請教大家如何控制自己情緒？面對孩子的時候

xixi1218

請教大家如何控制自己情緒？

特別是面對孩子的固執
孩子的突然發脾氣
孩子的不停自我刺激等等
都會讓我“忍無可忍”。。。。。

我知道必須控制自己不要生氣，但是忍到最後，我還是會發脾氣。我發脾氣，他就會停，可是我知道這不是辦法。怎樣才能讓自己富有更多的耐心呢？？我的EQ越來越不行了。。。。。我想我要從改變自己開始

請教大家有無類似經歷？爲什麽就是有家長能如此忍耐呢？

shirleycnf

我都係, 好唔開心, 點解要禁樣對我, 即使是上天覺得我有能力要委以重任, 我覺得真係好辛苦. 點解人地個仔禁醒, 可以專心上堂畫公仔又靚?! 我發癲罵他, 他又學足我罵番我轉頭, 我罵完他又好內疚,我好擔心他的將來, 唉...這就是我的人生, 永遠活在擔心, 激氣和內疚裹

蓮心

我在阿仔面前控制情緒OK,但就是不知道怎樣面對自己.有時自己會躲起來喊.止不住的流眼淚,我心內唔想喊架.

longheifung

我都好唔開心,雖然說不可與人比較,但真係好唔開心,點解人地d小朋友可以返學畫畫上暑期班,可以同父母傾計,仲有問有答,點解只有我不停說話/發問,卻沒有回答?即使有,都只是部份單字?點解我每天都生活在擔憂,勞氣,內疚中?有時真係控制唔到自己而對個仔咆哮,甚至動手打他,我知他很無辜,很可憐,但我真係有時情緒失控,慶幸大部份時間,我都是以良好的情緒去教他陪他,所以個仔好貼身.但每次想起他的將來,我就會喊,當然是背著他偷偷喊,雖說上天知我有能力才叫我有這個兒子,但會否是自我安慰?如果有得選,我都想沒有這個能力!其實好像我們這些父母,真係面對很大的情緒問題,又唔敢向身邊朋友表達,因為知道他們不會理解,有些仲會戴有色眼鏡看我個仔,認為他"有問題".

fatpam

無咁樣問題的朋友根本唔明白自己的痛苦，每次見到佢對人、事無反應，唔合作做訓練，唔受教發晒脾氣都好傷心。仲有個個月倒錢落海學d人人天生都做到的既野

見人地唔教d小朋友都咁醒

但我地唔可以放棄，否則未來我同佢仲慘，比心機mouth:" />

[ 本帖最後由 fatpam 於 11-8-1 07:17 編輯 ]

BKVIP

我都有問點解人地d 錢洗去培養小朋友學呢様學個様加強競爭力，而我d 錢就要用在訓練他基本能力上？

縱管別人已經跑得很遠，我們還在起跑點上，但當我見他有少少進步，我就會很高興。我生得佢出，就會永遠守護著他。

shirleycnf

我有些'朋友', 超討厭, 明知我小朋友2年前不懂唱英文歌, 特燈見佢個仔表演比我睇, 又試過有些'朋友', 見到我個仔怕事大哭, 他們又扮他哭的表情, 我心裹面又傷心又氣憤, 從此唔再出值他們的gathering. 我昨天帶我小朋友學野, 個導師話個天很公平, 我沒有博他, 但我心裹面真的想講, 我真係唔覺得lor.另外, 我常常被我外家屋企人話我唔帶多d個仔出街. 昨天有機會跟我同阿仔出街, 看到我仔仔無時停, 終於明白我的苦衷. 我真係想知我前世做錯左d嘜野事. 我好少打我個仔,我仔仔都覺得我好錫他, 但我內心深處, 我真係好好好唔開心, 好想喊, 但我難過到流不出眼淚. 我相信真的只有同樣問題的母親才能明白我感受. :~~~~<

