轉校band 1轉band 2

bbfeby212

囡囡現讀沙田培英中一,由於學校以英文為主未能適應,上堂常不明白,有補習未能改善,今次考試更只有數學中文等3科緊緊合格,担心留班,留都唔緊要,怕佢始終跟唔上,想同佢轉band2中中讀,但又驚攞住呢個成績唔收,點好呢,請賜教~~~

Yanamami

試試基督書院吧.  2635 3330  

原帖由 bbfeby212 於 11-7-6 03:10 發表
囡囡現讀沙田培英中一,由於學校以英文為主未能適應,上堂常不明白,有補習未能改善,今次考試更只有數學中文等3科緊緊合格,担心留班,留都唔緊要,怕佢始終跟唔上,想同佢轉band2中中讀,但又驚攞住呢個成績唔收,點好呢,請 ...

celavie

請家長與孩子討論， 是否真的要轉， 或只是因孩子的讀書方法及補習方法未能配合？

pineapple0983

原帖由 bbfeby212 於 11-7-6 03:10 發表
囡囡現讀沙田培英中一,由於學校以英文為主未能適應,上堂常不明白,有補習未能改善,今次考試更只有數學中文等3科緊緊合格,担心留班,留都唔緊要,怕佢始終跟唔上,想同佢轉band2中中讀,但又驚攞住呢個成績唔收,點好呢,請 ...

沙培冇補底既咩？有冇d大哥哥大姐姐幫？
其實由中小升上英中要有個過程；學科中最難其實係中文、英史、eng lit、IS。geog 就一般，主要認圖。
d 學科 volcab 開始係要死記架，但耐左其實係有規律既，唔難記。好多人淨係考試前幾個禮拜谷都合格。最重要係集中精神讀好書，其它琴棋書畫要暫時放低先；每日返到屋企第一件事要溫識當日教既野，唔識就查字典，問同學，都要搞通佢，之後先做功課。因為唔識既野係會累積既，越唔識就越難讀落去，人越覺得驚。
你能夠入到培英已經好幸福；真係要轉，建議要去番d好d既。不過我會覺得好可惜囉。
我再重複，真係唔好咁易放棄沙培，寧願留一年都唔好放棄；仲有一樣，要多d同其它同學一齊(玩、做功課呀咁)，在互相學習過程中會比較易吸收學科。
仲有，係學校聽唔明老師唔緊要，小息問番同學，或者大膽d問老師；我識好多其實早會、上堂最多明20%，但仍然合格，主要返屋企讀番；所以你唔駛咁驚。

[ 本帖最後由 pineapple0983 於 11-7-6 10:02 編輯 ]

蔡奈子

培英當初也是我的心水學校，自行也有選的，但囝囝最後派了另一間英中。有否問囡囡想不想留在培英？如想，留班沒什麼大不了的，有很多人留了班後，成績更加好，努力吧﹗另外，補習是私補還是大班補呢？如果樓主這情況，私補好些，平時放學補多些，可跟足進度 。

chanpa

If she was not up to standard, she should repeat once.
Just to give her a chance.

Even if repeated or promoted, her study pattern, methods, attitude, time table and extra curricular activities should be reviewed.
She may have only one activity and pays attention to study.
In other words, she should study hard.

The teachers were very good, supportive and helpful to the students.

You and your daughter should discuss first with the teachers to get some hints.
I suggest you discuss with your daughter first and encourage her to try once.
Her old study method is not feasible and she needs a new/innovative one.

Don’t go to the band two or band three school (下下策)(中中入U是很難的)

Ivy07

如果囡囡唔介意的話，同佢商量下，比佢留一年試下，可能剛剛升上去唔適應。

pineapple0983

原帖由 Ivy07 於 11-7-25 22:56 發表
如果囡囡唔介意的話，同佢商量下，比佢留一年試下，可能剛剛升上去唔適應。

係呀，留班其實最大難題係心魔；怕撞番d舊同班同學，怕比人瘀。跟住就係新既同班同學知道左亦有可能會瘀d，仲有就係d教過的老師時不時提e件事。

ed難題會係開學初期出現；但捱過左 e段時間，過得幾個月，根本冇人會咁得閒再提。

但最大問題其實係自已，留班生的優勢係起跑線比別人前，d課程或多或少已經入左腦；如果能夠發力，同讀書方法啱，不難追得上。

同埋要放低過去；一日做唔到e樣，一日都好難抬起頭。我個女同班就有一個留班男仔，佢好犀利，開學時冇人知，亦冇人笑佢，而佢亦若無其事，仲4圍去幫d新同學；例如報d咩樂器班，食午飯邊間平靚正等等，好快就有一班朋友。成績亦處於中游，起碼唔駛再留班先。我地見佢都冇乜野，幾開心丫。

ZZdaphne

買中文版學科書作輔助,
睇多一年.

mio8390

如果學校給佢留班，是應為佢有機會進步先給她留班，無希望的都會不理成績如何都一路給她升，早些畢業多個位收其他優質學生，band 1學校好多不合格的學生都是一路升班至畢業，會考在14分以下。

Ivy07

既然學校比機會，應該試下，人總有失手的時候，當比個機會自己。
我有個同事個仔讀一間band 1尾直資，今年中三升中四，間學校要佢離開，父母求學校比佢留班都唔得，而家都未找到學校。

chanpa

跌倒，起來再跑。

我猜這所band one 尾直資是PLK NPL。

BearBearD

小朋友英語能力跟不上，主要是缺乏英語生活環境，我的小朋友祇看廣東話兒童節目，劇集全是英語劇集。

補習無補於事就換換有補沙田培英中經驗的補習老師，提升校內成績，再加外藉英語老師提升小朋友英語能力。

Good Luck!

