIM: 但係我係坑口個間wor.. 你估一唔一樣啦?? 因為我都係一心想要全日班ga.. 好驚到時無呀!!

BabyDim

szesze1812,
坑口那間, 我封 acceptance letter 上係 tick 左 whole day session 架!
你有無 apply 其他有全日 offer 的學校呀?

szesze1812

BABYDIM: 你whole day 唔洗wait, 收0左啦?? 你交表number 係幾多呀??

rognfan

請問新寶城翠茵PN收幾多人? AM IPN又收幾多? 我遲了交form, 要22/10才in, 相信機會好微 .

綠茵, 我好早交form, 又係未收到信in, 但據我所知8/10已經in 1月至6月B, 我B是5月B, 打電話問佢, 一時話in 到2月B, 一時話in 到5月B, 所以我覺得佢地行政好有問題.

BabyDim

szesze1812,
係呀, whole day 收左嘞! 我交表number 係十幾, 那天好早(6am)去排隊.

原帖由 szesze1812 於 11-10-12 10:58 發表
BABYDIM: 你whole day 唔洗wait, 收0左啦?? 你交表number 係幾多呀??

chau_mandy

阿仔最初返學的時候，喊咗好一段時間。由於大部分時間係我老公帶返學，接放學，所以需要打電話俾我的次數唔多。因為我阿仔係讀國際班，所以就算老師打電話來，都係講英文，even老師本身係香港本地人…真係好搞笑！佢凈係同我個印尼工人姐姐講廣東話 ：）
我暫時只係想知道有無機會做本年度下學期插班生，我已經問咗好多次，答案都係NO...非常失望。

szesze1812

BABYDIM: 你就好啦... 我7點先去到.. 排49, 所以要waiting whole day lu..

BabyDim

如果不可以插班, 咁你有咩打算? 新都城那邊有無得插班?

我去新寶城交留位費的時候, 校長話向教統局apply緊, 明年轉在9月份開學, 變左交11個月學費. 校長都頗有耐性回答問題呢!

BabyDim

szesze1812,
我無賓賓, 又無可靠的親戚, 所以一定一定要揾 whole day 幼兒園!

btw, 你個女係咪9月25日生日架?