BeBe媽媽

shirleycnf,
針唔吉到肉係唔知痛架!個導師跟本唔明白...就算係評估中心既職員或醫生吧!
我唔係話佢地唔一定明白我地既難處,只可以講佢地知道,但不是心裡明白果種囉!
我係全職媽,試過2次帶我仔出去同舊同事食飯,果位原本好FRIEND既舊同事,第2次同我講,下次唔好帶我仔出嚟喇!話佢坐唔定.個時我仔大約2歲大.
就係咁...之後佢約我飯聚,我都話要湊仔唔出得嚟...就咁不了了之 (我唔係ANGRY我朋友,只係,如果你唔LIKE,咁大家就唔好免強囉!)
你都可以得閒約我仔一齊出嚟玩架!
帶佢地去小D人既公園,比佢地走下....用晒佢地D ENGRY,咁佢地夜晚又會好瞓D,攰D無旭得咁多嘛! 呵呵

JJran

原帖由 shirleycnf 於 11-8-1 22:43 發表
我有些'朋友', 超討厭, 明知我小朋友2年前不懂唱英文歌, 特燈見佢個仔表演比我睇, 又試過有些'朋友', 見到我個仔怕事大哭, 他們又扮他哭的表情, 我心裹面又傷心又氣憤, 從此唔再出值他們的gathering. 我昨天帶我小朋 ...

係朋友既即使唔可以身同感受, 都應該多D諒解同顧及你的感受, 如果我身邊D朋友做D禁討厭同幼稚行為, 我會選擇唔來往算~ 小朋友係要出街同去公園玩, 尤其好多A仔都在大小肌肉活動能力上比較弱, 要加強鍛鍊補救 !

我囝囝2.5歲, 只會偶爾講下單詞, 又未識雙腳離地跳起, 上落樓梯要搵人扶, 我最近常常同佢玩行樓梯, 要佢自己扶扶手行, 佢雖然都可以單手扶扶手自己行但無信心, 重有排練習~

[ 本帖最後由 JJran 於 11-8-2 15:36 編輯 ]

yookko

請各位家長唔好灰心,我都是同路人,仲要加埋佢老表細佢4個月係資優,你話比較幾大!

我而家學會左感恩,冇人講過生出來的小孩一定係聰明伶俐,自己的小朋友有不足之處咪接受,由佢一歲開始到而家六歲,每日我自問真係冇一日停過,付出的心血不是外人能明白,每月訓練的費用更要$6,000-$10,000 不等,試乎嗰期攪什麼

不過付出係有回報,而家個仔由明顯的自閉兒童,到而家只係有固執行為,已經有好大進步,過程中自己有好大的得著,因學懂了對人的包容,真正無條件的愛,同幸福唔係必然,要靠自己努力,不要放棄

以前好擔心佢的將來,唔敢唔做工,就為左揾多些錢給他將來用,但有時真係唔駛咁擔心,天生我才必有用,盡了力便算,起碼將來望轉頭都無愧於心

Capricorn2521

聽完大家的心聲，我都想發表一下。

我自已都係偏向少帶亞仔出去同朋友gathering。雖然知道小朋友要多接觸社群，但朋友gathering這個方式暫時其實吾太適合。我顧得同朋友social，又吾可以在亞仔身邊同佢介紹新事物或教佢野。所以，我地多數都係同daddy一家人揸車周圍去玩，加一個月一次親戚家庭聚會及去學校的戶外活動。

最近因為亞仔開始溝通同脾氣都好左，又聽話左，我先開始嘗試帶佢同d好close好close的飯腳朋友出席小型活動，因為飯腳朋友的小朋友都係活潑型(不是a仔)，gathering地點要有玩具/遊戲室果d，時間只有2-3小時，非常謹慎地安排。加上這些朋友個個星期都聽我講我亞仔的進展，佢地果d小朋友又吾係聽話，而且我個仔個樣又好cute，所以佢地都好接受我個仔，成日要我帶佢出黎，我先開始帶佢出去。

