十萬個為什麼

KK168

為什麼會有老師上上下堂講電話 ? 仲大條道理話咩家人響外國打黎唔聽唔得，好! 一次唔聽唔得，點解響唔同既級別，唔同既時間都多次唔聽唔得既呢?


為什麼會有老師竟然會多於一次 "唔記得" 上堂，但又可以無端端攞住杯咖啡響門口經過既呢? 人地呈分試，個學生考左未唔知，唔記得，可以隨便就話咁你 B 啦。嘩! 唔好話 A 定 B 啦，差 5 分
都唔知去左幾遠喇，有人可以去到 C，
就係一個隨便。
喂，
我真係技不如人既我 C 我認命，
邊有咁求其架 ? 有家長往高層處投訴，老師竟然對住果個學生話 “你放心啦，
你今次一定 A 架喇 “，
咁我地作為家長應該如何去調較孩子此刻既情緒呢 ?

為什麼 "有教無類" 會變左"分門別類" ?? 將唔同能力既學生配對一下，
原意應該係好既。奈何校內標籤化嚴重，
有學生響學校廁所到寫下如何憎恨 "語文班" 既人。
響走廊，操場見到都會面左左，
當中亦少不了言語衝突。
但 d 學生有咁既行為亦唔可以話完全怪得曬佢地，
“精靈班” 既老師會問佢地，
點解大家都係精靈班，
人地隔離班點點點，
有咩獎咩獎，
點解你地又攞唔到呀 ? 你可以話呢 d 係鼓勵既說話黎既。連老師都比較, 學生又點會唔比丫,
哼，“平民班” 呢， d 老師都差唔多半放棄架喇，
又唔係話佢地唔教既。
咁，
睇下今年“平民班”既派位何其 “壯觀” 就知喇。
教得好會咁既咩，唔通 d 細路生出黎就識架喇，咁洗咩一日返咁多個鐘頭學呀， “平民班”同“精靈班” 3 比 2 ，派位大比數地“壯觀”。

為什麼遊學團 “ 大抽獎” 會變成 “暗標” ?? 喂，去新加坡又話公平係抽既， 叫 D 家長去見証下， 但抽完又唔開名， 摺住張紙攞走， 就話得喇得喇咁， 好死唔死有人講左出黎話係楝既， 家長們個個話比人擺左上檯， 你咁攪法， 有得去既笑笑口講左成年，無得去既咪比人覺得 “你無得去呀” 咁，你又唔好話抽啦, 仲好笑, 有學生仔講出黎，去到咁遠, “言行”對於一D人係好重要果播, 有個同學可能英語文法上有 D 錯令人失禮人前, 竟然有人 “出手教導” 實在太盡責了。

為什麼為左攞個咩”至營學校” 就唔理學生同家長既意見, 學生日日話幾難食幾難食唔理, 叫d 家長去試食, 個個都話佢無楝呢間, 結果又係果間, d學生食到腸胃炎又有, 嘔既又有, 當然你可以話佢地咁啱唔舒服啦, 間野行政又混亂, 打親去退飯都無人聽既, 有同學試過訂左飯唔夠分無飯食, 跑暈成座學校問亞姐都話無, 結果當然都係無, 學生放學後又要去補習, 就咁就餓左一日, 咁樣貼咁大個 “至營” 響個面到有咩用, 食唔食得先 ???

為什麼校外課程只係得全級 1-20名先有得參加既呢, 唔通第 21-25既就唔得 ? 校方只係比資訊, 所有野要自己填表,自己報名,
自己比錢,自己帶去,如果有教無類既,好應該 1-160都有。 得唔得各下自己爭取, 而唔係咁law。咁考 30既係唔係就少左一個機會? 考 100既就永遠都唔知發生緊咩事呢 ?

