奧海城胡X畫室學生的家長請緊記一定要準時接小朋友放學!!

音樂人長老

我慶幸唔係經營者，deannut提及家長消費者心態同氣焰我都目睹過，好彩琴行同事EQ高頂得住，所以分賬俾佢哋係值得嘅。

有個極品家長每堂例遲但要上足堂俾佢，難得有次佢同小朋友早到15分鐘，佢哋唔理我有另一個學生，要同事叫我即刻落堂等佢上堂，我當然唔肯，事後問番同事點解咁做，佢話家長喺度嘈話上完堂後趕住去街，最離譜一次係到上堂時間先打電話話喺迪士尼玩完趕緊嚟，叫我等佢半個鐘，結果係遲40分鐘先返到，個小朋友著咗樂園買嘅公主服，仲喺度行咗個圈等所有人讚佢靚先肯入去上堂。

唉，所謂一個巴掌拍唔響，希望大家站在對方立場諗下，但只為了賺取最大利潤而妄顧幼童安全就不能接受。

deandut

自從劉德華的「今時今日咁嘅服務態度唔夠架」廣告出街後，累及很多服務業的前線人員，我認同服務業有良莠不齊不齊的服務態度。但作為消費者應該要求的只是合理和公平及良好的服務，而不應過份要求得到超越自己應得的服務。
得不到就投訴，蠻不講理，經營者亦不應為只求利潤，而不顧消費者的權益或縱容顧客的不合理要求，影響整個服務業。

音樂人長老

劉華嗰句本身無問題，但演繹時要明白付出金錢同所得服務係對等，尊重人等於尊重自己，喺小朋友面前做好榜樣，我見過家長話小朋友無禮貎，酒樓侍應生攞嘢俾佢無講唔該，但大人自己一樣無講又點convince仔女呢？淨係細路仔先要講「唔該」係講唔通嘅。

唔好意思離咗題，我覺得某啲現象需要攞出嚟討論下。