徵詢"言語治療"分享

worry-mom

想問下你地既意見, 上ST已一段日子, 假如言語一直係delay的話, 咁係咪代表ST堂都係要keep住上呢?   只不過係視乎遲緩程度去每週上or隔週上嗎?   以你地既經驗, 其實每上一課之後, 孩子係咪真係好快可以懂得運用出來嗎?   當然知道係要配合自家訓練來計.

咁樣講...係咪無止境呢?  咁同樣係咪o係學多一種語言(如英語/普通話)對佢地來說, 是否此終唔會學得好呢?

你地覺得ST除了講"夾"之外, 點先為之教得好呢?
THX!

hcily

我只能以個人經驗分享,小朋友言語遲緩,我認為要keep住上st,但家居訓練非常重要,因治療師只是示範如何做,家長才是訓練的人.
我兒子的st對他幫助極大,基本上每次去,她都啟發到孩子某些能力,每次一小步一小步,慢慢他便有大進步了.
我起初是每星期去的,差不多一年後,改了兩週一次.
至於另一種語言,我想起初還是不要心急,先弄好一種,再教第二種.
我兒子是講好廣東話,我們才教英文及普通話的.

ttlucky0303

同意hcily講法, 我小朋友之前係每星期上一次, 大約半年左右, 見佢主動多左同你講野,就轉2星期一次, 因ST係專業, 會用專業角度教你點同小朋友玩, 講野會叻好多, 我會同ST講遇到既難題.同埋會同佢講有咩進步左, 有咩仲唔係好得, 等ST都了解多0的小朋友平時係點..教得好0的呀.
我有一朋友老師叫我寫小朋友日常生活, 等評估講下又好, 同老師講又好...可以了解多0的..

其實之前我都同佢停哂0的英文等佢0的中文好0的先(因為之前俾圖咭佢睇都只懂英文, 唔識中文,平時講野都係英文) TRAIN完一輪全中文(除左工人溝通冇中文), 而家再俾圖咭佢, 佢就講到中文,而家同人講野都係中文, 我地先放心0的. 同人溝通我覺得中文重要0的.
中文難過英文好多...

我地有同佢有英文,中文時間,  另外因為學校有教PHONIC同英文, 學校有英文書要小朋友讀俾其他人聽, 讀完要人地簽名, 都幾WORK...

Capricorn2521

與其逼說話 寧引導表白（3-4歲）
文章日期：2011年6月29日
【專訊】兒子3歲，很少說話。由於丈夫長期在外工作，只我一個人照顧兒子，他愈大愈沒耐性看書，有時還發脾氣不許我說話，但基本上他明白別人意思。老師說兒子在學校也不主動說話，回答短且少，但願意跟同學玩，分享玩具等。安排他上言語治療，表現很合作，可是回家練習卻不肯跟我合作。為什會這樣呢？
一般香港孩子到了3歲，是最滔滔不絕的時期，喜歡問這問那，或詳細告訴你他的所見所聞。不過，也有一些孩子表現內向或害羞，不輕易開口說話，對待這類孩子需要時間和耐心，給予鼓勵總比懲罰有效。人生活在社群中，相互溝通非常重要，所以儘管這類孩子少用語言，他還是會用其他表達方式和玩伴合作遊戲；而他上言語治療課能達到指標，亦顯示他有能力改善。
過分遷就反限制孩子表達
孩子小時候，爸媽難免要常揣摩孩子需要，到了他們一二歲開始牙牙學語，爸媽便以為孩子不用特別教導，往往令他們錯過不少語言練習的機會，例如孩子指一指水瓶，爸媽就馬上把水瓶遞給他，令孩子懶說話使語言滯後，又或以他常用的BB話來跟他溝通，過分遷就反而限制了他的表達空間。在家固然習以為常，在學校裏，老師要照顧的孩子也不少，實難個別教導指正。
媽媽回到家中練習時，若完全重複言語治療課的練習，孩子可能會不耐煩而拒絕合作，媽媽可嘗試把重點放在交流上，製造孩子要用語言表達的機會，例如知道他想喝水，媽媽卻只拿空的杯子給他，要他準確地告訴媽媽要喝水，才給他喝；又如跟他說故事時，可以伸展故事，把次序說錯，讓孩子指正出來，當他有意思地說出正確故事情節，便乘機邀請他來主講，過程中媽媽可以簡單嘆喟和發問作回應，鼓勵他多說一點；如果他說話發音不正，也不要打斷更正，待他稍息時，教他以正確發音再說一次。
教孩子說話表達自己，最重要是令他覺得說話能有效傳遞他的感受和意圖，即使媽媽跟他不打照臉，自己說話的聲音也能傳至媽媽耳中，自然刺激他多說話的動機。
資料提供﹕領思兒童發展中心言語治療師呂潔玲
http://happypama.mingpao.com/cfm/parenting3.cfm?File=20110629/newa/oma3.txt