為什麼將人地既榮譽貼響自己既臉上呢 ? 想問下, 人地溜冰又關你學校咩事呢? 係, 人地咁叻值得分享, 但學校在這方面有無培訓個人地呢, 學校有無開設呢方面既活動呢? 人地既成就又與你何干呀? 洗唔洗頒完一次又一次, 真係可笑。奧數又係,人地咁傑出, 學校究竟教過佢 d 咩呢? 游水? 龍定鳳高層當然心裡有數,去到現場只係得一句 “xxx響邊 ?” 咁, 可能會有第二句既, 不過我就聽唔到 law, 咁佢有無睇到其實仲有其他同學都有參賽既, 咁就唔係好清楚喇

為什麼 “傑出學生” 唔同班會有唔同既評審標準, 某家長去問老師為何孩子會落選, 老師就話, 哦 ! 你呢面試答問題就最高分, 不過呢獎狀就唔夠人多, 好啦, 另外一班既人問, 哦 !我地呢係唔計校外比賽同獎項既, 只計校內, 又咁啱某學生家長放學一知道自己個果入左 15 強既時候大大聲咁話, “我地去贊下亞 xx 條裙好靚先“ 哈哈 ! 得左,咁家長們先知, 哦 ! 原來係咁, 呢個學生, 若論名次, 數多幾個都未到佢, 論面試最高分又唔會係佢, 獎項呢又無喎, 運動又無, 連學校運動會六年有五年都唔去, 咁點解又會有咁既結果呢 ?? 其實平心而論人地家長係無錯既, 佢地只不過係一個參賽者, 作為家長去為孩子 “開路 “ 係可以理解既, 我反而覺得問題在於 “受” 果個

KK168

為什麼同一件事處理手法會不同? 話說某個成績唔錯既學生A, 響網上面用粗口罵學生B, 學生B將証據印左出黎, 返到學校開埋個網比老師睇, 老師就同學生們話 “我依家唔處理呢件事, 你地亦唔好再提“ 好啦, 同學們好唔順氣都無辨法, 過左一D日子, 成績稍遜既學生Ｃ 又做左粗口罵人呢Ｄ野喎, 呵, 大件事喏, 只可嘆同人唔同命囉, 但家長應該點同D細解釋好呢, 係, 出黎社會實會有呢 D野架喇, 但小學咋喎 , 問題響邊個到呢 ??

為什麼上台領獎既會突然由男變女?? 又係 “人為錯誤” ?? 事前仲要吩咐 d細路, 一陣上台有 d 咩野, 唔好嘈, 唔好出聲, 又話係攪錯左, 但 “真人 show“ 完左後又攪番啱喎, 真係百思不得其解

唉 ! 要數為什麼真係仲有千千萬萬個, 只希望身為教育工作者的仍能有一點 “教育良心” 勿苦了孩子也苦了家長

Lovely媽咪

「為什麼上台領獎既會突然由男變女?? 又係 “人為錯誤” ?? 事前仲要吩咐 d細路, 一陣上台有 d 咩野, 唔好嘈, 唔好出聲, 又話係攪錯左, 但 “真人 show“ 完左後又攪番啱喎, 真係百思不得其解 」
可唔可以講多小小,因為咁樣真係好差

講真你所講既嘢好多我仔都有遇到,有試過俾老師針對,5年級係本家課日誌寫好大段嘢話我個仔點冇禮貌,但佢講既同事實根本有出入,個陣時見到真係好嬲,仲唔係寫一次就算,係隔日就寫,我心諗你唔駛上堂既咩,每次用成半時間寫咁多嘢,因為唔止我仔一個,最嬲係有某啲中學面試時會要求帶埋本手冊,我地學校分開2本,但當時唔肯定會唔會要求帶埋,如果要就真係俾佢累死

午膳商我仔仲慘,有一次食到發燒,醫生話應該係啲飯有菌,我都有同學校講,但有咩用最後咪又係話其他同學冇事,個別事件...而選飯商時唔知點解又係選佢,我抽唔中去試食,所以唔知呢間試食時係咪真係咁好.....最終最後個半年我仔寧願帶飯盒都唔肯再食

上年去星加坡我地都覺得唔係抽籤,有咩理由40個中有36個係語文班,但因覺得就算唔去都冇咩損失,又唔係唔駛錢,仲鬼死咁貴

咁多年我都覺得增潤課程好唔公平,但鬼叫自己個仔成績不及人,只係有啲唔忿係唔知佢選人既準則,如講到係那個科目最高名次頭20我都覺得合理,但當你知道有唔係既而有得讀就覺得唔公平

分語文班係唔多唔小有標籤咗某一班人,但我反面覺得好,因為我仔之前幾年都係同班叻人同一班,有啲咩參加/比賽都一定係呢班人,而成績就算點讀都同佢地有距離,越嚟就越唔想讀,相反分咗班後,我仔多咗機會,而名次亦前咗(雖然只係班名次,但都開心架),佢既信心亦大咗....我地成日聽到佢地講「學校唔公平,咩都優待哂班精英班...」「佢地做錯嘢又唔駛罸,我地就小小嘢就罸,佢地大哂咩...」.....
但講真間間學校都係一樣,就算去到中學,精英班一定係老師擺得最多資源,最重視既一班

