搵唔到學校插班點算><

Peanuts

我女巳經repeat左3年中一, 今年依然升唔到級, 雖然學校俾佢繼續留級, 但冇理由再repeat第4年掛
佢張成績表, 得d副科合格, 中英數都係4x, 總平均分都係4x, 3年都係咁上下, 佢根本冇放個心去讀書, 我都巳經講到冇氣, 想同佢跟, 佢又唔帶書番屋企, 一係就有書冇作業/簿, 手冊又唔寫家課, 頭果年學校老師同社工都有幫手同佢傾, 又俾佢去補習, 但佢都係咁!  舊年(第2年讀中一)放暑假前一日社工打俾我話亞女升唔到級, 叫我同佢轉校升中二, 當時我一D心理準備都冇(原本諗住可以補考),  亞女除左成績唔好, 操行D, (因為遲到/欠功課/欠帶書等等等等一大串缺點, 扣晒操行分) 我驚搵唔到好學校, 最後決定俾佢留多一年(而家有D後悔), 希望佢生生性性, 點知今年有2科轉左用英文教, 而亞女依然懶懶閒, 考試前一星期先搬D書番黎, 考試前一日拎黎望下, 咁樣點會有好成績!  原本今次考試份卷佢中英同另外2科都僅僅合格, 但拉左平均分之後又全部變成唔合格

6月中我開始病, 7月頭入左醫院, 喺醫院果時學校社工打俾我話亞女今年都升唔到(今年早左通知), 咁我一出院就即刻同佢去報學校, 打電話去好多都話冇位, 佢D咁嘅成績同操行只可以報BAND 3學校, 但到而家只有2間打黎話冇位, 其他學校完全冇回覆我真係冇諗過連BAND 3學校都唔收...

而家巳經8月, 我好傍徨, 都唔知點算, 亞女話寧願停學都唔番去repeat

talknwrite

真係唔知點回應好!

祝你及你的女都有好的轉變

cookingmama1208

原帖由 Peanuts 於 11-8-3 17:52 發表
我女巳經repeat左3年中一, 今年依然升唔到級, 雖然學校俾佢繼續留級, 但冇理由再repeat第4年掛
佢張成績表, 得d副科合格, 中英數都係4x, 總平均分都係4x, 3年都係咁上下, 佢根本冇放個心去讀書, 我都巳經講 ...

不要灰心啦, 比你囡囡repeat也不是壞事, 如果硬要升上去而根讀不上重慘, 最緊要是學校方面沒有標籤你囡囡, 有時間試試再和囡囡傾吓吧, 最緊要不要停學, 停了學就更加難重拾課本了!  又或者會否考慮"展翅計劃"/職業訓練局那些呢? 可能囡囡會有興趣呢! (但詳情我不是太清楚, 你可以上他們的web  site 看看吧!)

**努力加油呀, 不要放棄 **

Skywan

其實佢個心及強項是否不在讀書方面... 不如比机會佢從其他方面找出興趣, 努力....呀!
祝你及女女找對路后, 女女亦有好的轉變!!!

另外有沒有查下 ive .... 有無合適的課程......

因為前年朋友的仔仔原校升吾到中四, 當時也是四處也找不到學校收佢... 最后由原校社工幫忙於原校留位比佢... 但佢吾想讀... 最后ive 8月中尾(都好遲)收佢並入讀 ... 現在... 從中找到適合的路 及希望...

原帖由 Peanuts 於 11-8-3 17:52 發表
我女巳經repeat左3年中一, 今年依然升唔到級, 雖然學校俾佢繼續留級, 但冇理由再repeat第4年掛
佢張成績表, 得d副科合格, 中英數都係4x, 總平均分都係4x, 3年都係咁上下, 佢根本冇放個心去讀書, 我都巳經講 ...

[ 本帖最後由 Skywan 於 11-8-4 00:55 編輯 ]

bbily

唉! 知道都鄧你急，但...
第一我覺得你要同個女傾，了解清楚係個女問題，還是學校的問題。
若學校令她不想學習，那幫她轉才有用。
若是她的問題，你要有心理預備，單純轉校，無對正下藥，在新校一年後可能又重讀。
第二若轉校，試找一間好有關愛的基督教學校，在一個關愛的環境下，幫她建立正面的思想，才有正面的做法。

hongkeikei

hi peanut,

聽到都替妳著急!