worry-mom

多謝你地既意見&分享!
有感而發係因為有時覺得ST教既野比較刻板式, 當然絕對尊重佢地因為佢地確實係言語治療師, 佢地既意見同指導都係正面既!  如果在於表達方面來說, 大家又有否確得有時PST教既野更全面, 而使到小朋友更易於表達呢?
純粹討論!

咁係咪即係小朋友會說句子既時候, 就讓他學第二種語言呢?   你地既小朋友係讀緊K幾呀?
thanks!

xixi1218

你們的治療師會安排家居作業嗎？其實我想有具體需要我去做的工作，等我知道我應該怎樣。但我那個ST就只說他當堂的情況，問他我需要怎做，他只說多講故事。。。。我不知道我具體可以做什麽更加有效呢？

kelvin_hmlau

xixi1218,
有功課 ST, 請 check PM.

ttlucky0303

我小朋友黎緊4歲了, 升K2, 我的ST係從遊戲中開始引我小朋友講野, 當然有我在場3個人就可以多0的互動, 上半堂會同佢玩遊戲, 下半堂會同玩圖卡, 再加少少口肌訓練, 佢會叫我返屋企點樣點樣同小朋友玩口肌, 亦會寫下一些練習(以前會EG: 擺XX係XXX度..等3詞句)及印圖卡俾我同小朋友玩, 返屋企同佢做...
見佢有進步就會加深訓練, 而家用多左圖卡, 等小朋友自己講,唔使刻意要我跟佢講野, 意想不到佢一見即刻講到出黎...

另外我都有搵幼稚園老師(係我朋友黎), 我唔知叫咩, 總之會同佢玩, 會訓練專注,訓練認知...等---呢個就差唔多每星期一堂

至於係唔係小朋友會說句子既時候, 就讓他學第二種語言呢?
我都唔清楚, 你可以同你ST傾下, 點樣做佢英文, 你小朋友英文基礎好嗎?

worry-mom

看來你的ST很不錯, 一堂裡面分2-3part去訓練.  你介唔介意分享你係邊度上堂呢?
担白說, 似乎未遇到一個全面既ST, 全面係指好像你說的那樣, 當然而家上既ST堂對小朋友都有幫助, 但係覺得很慢, 好似係個圈入面走來走去.
我無刻意叫ST教佢英文, 但有問過意見, 佢話只要佢理解到, 不妨給他嘗試.  哈! 英文基礎好唔好真係唔知...比起normal既我估咪唔好囉....應該輸在自發性表達, 因為係屋企我地都係主要用廣東話溝通, 學校有net教phonic, 不過"認英文"對佢來說可能係強項.

原帖由 ttlucky0303 於 11-7-6 18:26 發表
我小朋友黎緊4歲了, 升K2, 我的ST係從遊戲中開始引我小朋友講野, 當然有我在場3個人就可以多0的互動, 上半堂會同佢玩遊戲, 下半堂會同玩圖卡, 再加少少口肌訓練, 佢會叫我返屋企點樣點樣同小朋友玩口肌, 亦會寫下一 ...

ttlucky0303

其實我都轉過ST, 之前個0個每堂只會用死一樣, 當時小朋友剛剛3歲, 個ST係咁俾圖卡佢睇, 我小朋友又唔明又悶, 最後個0個ST要轉PART TIME, 我地0的時間夾唔到, 可能係安排啦, 我地就試呢個MISS, 佢係資深既MISS, 好似教左十年以上啦(因為價錢唔同左), 所以佢識點同小朋友玩, 佢開始會用玩具引我小朋友, 最後10分鐘會用圖卡(有時5分鐘圖卡,5分鐘口肌), 我TOTAL係30分鐘-->因為真係好貴同埋佢多教我返同佢做咩做咩多...

香港社區言語中心

[ 本帖最後由 ttlucky0303 於 11-7-7 08:16 編輯 ]