與其叫「十大傑出學生」,不如叫「十大老師至愛學生」,我都識有個10名內,操行好,亦有獎項但入唔到,相反另一個唔係十名內,但出外比賽攞到獎,佢阿媽成日幫學校做嘢,咁你話點解丫

所以我成日都同個仔講呢個世界係真係冇公平,最緊要自己做好便可以.試問有邊間學校唔鐘意啲成績好,表現好,不停為學校攞獎既學生丫....
但我想講依家佢地係仲有好多問題,但已俾舊校長時進步咗好多,起碼有問題時可以直接搵校長講,以前連校長個樣都唔係成日見到.
呢幾年我地班家長已明白一樣,如只靠學校一定死梗,真係差唔多9成都有出去補習,我仔試過一年差唔多全年都係代課老師,成年都好似冇上堂,之後我地都講笑,全年有返足學既老師已經係好老師la...

呢間係官校,好多時好多嘢想做但真係做唔到,所以我都同人講如果只係為咗入官中而想入呢間就真係諗清楚,因為真係唔係100%保證頭幾多名入到官中,但遇到唔好既老師就投訴都冇用,因為係官校.當然亦有好好既老師,睇你彩數

kiukiuleung

唔怪之得舊年有d家長死都要入語文班,入到就打去問校務處到嘈,至於標籤問題暫時ok,可能同學才4年級,下年就唔知.
但至於飯啇,我也抽不中試食,小兒也覺得極難食好彩未至於病

另外有好多學校都係將人地既榮譽貼響自己既臉上,我覺得出奇
反而為什麼上台領獎既會突然由男變女?實在太驚嚇
語文班安排嗰d老師,有好有唔好,有d書未教完就考試,考嗰科前一天都要趕埋d作業(當日考緊其他科)當然部份老帥都好有heart 希望明天會更好

[ 本帖最後由 kiukiuleung 於 11-7-13 18:20 編輯 ]

kiukiuleung

增潤課程~我一直以為頭15名才入?唔係咩?
說真的學校教d嘢不多,我都是不停support佢,補習再加專科班.單靠學校教嘢唔掂,到升中咪出事.....我都想佢升中冇咁辛苦 .(纯粹個人意見)

[ 本帖最後由 kiukiuleung 於 11-7-13 18:01 編輯 ]

KK168

我講校外課程呢就唔係學校內既增潤課程, 如果係校內既有列明條件都可以接受,真係差一 兩名都無辦法係咪, 我講既係 "中文大學資優課程" 果次都有出通告架, 列明要 1-20 先可以有學校推薦信, 有信唔代表實得喎, 仲要比 $180 先去考, 考到喇先有得報, 咁係唔係有問題先, 唔通我校內考 21既, 你就睇死我考唔到呀, 第二 d 學校, 只要你想報就幫你攪, 反正咩都係你自己架喇, 當然最後都係得小貓三幾隻, 之後就連 1-20 果d 都無喇

至於果個咩校內校內增潤課程, 咁又多一個為什麼喇, 我唔覺佢有列明幾至幾就有咁喎, 話說我果個試過有份啦, 收到通告, 根住又同我講無位喇, 以為自己分唔夠人高啦, 但係呢有兩位經常滿分既同學, 咁, 有佢地份係好應該既, 點知呢連 "有份" 都無,另外一位唔係滿分既又有喎,(呢, 果個 "開路" 果個呢, 咁好奇怪啦, 家長去問老師, 點知兩日後, 又同家長講係攪錯左, 咁亞 "開路"又即刻無左個位喇喎, 咁就等於好似我地 90幾既真係唔知有定無架喎, 但人地 100 都無 ??? 咁, 你出聲既就有 law, 唔出聲既咪真係唔知有無 law, 咁真唔知為什麼會咁喇

MMChan

其實可以向老師查詢,如果校長和老師都唔理,而事情又會影響到學生的話,可唔可以向教育局查詢?

kiukiuleung

("中文大學資優課程" 果次都有出通告架, 列明要 1-20 先可以有)...是否高年級才有,我冇乜印象喎!!
至於增潤是有派通告例明乙類005,除非滿分嗰位放棄空缺就由後補名單補上.
我個班就有位滿分唔參加,她話個課程冇乜用

[ 本帖最後由 kiukiuleung 於 11-7-14 12:03 編輯 ]

KK168

原帖由 kiukiuleung 於 11-7-14 12:00 發表
("中文大學資優課程" 果次都有出通告架, 列明要 1-20 先可以有)...是否高年級才有,我冇乜印象喎!!
至於增潤是有派通告例明乙類005,除非滿分嗰位放棄空缺就由後補名單補上.
我個班就有位滿分唔參加,她話個課程冇乜用: ...