不過,我覺得轉校會較好.因為妳女兒這幾年的成績證明學校未能引發她的學習動機,最重要是學校的水平不適合妳的女兒!

找一間校風好的band 2尾/band3學校再努力吧.

p.s.可說說妳現時學校的banding和考慮選校的區域嗎?

[ 本帖最後由 hongkeikei 於 11-8-4 02:37 編輯 ]

TINGMUM

找一些收錢的直資學校吧, 有些學費不貴, 收生又鬆,一定有位, 你囡囡需要轉下環境. 希望你有好消息.

Peanuts

好耐冇上黎BK, 呢度各位家長依然係咁NICE, 好多謝各位嘅回應同鼓勵~

IVE/實用中學果D我都有睇過, 佢地要求F3程度+15歲以上, 我女得F1.....其實係咪一定唔收我就唔知, 因為冇去問過, 我考慮到佢得F1程度, 就算有項專長, 將來要去進修OR搵野做都會好困難

可能我每日放工番去都同亞女講搵唔到學校唔知點算, 佢開始有D著緊, 今日俾左幾間學校電話叫佢打去問收唔收插班(其實我巳經問過), 另外預備左左2份申請表叫佢自己拎去學校交, 佢都肯去做(之前唔肯), 頭先佢打電話同我講全部學校都強調操行要好, 其中一間因為操行冇B唔肯收表, 我希望佢感受到因為自己唔努力, 唔珍惜機會, 而家得到嘅結果...

我女讀緊嘅係油尖旺區一間BAND 2頭嘅基督教學校, 因為舊年年尾我地搬左去將軍澳, 所以而家主力都係搵TKO嘅學校(BAND2 尾/BAND 3), 另外都報左潮州, 廠商會, 諸聖 (呢D係學校社工介紹的), 除左廠商會覆左冇位之外, 其他學校完全冇回音...

而家咁嘅情形, 可能要去搵其他區嘅學校, 不過我一D頭緒都冇 直資學校而家都諗緊, 但我驚長遠負擔唔到學費(我一個人養2個女)...

P-Ma

你會嘗試Band 3 直資嗎?

學費不太貴，數百元一個月，但可能對你來說就都幾遠，你會考慮嗎?

如會考慮，請pm我

hongkeikei

原帖由 Peanuts 於 11-8-4 16:04 發表
好耐冇上黎BK, 呢度各位家長依然係咁NICE, 好多謝各位嘅回應同鼓勵~
,
IVE/實用中學果D我都有睇過, 佢地要求F3程度+15歲以上, 我女得F1.....其實係咪一定唔收我就唔知, 因為冇去問過, 我考慮到佢得F1程度, 就算有項專 ...

將軍澳匯知中學,學費一年都係7千元左右,可以考慮下!

Aunt-epe

呢位媽咪, TKO D中學唔洗唸啦, 大部份都截止申請同收夠學生. 據我所知匯知中學係7尾都收齊夠啦. 或者你要跨區再搵. 唔好放棄. 天無絕人之路, 或者等埋8月尾九月頭可能有學校D學生退學就有後補位. 俾心機.

talknwrite

所有直資學校都需要預留一筆錢給有需要家庭申請減免學費.

wingleema

沙田區應該多位d, 係就係遠d, 但總好過再留班

yph2005

其實, 有無試下林大輝, 雖然好似校風一般, 但著重運動, 如你的女兒喜歡運動的話, 因為我覺得這間學校好似不太適合 , 若果他喜歡這學校及程度合適的話, 他會投入的, 所以盡快與他傾傾, 他喜歡運動形的學校 或活潑形的學校 , 因香港大部份Band 1 學校比較需要小朋友讀得 玩得 樣樣都要得 , 最後他是否有很大的壓力 , 因好多時壓力是來自父 母.