依家佢地仲話叫我地10月一齊去澳門2日1夜團(當然係兒童玩樂團果隻)，我答應了，但都有d擔心，daddy又吾去。Big challenge for me....我要好好安排一下。

apple~y

朋友gathering,生日會我都無去好耐
平時都係同daddy行0下街算啦
我之前都有諗做錯左d嘜野事,攪到個仔0甘
懷孕時唔煙,唔酒,無亂吃藥,海鮮,深海魚都無吃
產前檢查做足,點解會0甘??
我一直都有自責,人0地又點會明呢種痛有幾痛.......
呻0下總好過收埋收埋係心度
喊完一陣企番起身,再努力過....

xixi1218

多謝各位的分享，我只會和一些同樣情況的人分享，而沒有和普通朋友說起自己孩子的情況或者和他們一起去玩，雖然有些孤獨，但是有時候這樣反而沒有更多的刺激，當然也難免遇到一些尷尬的情況，我有什麽辦法呢，只有自己忍。所以就比較辛苦。我都不知道爲什麽付出這麼多，收穫卻這麼少，希望，我再付出多一點，收穫能再多一點。雖說只求付出，不求回報，可是誰不想有回報呢？？？最近處於情緒低落期，希望快些振作起來。。。。。

yookko

Hi xixi 1218,

我最初和你一樣,好介意,唔敢比人知,我個仔i位,S位,E位都讀過,你話佢幾"傑出"呢! 但我漸漸悉懷了,唔介意比別人知道呀仔的不足之處,亦因為咁,你先知道你勇於接受同面對,先發現原來有好多隠形同路人係身邊,大家仲會交換不同資訊,有個同事仲同我一齊選小一,因為大家可以互相支持,

你要完全接受小朋友的不足之處,先可以更全面幫到佢,仲記得在他2歲多,一出街見人就喊,唔肯入MTR,我每天放工就帶他去公園,解釋其實其他人都好友善,遇到一些不太友善的人,我更主動去請他們向我個仔笑,去公園大概2個月,他便不再怕人了,所以你不要封鎖自己,正面一點

fatpam

Try to join 努力試課程 (絕對是新手必備) and talk with those special parents. You will learn a lot from them. Many of them are very very friendly, helpful and give you some useful advices and trainning information.

Go to church and pray when you feel really bad.

[ 本帖最後由 fatpam 於 11-8-3 21:14 編輯 ]

JJran

我相信總有些可以明白你和接受你孩子的朋友~ 我們這些家長的情緒起伏就一定有, 有時小朋友小小問題或身邊小小事物都會影響到...
我囝囝讀緊私人S位, 有時會羨慕某小朋友的言語能力和超人的刻板式記憶能力, 某小朋友的聽指示能力, 又有家長話羨慕我個仔可以好乖坐定定同上課時情緒穩定肯等候 (最近在家及出街多左發脾氣同喊)...但囝囝的理解力較差, 又有固執行為同玩手, 做訓練時有時令我好激氣~
你會唔報努力試? 我報左啦~或者參加協康的同心家長會, 識多D同路人傾下~

大家互相支持啦~

Capricorn2521

我懷孕時同你一樣小心。

可以我有一個朋友懷孕時食煙，情緒波動，又話要跳樓，同老公成日罵戰，反而佢個女好成熟，好留意人地的一舉一動，眉頭眼額，歲半講句子及能表示去大小便，2歲前已自動戒片。

xixi1218

所以。。。。真是避無可避。。。會不會我們都太小心了？？呵呵。
命也。

apple~y

大家同路人,感受至深
注定係自己,點小心都無用
之前一家人去酒樓飲茶,個酒樓侍應仲讚我
好命水1仔1女(細女4個月大),好美滿
咪笑笑口回應"係呀,係呀"
真係有苦自己知
細女4個月大健康院做發展監察都pass
暫時都放心

之前番普通幼稚園,巳經覺得個仔好另類
所以學校活動,親子活動都無參加
日常生活中尷尬情況時時有
下星期s位開學,希望幫到個仔啦
我都等仔仔好似你個仔開始溝通,情況好些
再試0下去朋友gathering

[ 本帖最後由 apple~y 於 11-8-4 11:55 編輯 ]