人地直情連 "有份"都無又點會放棄學位呀, 果時我好肯定無出通告, 至於中大果個都係乙類通告黎既

KK168

原帖由 kiukiuleung 於 11-7-14 12:00 發表
("中文大學資優課程" 果次都有出通告架, 列明要 1-20 先可以有)...是否高年級才有,我冇乜印象喎!!
至於增潤是有派通告例明乙類005,除非滿分嗰位放棄空缺就由後補名單補上.
我個班就有位滿分唔參加,她話個課程冇乜用: ...

增潤其實真係無咩用, 人地去問點解會無份都唔係想參加, 而係想睇下佢會點答之麻

kiukiuleung

oh i see,另外有時發覺某d活動,到完show後,post d 相出嚟我才知道有這些活動,出show d 同學嚟嚟去去都嗰幾位,冇做開嗰d就一直冇!我想個個家長都想小朋友乜都試吓,唔試點知唔得呢!!就算語文班與否都一樣,費事再train過啩

原帖由 KK168 於 11-7-14 14:02 發表


增潤其實真係無咩用, 人地去問點解會無份都唔係想參加, 而係想睇下佢會點答之麻

Lovely媽咪

原帖由 kiukiuleung 於 11-7-14 14:25 發表
oh i see,另外有時發覺某d活動,到完show後,post d 相出嚟我才知道有這些活動,出show d 同學嚟嚟去去都嗰幾位,冇做開嗰d就一直冇!我想個個家長都想小朋友乜都試吓,唔試點知唔得呢!!就算語文班與否都一樣,費事再train ...

呢樣嘢早3年我都已經發覺,可能我仔係中游,而我就識得好多前20既同學,所以好多時都聽到佢地可以去邊,但我仔就連通告個影都見唔到....最攪笑係我仔參加咗(唔記得2年定3年)少年警訊,每次既戶外活動都話抽唔中,最離奇係次次抽中都係個幾個,但除咗話係巧合我亦想唔到其他理由

Lovely媽咪

我記得前一排同其他家長傾開計,大家都發覺一樣嘢....就係就算你讀邊間學校都一定會對間學校有唔多唔小既不滿
點解...因為間間學校都只會對3類人最關注--第一類當然係那班成績優異又再加埋有特異功能(可為學校爭取獎項)的學生,呢班學生係老師眼中基本上已係屬於品學兼優的一類,就算佢地做錯咩事或有同學投訴都一定唔會有任何事發生,錯既一定係投訴那一個
第2類就係成績及品行也不太好,但校外比賽成績超優異,呢一類最令老師又愛又恨.
而最後一類就係成績差或品行差,基本上學校為免佢地會做出任何影響學校聲譽既事,多數會有專人多加留意,盡量會安排多啲活動,補課之類俾佢地,務求呢班人安安全全渡過6年小學生活.

我仔一直都算係中游既學生,所以呢個理論我好早已知道,我亦試過係家長會時講我寧願個仔成績差啲,因為仲可以得到學校多些支援,當然最後我都係靠自己同我個仔自己既努力去到一間我同仔仔心目中既好學校.
由4年級開始我同仔仔已好明白呢句說話 :
「求人不如求己」

講真今日既官小已被前幾年既官小,無論成績或品行都提高了唔小,因舊校長最後的2年完全運用了12字格言「多做多錯 小做小錯 唔做唔錯」,因此新校長上任時真的做了很多嘢先可以重上軌道,所以我之前都有講過,再俾多啲時間一定會做得更好.

kiukiuleung

「求人不如求己」講得好!!!我會牢牢記著,雖然我對學校某些安排不滿,但我跟之前一樣對海官有"其望", 現在要加緊努力,迎接呈分試.哈哈哈力爭上游,趕做第一類學生!!!!!!
           「求人不如求己」

[ 本帖最後由 kiukiuleung 於 11-7-14 15:37 編輯 ]