Tommy

叫阿女打電話去教育局問，佢地掌握到邊間學校有幾多個位，起碼可以收窄範圍，唔使四圍撲，教育局的員工好幫得手架，去問下喇！

放心！從教育局的資料顯示，將軍澳區一定有學位。

http://www.edb.gov.hk/FileManage ... acancy5_2011_sc.pdf

然後再到以下網頁了解教育局的服務：

http://www.edb.gov.hk/index.aspx?nodeID=3566&langno=2

最後，直接打電話去教育局，直接對話，揾相關的職員幫手。可參考以下的電話號碼：

http://www.edb.gov.hk/index.aspx?nodeID=2092&langno=2

記住！教育局先最幫到您手。

Peanuts

P-Ma, 巳pm你, 謝謝!  亦都多謝樓上各位的回應及意見

yph2005, 我同事兒子就是在林大輝讀, 他因為有學障, 所以讀體育班, 主力游水, 但我女兒運動普通而已, 她喜歡設計及繪畫

Tommy, 上星期我巳打去教署問過, 接電話的職員回覆我:
1) 搵私校
2) 向心儀學校報名
3) 重讀中一
我再打去分區辦事處, 佢話TKO學額未滿的, 講左2間學校名, 其中一間去到唔肯收表, 因為操行冇B

之前我去交表的學校, 事前我巳打電話去問, 都係回覆我有位, 而家全部冇回音, 我估主要係我女操行分低(C+), 學校社工亦講過, 搵D面臨殺校嘅學校, 成功機會會大D

我想問一下, 私校 = 直資 ??  

上星期學校社工打電話問我情況點, 我話未搵到, 咁佢話試下將個情況同學校講, 幫我問下學校可唔可以酌情俾亞女試升中二(要承諾如何改善學習及態度等等), 而家約左星期三番學校見教務主任, 佢講明只係接見, 冇任何承諾, 而且之後重要等學校開會決定

我而家一則喜一則憂, 主任肯見我地即係有機會啦, 但我好驚俾左個希望我, 最後又唔係果回事.....

師奶

原帖由 Peanuts 於 11-8-8 17:23 發表
P-Ma, 巳pm你, 謝謝!  亦都多謝樓上各位的回應及意見

yph2005, 我同事兒子就是在林大輝讀, 他因為有學障, 所以讀體育班, 主力游水, 但我女兒運動普通而已, 她喜歡設計及繪畫

Tommy, 上星期我巳打去教署問過, 接電 ...

祝願樓主女可以成功試升!

Tommy

希望您囡囡可以成功原校試升，但能否成功，好睇佢自己，唔可以樣樣野都要您為佢舖排。

我覺得學校教務主任要睇的係囡囡是否覺悟、是否有決心發奮，而未必睇媽媽的誠意和苦心（這個絕對無需懷疑）。您或者要同佢詳談，要佢自己諗清楚點解想原校試升？佢會期望自己有什麼改變？佢如何執行改變和發奮？ 改變的結果是什麼？若然達不到成果，她會有什麼打算？

如果佢親自講到這些承諾給主任聽，成功試升的機會是挺高的。利用呢兩晚同囡囡傾傾，多多練習練習。祝您地成功！

Tommy

Donmax

樓主,如果我係你我會找一日同女女拿住份成績表去試一下周圍搵工,等這個現實的社會教導下你女女, 連中五學歷都無佢未來的一生會係點樣.若佢夠年齡不妨讓佢試返幾日工,真係遠勝你講一千萬句話.可能佢試過後會珍惜上學有機會讀書! 就算讀書無興趣,都要找到自己其他的興趣,好似話佢有設計的興趣,可同佢去IVE網站看看最低入學要求,再鼓勵佢至少讀到中三,中三後可轉去工業學院學設計,再想進修話可同佢定立目標去外國,幫佢搵一條路線,唔好好似現在咁漫無目的,不斷重複.

IvyMun

[quote]原帖由 Donmax 於 11-8-8 21:51 發表
樓主,如果我係你我會找一日同女女拿住份成績表去試一下周圍搵工,等這個現實的社會教導下你女女, 連中五學歷都無佢未來的一生會係點樣.若佢夠年齡不妨讓佢試返幾日工,真係遠勝你講一千萬句話.可能佢試過後會珍惜上學 ... [/quote]
我贊成 Donmax 這個做法,要同阿囡商量一下,學校要求是學生有沒反思過? 未來一年要怎樣計劃學習態度?  蹉跎歲月,