Aunt-epe

各位家長, 你地講得太正面. 有冇考慮小朋友嘅性格係點? 佢係積極定係hea? 我姨甥女就係甘. 由細到大成績都中上. 入到間band 1中學. 中一成績都ok.中中地唔太差. 但升上中二, 唔知點解成績跌到尾7. 學校要佢repeat 中二, 初頭我地都好似其他家長甘唸. 學校俾機會佢. 但程況冇改善. 仲差過第一年中二. 我地同佢搵補習社補習, 但都係唔得. 歸根夠底係佢性格係唔積極. 同時好多野收埋唔俾我地知. 值到而家, 又係成績唔得, 又要再repeat中二, 校長同老師都想放棄佢, 但基於政策唔可以趕佢走. 唯有勸我地搵學校收佢自動退學. 後尾我地至知小朋友repeat中二時, 一直都唔開心. 新同學佢覺得幼稚唔想同佢地溝通. 舊同學升上中三後又俾說話佢聽. 老師堂堂都叫佢答問題. 佢覺得老師玩同針對佢. 呢一年嚟. 佢可以講得係真空期, 停止學習繼續hea. 我地一直唔知佢甘唔開心嘅原因. 其實唔係間間學校都有教無類. 佢地都係想保住自己嘅banding. 而家我地唯有同佢搵學校, 不過都未搵到, 家長們,真係要小心決定同分析, 睇下小朋友嘅意願同成績差嘅原因.

pineapple0983

原帖由 Aunt-epe 於 11-7-29 09:34 發表
各位家長, 你地講得太正面. 有冇考慮小朋友嘅性格係點? 佢係積極定係hea? 我姨甥女就係甘. 由細到大成績都中上. 入到間band 1中學. 中一成績都ok.中中地唔太差. 但升上中二, 唔知點解成績跌到尾7. 學校要佢repeat 中 ...

你講得都有可能架；但係，個小朋友既然入得 band1，段估都應該係資優學生掛？

個小朋友中間出左咁大問題，點解個家長會唔知？我諗e個先係問題所在。e+香港環境比較困難，連帶學校入面d生活都唔容易過；好似我地以前咁，hea 下 hea 下又升班既，band1 學校真係難d囉；好多小朋友放左學都有補習；而且d家長要同學校、補習都要有緊密的溝通；一有唔對路，要係件事未惡化之前就要糾正佢。因為小朋友一般eq係比較低既，仲係鐘意玩；如果讀書同玩樂 2 樣揀 1 樣，當然係玩先啦~

如果等件事惡化左之後再去補救，要比之前花多10倍力都未必搞得番惦。

ZZdaphne

其實初中呢個階段佢地好容易受到同輩的傷害, 人地可能無意亦可能有心, 但佢地好敏感,......

Aunt-epe,

睇來你姨甥女一定要轉校...

[ 本帖最後由 ZZdaphne 於 11-7-29 13:55 編輯 ]

ZZdaphne

初中真係高危....

我的策略係要阿女初中要找好的同性朋友, 可以互相扶持的同學, 要主動和同學培養感情,玩要盡情玩,佢地呢個階段要有計劃地對外開放, 佢地好需要同輩認同和互相支援,  男仔可能有不同教法..我唔清楚..女仔特別敏感, 尤其是內向的..特別需要同輩認同.

上堂就要集中, 數學唔明要問清楚, 其他成績夠升班就可以,.



呢段青春期, 就算成績好到全級頭10名的, 都有佢地嘅煩惱......若有好的同輩渲洩下, 心理都健康D



[ 本帖最後由 ZZdaphne 於 11-7-29 14:44 編輯 ]

Aunt-epe

其實小朋友中間出左咁大問題，家長點會唔知. 只不過勸極都唔聽, 打又打過, 罵又罵過, 賞又賞過, 讚又讚過. 連心理醫生都睇埋. 用盡方法都係唔聽. 連搵埋佢好朋友勸同鼓勵佢. 初頭OK.之後又再HEA同反判. 乜都唔講. 叫我地點教佢?而家幫佢搵到間BAND 3 直資中學升中三, 大人同小朋友都心大心細唔知讀唔讀好. 大人驚讀書唔成兼會學壞. 放棄BAND 1自己學校又驚反唔到轉頭. 問小朋友佢話要升中三但又唔想放棄自己學校同要好嘅朋友. 頭痕兼心煩點決定:cry:

lauyy

原帖由 Aunt-epe 於 11-8-1 09:30 發表
其實小朋友中間出左咁大問題，家長點會唔知. 只不過勸極都唔聽, 打又打過, 罵又罵過, 賞又賞過, 讚又讚過. 連心理醫生都睇埋. 用盡方法都係唔聽. 連搵埋佢好朋友勸同鼓勵佢. 初頭OK.之後又再HEA同反判. 乜都唔講. 叫我 ...

我覺得佢積極d未必追唔到, 既然佢都唔捨得d同學, 就應該比佢留底, 當係一個機會, 但一定要同佢講清楚, 比佢留底都係佢本人ge意謜, 所以唔可以再咁hea落去, 要對自己負責, 否則冇人幫到佢

lauyy

除非本身係由英小上英中, 如果唔係就一定要一d時間去適應, 有d人快, 有d人慢, 但唔好咁快就放棄! 比多d鼓勵同支持,  我相信你地一定可以渡過喱個難關! 努力, 加油!!

[ 本帖最後由 lauyy 於 11-8-14 12:45 編輯 ]