你們的小孩要多久才不怕上學?

YingMa_1

我個女2歲, 剛剛上私人S位, 佢在學校樓下未上課室已經哭得很勁, 她是十分固執, 脾氣差的小朋友, 可能因為老師會用強硬手法訓練, 她很怕上學
她有輕微至中度自傾, 我覺得早些訓練會好D, 但爸爸覺得她太細, 不要迫她上學, 我當然希望上學會對她有幫助, 但又怕她會退步,有冇同路人可分享吓?

kelvin_hmlau

當年小兒都讀過私人S位, 很快(1星期)就停止哭鬧了. 其實正常2歲N 班都可能要時間適應, 不用太擔心.

正所謂受人錢財, 替人消災, 佢地應該有辦法令佢進步. 無辦法就唯有一刀兩斷啦.

正如你所講, 佢地d 姑娘好多都係協康出身. 用的方法會比較嚴格(尤其係幼兒導師).

記得有一次觀課, 個仔食完餅唔肯飲水, d 姑娘就捉住手灌佢飲. 佢地認為飲水問題係固執行為(即係無經大腦處理的反射行為), 處理方法就係一定要佢飲(同食飯飲奶一樣). 老實講, 有d 野真係自己做唔出.

兩歲比佢讀一年私人S, 3歲希望入返主流幼稚園(E/I 位)啦! 努力!

YingMa_1

多謝你的分享
我都明白要時間適應
我會睇多一兩個月才考慮轉另一間

天之涯

YingMa,你唔使擔心,我仔仔初初返S位時都係好扭計,成日喊,我帶佢返學又扯住我唔俾我走,但返咗一個月左右佢就完全適應,而家總好鍾意返學!

autunmbb

我個仔開頭返n班都係數見到門口就喊，喊到入課室，喊左兩三個星期就無喊，但都唔係自己入課室，再過多陣佢自己入課室乜問題都無。到左今個星期佢放完假又返s位，又係入到中心就喊，呢間中心佢都成日去，不過佢可能唔想我走，不過老師比玩具佢，唔駛五分鐘就收聲。

owl_2046

私人S位D老師都好強硬下, 當年我仔入去前, 佢除左用奶樽飲野之外係唔會用其他杯, 老師向我保証一個月內搵掂佢, 我觀課時見佢地都係夾硬迫我個仔, 我見到都心痛, 但我都係攪佢唔掂先用昂貴金錢去搵人幫...結果真係掂左.
對我地D仔係要硬心腸, 今日佢喊, 總好過他朝喊果個係我地.

angels'mom

每個小朋友的情況都唔同，可能某一間學校唔係咁適合某個小朋友，但我覺得一定要堅持做訓練，千萬不要錯過黃金時間。

有些小朋友對圖片比較接受，要看到圖片或相片才清晰知道要去邊。

有些小朋友對突然轉變的環境會感到恐懼，可能要預先講好將會做的事情。

不過你的小朋友始終只有2歲，一定需要適應期的，加油﹗